Rom Dãmba 15:16 - KÃAB-PAALGÃ KOE-NOOGO

¹⁶ n kɩt tɩ mam ya Kirist tʋmtʋmd buud a taabã sʋkã yĩnga. Mam maanda Wẽnnaam koe-noogã tʋʋmd sẽn ya tẽeb bũmbã, tɩ buud a taabã nebã na yɩ wa kũun sẽn noom Wẽnnaam, neb Wẽnnaam Sɩɩg-sõng sẽn welg toor Wẽnnaam yĩnga.

SEBR SÕNGO

¹⁶ M dat n le tẽeg y lame tɩ Wẽnd yeel-m lame tɩ m yɩ wa maan-kʋʋd bu-zẽmba sʋka, Wẽnd Koe-nooga maan-kʋʋda, n kɩt tɩ bu-zẽmba lebg kũuni, kũuni a Vʋʋsem Sõng sẽn maneg tɩ tat Wẽnd yam.

WẼNNAAM SEBRE 2014

¹⁶ n kɩt tɩ mam ya Kiris tʋmtʋmd buud a taabã sʋkã yĩnga. Mam maanda Wẽnnaam koe-noogã tʋʋmd sẽn ya tẽeb bũmbã, tɩ buud a taabã nebã na yɩ wa kũun sẽn noom Wẽnnaam, neb Wẽnnaam Sɩɩg-sõng sẽn welg toor Wẽnnaam yĩnga.

Rom Dãmba 15:16 Iomraidhean Croise

Tʋʋma 13:2

Bãmb sẽn da maand Zu-soaba tʋʋmd la b loet noore, Sɩɩg-sõng yeel-b lame tɩ b yãk a Barnabas ne a Soll n welg-b toore, tɩ b maan tʋʋmd ninga b sẽn bool-b tɩ b maana.

Tʋʋma 20:24

La mam tagsdame tɩ mam vɩɩmã ka tar yõod ne maam ye. La sẽn pak maam yaa tɩ m wee n tõog n maan m tʋʋmdã hal n ta a tɛka, n tõog n baas tʋʋmd ning Zu-soab a Zezi sẽn ning mam zugã, n moon Wẽnnaam barkã koe-noogã.

Tʋʋma 20:32

La moasã, mam basda yãmb Wẽnnaam nugẽ, la m basd-y ne bãmb bark goamã sẽn tar pãng n tõe n paas yãmb daoodo, la a kɩt tɩ yãmb yɩ pʋɩt-n-taas ne Wẽnnaam neba fãa wã.

Tʋʋma 22:21

Dẽ, Zu-soabã yeela maam yaa: “Kẽnge, bala, m na n tʋma foom zĩ-zãrgẽ, bu-zẽmsã nengẽ.”

Tʋʋma 9:15

La Zu-soab yeela a Ananiyas yaa: Kẽnge. Tɩ bõe, mam yãka rao-kãnga n na n kɩt t'a tall mam yʋʋrã n wilg bu-zẽmse la rĩm-dãmba la Israyɛl nebã.

Rom Dãmba 1:1

Maam a Poll, a Zezi Kirist tʋmtʋmd b sẽn yãk t'a yɩ tẽn-tʋmdã, n welg-a toor Wẽnnaam koe-noogã yĩnga,

Rom Dãmba 11:13

Bu-zẽmsã, mam yeta yãmba: Mam sẽn ya tẽn-tʋmd bu-zẽmsã sʋka, mam waoogda m tʋʋmdã,

Rom Dãmba 15:18

Bala, mam ka na n saag n pʋd bũmb yelle, tɩ ka Kirist sẽn tũnug maam n maane, sã n yaa m goamẽ, wall m tʋʋmẽ, tɩ ne Sɩɩg-sõng pãnga, la m maan bãn sẽn tar pãnga, la ne bõn-yɛɛsdse, tɩ m tõe n sõng buud a taabã neb tɩ b sak Wẽnnaam. Yaa woto yĩnga, sẽn sɩng ne Zeruzalɛm, n gilg hal tɩ ta Iliri, mam moona Kirist koe-noogã wʋsgo.

Rom Dãmba 15:20

La mam yãka yam tɩ moon koe-noog zĩis nins b sẽn zɩ n pʋd Kirist yʋʋrã ye, tɩ m da wa n me ned a to yẽbgr zug ye. La a wa b sẽn gʋls n yeelã:

Rom Dãmba 15:29

Mam miime tɩ m sã n wa wat yãmb nengẽ, yaa ne Kirist barkã la m na n wa.

Rom Dãmba 5:5

Tẽeb pidsg gũudum yaool n ka tudgd ned ye, bala, Wẽnnaam Sɩɩg-sõng b sẽn kõ tõndã pidsda tõnd sũyã ne Wẽnnaam nonglem tõnd sũyã pʋse.

1 Korẽnt rãmba 3:5

ka ninsaalemd la rẽnda sɩda? A Apolos yaa bõe, t'a Poll ya bõe? Bãmb yaa tʋmtʋmdb bal Wẽnnaam sẽn tall n kɩt tɩ yãmb tẽ a Zezi, n zems ne Zu-soabã sẽn tees yãmb a soaba.

1 Korẽnt rãmba 4:1

Woto yĩnga, ges-y tõnd wa Kirist tʋmtʋmdba, Wẽnnaam sẽn ning b yel-soalmã yell b nusẽ.

1 Korẽnt rãmba 6:19

Yãmb zɩ tɩ yãmb yĩnga yaa Sɩɩg-sõng roogo, Sɩɩg-sõng yãmb sẽn deeg Wẽnnaam nengẽ, la tɩ yãmb ka leb n so y meng laa?

