Rom Dãmba 15:18 - KÃAB-PAALGÃ KOE-NOOGO

^18-19 Bala, mam ka na n saag n pʋd bũmb yelle, tɩ ka Kirist sẽn tũnug maam n maane, sã n yaa m goamẽ, wall m tʋʋmẽ, tɩ ne Sɩɩg-sõng pãnga, la m maan bãn sẽn tar pãnga, la ne bõn-yɛɛsdse, tɩ m tõe n sõng buud a taabã neb tɩ b sak Wẽnnaam. Yaa woto yĩnga, sẽn sɩng ne Zeruzalɛm, n gilg hal tɩ ta Iliri, mam moona Kirist koe-noogã wʋsgo.

SEBR SÕNGO

¹⁸ M kõn saag n gom bũmb a to yelle sã n ka Krista sẽn sõng-m tɩ m kẽes bu-zẽmba, tẽeba sor pʋgẽ, ne m goam la m tʋʋmde,

WẼNNAAM SEBRE 2014

^18-19 Bala, mam ka na n saag n pʋd bũmb yelle, tɩ ka Kiris sẽn tũnug maam n maane, sã n yaa m goamẽ, wall m tʋʋmẽ, tɩ ne Sɩɩg-sõng pãnga, la m maan bãn sẽn tar pãnga, la ne bõn-yɛɛsdse, tɩ m tõe n sõng buud a taabã neb tɩ b sak Wẽnnaam. Yaa woto yĩnga, sẽn sɩng ne Zeruzalɛm, n gilg hal tɩ ta Iliri, mam moona Kiris koe-noogã wʋsgo.

Rom Dãmba 15:18 Iomraidhean Croise

A Matiye Sõng 25:16

A sẽn loog yee, la sẽn deeg-a talã a nu wã loog-yã, n tall-b n leebe, n paam yõod talã a nu n paase.

A Mark Sõng 16:20

La bãmb karen-biisã kẽngame n moon koɛɛgã zĩig fãa. Zu-soabã tʋma ne bãmba, n maan bãn n tũnug koɛɛgã n wilg t'a yaa sɩda.]

Tʋʋma 14:27

La b sẽn ta Ãntiyos b tigma a Zezi tẽedba fãa n togs-b Wẽnnaam sẽn tall bãmb n maan bãmb bũmb nins fãa wã. La sẽn yɩ to-to tɩ Wẽnnaam pak sor tɩ bu-zẽmsa me tõe n tẽ wã.

Tʋʋma 15:12

Nebã sẽn tigma fãa sĩndame n kelg a Barnabas na a Poll sẽn togsd Wẽnnaam sẽn tall bãmb n maan bõn-bãna la bõn-yɛɛsdsã fãa bu-zẽmsã sʋkã.

Tʋʋma 15:4

La a Poll dãmb sẽn ta Zeruzalɛm, a Zezi tẽedba ne tẽn-tʋmdbã ne kãsem-dãmbã reeg-b lame. La a Poll dãmb togs-b la bũmb nins fãa Wẽnnaam sẽn tall bãmb n maana.

Tʋʋma 21:19

A Poll sẽn pʋʋs-b n sɛ, a sɩngame n togs bãmb bũmb nins fãa Wẽnnaam sẽn tall yẽnda n maan bu-zẽmsã sʋkã.

Tʋʋma 26:20

La m deng n moona koɛɛgã Damas nebã nanda la m yaool n moon-a Zeruzalɛm ne Zude soolma fãa pʋga, la bu-zẽmsã n yeel-b tɩ b tek yam n kos sugr n sak Wẽnnaam n maan tʋʋm sẽn wilgd tɩ b sɩd teka yam.

Rom Dãmba 1:5

Yaa tõnd Zu-soab a Zezi Kirist. Yaa bãmb maasem yĩng la tõnd deeg barka, la tẽn-tʋmde, tɩ ne bãmb yʋʋre, tõnd na tall soolem toay-toayã fãa neb tɩ b wa tẽ Bãmba, la b sak Bãmba.

Rom Dãmba 16:26

La moasã, Wẽnnaam no-rɛɛsdbã pĩnd-n-bãngr goamã sɛb puk-a-la wa Wẽnnaam sẽn ka sɩngr kõn zĩnd saabã sẽn yeelã, n wilg soolem dãmba fãa nebã, tɩ b tõe n sak tẽebã.

Rom Dãmba 6:17

La Wẽnnaam sõngr yĩnga, yãmb sẽn dag n ya yel-wẽnã yemsã, yãmb saka tẽeb yẽbgr noyã b sẽn togs yãmbã ne y yamleoogo.

2 Korẽnt rãmba 11:31

Wẽnnaam sẽn ya tõnd Zu-soab a Zezi Ba wã, sẽn tar-a bark wakat sẽn kõn sa wã miime tɩ mam ka yagd zĩrĩ ye!

2 Korẽnt rãmba 12:6

La mam sã n dat n pẽg m menga, mam ka na n maan yalemd ye, bala mam na n togsa sɩda. La mam gũusda m meng tɩ ned da wa n yã mam sẽn maandã, la a wʋm mam sẽn gõmdã n tags tɩ maam n yɩɩd ye.

2 Korẽnt rãmba 3:5

Ka rat n yeel tɩ tõnd mens tara pãng n tõe n maan bũmb kãng ne d mens pãng ye, la yaa tɩ tõnd pãngã yita Wẽnnaam nengẽ.

2 Korẽnt rãmba 6:1

Tõnd sẽn ya Wẽnnaam tʋmd-n-taasã yĩnga, tõnd kota yãmb tɩ y ra bas bark ninga yãmb sẽn deeg Wẽnnaam nengẽ wã tɩ yɩ zaalem ye.

Galat Rãmba 2:8

— bala, ned ning sẽn tʋm a Pɩyɛɛr pʋgẽ n kɩt t'a lebg Zuif rãmbã tẽn-tʋmdã, soab kõng me n tʋm mam pʋgẽ bu-zẽmsã yĩnga.

Kolos Rãmba 3:17

Bũmb ning fãa yãmb sẽn maanda, sã n yaa goam pʋga wall tʋʋm pʋga, maan-y fãa ne Zu-soab a Zezi yʋʋre, n pʋʋs ba a Wẽnnaam bark a Zezi maasem yĩnga.

2Tesalonik Rãmba 2:17

bels yãmb sũyã, la b kɩt tɩ y pɛlg yɩ kãenkãe ne tʋʋm-sõng fãa, la ne gom-sõng fãa.

Ebre rãmba 11:8

Yaa ne tẽeb la a Abraham sak Wẽnd boolle, n yi n tees tẽng ning Wẽnnaam sẽn na n kõ-a t'a soogã. La a yiime n da ka mi a sẽn dabdẽ ye.

Ebre rãmba 5:9

La b sẽn wa n kɩt tɩ bãmb zems zãnga, bãmb waa ne fãagr sẽn kõn sa, neb nins fãa sẽn sakd bãmbã yĩnga.

Zake 1:22

Yɩ-y koe-sakdba, la y ra yɩ koe-kɛlgdb bala, n belgd y mens ne tagsd sẽn ka sɩd ye.

1 Zã 3:18

Kom-bõonego, bɩ tõnd nonglem ra yɩ noor goama wall no-noom ye. Bɩ a yɩ ne tʋʋma la ne sɩda.

A Zʋʋde 1:9

La baa malɛk-rãmba naab a Misɛl sẽn dag n kɩɩsd bɛlgdã sẽn yetã n wẽed no-koeemd ne-a a Moyiis kũuma poorẽ wã, a ka saag n gom n paoog-a ye. A yeelame yaa: Bɩ Zu-soaba sɩbg-fo.