2 Korẽnt rãmba 11:23

Bãmb yaa Kirist tʋmtʋmdba? Maam n leb n yɩɩda. Mam gomda wa m zugã ka be ye. Sã n ya ne tʋʋma, maam n yɩɩd-ba, ne bi-bees roog kõom, maam n yɩɩd-ba, ne pãbr deegre, maam n leb n yɩɩd-ba, la mam kolga kũum naoor wʋsgo.

2 Korẽnt rãmba 5:20

Dẽ, tõnd yaa Kirist tʋmtʋmdba, tɩ tõnd sẽn gomd ne yãmbã, yaa Wẽnnaam n tall tõnd n gomd ne yãmba: Tõnd kota yãmb ne Kirist yʋʋr tɩ y leb n paam lagem-n-taar ne Wẽnnaam!

2 Korẽnt rãmba 8:5

Bãmb deng n dɩka b mens n kõ Zu-soabã, la b sak tõnd ne Wẽnnaam daabo. Woto yɩɩda tõnd sẽn da tẽedã.

Galat Rãmba 3:5

Soab ning sẽn kõt yãmb Sɩɩgã la b maand bõn-bãn yãmb sʋkã, yaa yãmb sẽn sakd tõogã yĩng la b maand bii, bɩ yaa yãmb sẽn kelgd koe-noogã ne tẽebã yĩnga?

Efɛɛz Rãmba 2:18

Bala, Kirist maasem yĩnga, tõnd ned kam fãa tara noor tɩ wa d ba wã nengẽ, Sɩɩg-sõng a yembr pʋgẽ.

Efɛɛz Rãmba 2:22

Yãmb sẽn be Kirist pʋgẽ wã, yãmb me naaga meebã pʋgẽ n lebg Wẽnnaam Sɩɩgã roogo.

Efɛɛz Rãmba 5:2

la y kẽn nonglem pʋga, wa Kirist me sẽn nong tõndo, n kõ b meng tõnd yĩng tɩ yɩ kũun la maoong sẽn ya wa kaam sẽn tar yũ-noog n tat Wẽnnaam yam.

Filip rãmba 2:17

La baa b sã n dɩk maam n bas wa b sẽn basd koom maoong zĩigẽ, n paas maam ne maoong ning la kũun nins yãmb sẽn kõt Wẽnnaam y sẽn tẽed bãmbã yĩnga, mam maanda sũ-noog ne bõn-kãnga, la m naagda yãmb fãa n kɩdemdẽ.

Filip rãmba 4:18

Mam deega fãa la m tara wʋsgo. Mam sẽn deeg bũmb nins yãmb sẽn tʋm a Epafordit t'a kõ maamã, mam tarame tɩ sek n gɩmbe. Kũun-kãens yaa wa kaam sẽn tar yũ-noogo, la maoong Wẽnnaam sẽn deegda la sẽn tat bãmb yam.

1Tesalonik Rãmba 2:2

La yãmb miime tɩ b namsa tõnd Filip, la tõnd yãa toog be. Rẽ kɩtame tɩ tõnd paam pɛl-kɛgeng ne d Wẽnnaamã, n na n moon yãmb Wẽnnaam koe-noogã maoor wʋsg pʋgẽ.

1Tesalonik Rãmba 2:9

D ba-biisi, yãmb tẽra tõnd tʋʋmã ne d naongã: Tõnd moona yãmb Wẽnnaam koe-noogã, la tõnd tʋma yʋng ne wĩntoogo, tɩ d da wa n yɩ zɩɩb yãmb yĩng ye.

1Tesalonik Rãmba 5:23

Bɩ Wẽnnaam sẽn so laafɩ wã maneg yãmb yĩn-tõrã b toor tɩ yɩ sõama zãnga, tɩ tõnd Zu-soab a Zezi Kirist waoongã daare, bɩ b mik tɩ rõdb ka be yãmb belma pʋgẽ ye, sã n yaa y Sɩɩgã, wall y yĩngã pʋgẽ.

1 Tɩmote 1:11

Yaa koe-noog ning sẽn tar ziirã, Wẽnnaam sẽn ya bark soabã koe-noogã, koe-noog ning b sẽn ning mam noorẽ wã n yet a woto.

1 Tɩmote 2:7

Wẽnnaam yãka maam tɩ m moon kaset kãnga, la m yɩ tẽn-tʋmda — mam yeta sɩda, mam ka yagd ye —, la m zãms bu-zẽmsã ne tẽebo la ne sɩda.

2 Tɩmote 1:11

Wẽnnaam yãka maam tɩ m yɩ koe-no-kãng moaanda, a tẽn-tʋmda, a karen-saamba.

Ebre rãmba 13:16

Baoosgo, da yĩm-y maan-neer la kũun ye, bala yaa maand a woto buud la Wẽnnaam nonga.

1 Pɩyɛɛr 1:12

La Wẽnnaam vẽnega b no-rɛɛsdbã tɩ b bãng tɩ bãmb sẽn deeg koɛɛg ningã ka bãmb mens yĩng ye, la yaa yãmb yĩnga la b ya bõn-kãens tʋmtʋmdba. Moasã, neb nins sẽn moon yãmb koe-noogã togsa yãmb bõn-kãens ne Sɩɩg-sõng sẽn yi arzãnã pãnga, la baa malegsã mens datẽ lame n wʋm a võore.

1 Pɩyɛɛr 2:5

La yãmb mens sẽn wẽnd kug-vɩɩsã, me-y y mens tɩ yɩ Sɩɩg-sõng roogo, la maan-kʋʋdb sẽn ya sõama, n kõt Wẽnnaam maoong sẽn ya Sɩɩg-sõng rẽnda, n tat Wẽnnaam yam a Zezi Kirist maasem yĩnga.