Rom Dãmba 15:14 - KÃAB-PAALGÃ KOE-NOOGO

¹⁴ Sã n yaa ne yãmb yelle, m ba-biisi, mam sũur kɛɛm tɩ yãmb pida ne sõmblem, la y pid ne bãngr fãa, la y yaa neb sẽn tõe n keoog taaba.

SEBR SÕNGO

¹⁴ M mii vẽenega, m saam-biisi, tɩ y sũur pida ne raab sõma la y yam pida ne bãngre al tɩ y tõe n sagl y taaba.

WẼNNAAM SEBRE 2014

¹⁴ Sã n yaa ne yãmb yelle, m ba-biisi, mam sũur kɛɛm tɩ yãmb pida ne sõmblem, la y pid ne bãngr fãa, la y yaa neb sẽn tõe n keoog taaba.

Rom Dãmba 15:14 Iomraidhean Croise

1 Korẽnt rãmba 1:5

Tɩ yãmb paam bũmb fãa wʋsgo, sã n yaa goama wall bãngr fãa.

1 Korẽnt rãmba 12:8

Sɩd me, Wẽnnaam Sɩɩgã kõta ned a yembr yam gomde, n kõ ned a to bãngr gomde, la yaa Sɩɩg a yembr n maand rẽ.

1 Korẽnt rãmba 13:2

La mam sã n paam pĩnd-n-bãngr goam kũuni, la yel-soalma fãa bilgri, la bãngr fãa, la hal baa mam sã n tar tẽeb sẽn tõe n sers tãmse, mam sã n ka tar nonglem, mam ka fɩ.

1 Korẽnt rãmba 8:1

Sã n yaa ne maand nins sẽn kʋ tẽn-kugã nemdã yelle, tõnd fãa miime tɩ d tara bãngre. — Bãngr wata ne wuk-m-menga, la nonglem sõngdame.

1 Korẽnt rãmba 8:10

Bala, ned sã n yã foom a tar bãngrã tɩ f zĩ wẽn-naandg karen-doogẽ n dɩtẽ, rẽ yĩnga, a sũ-bãngrã sẽn ka pãngã ka na n kɩt t'a me wãb maand sẽn kʋ wẽn-naandsã nemdo?

1 Korẽnt rãmba 8:7

La ka neba fãa n mi bõn-kãng ye. Sɩd me, neb kẽer yam sẽn ket n togl ne Wẽn-naandsã yellã wãbda nem-kãens sẽn yɩ maoongã. La bũmb kãng rẽgemda bãmb sũ-bãngrã sẽn ka pãngã.

2 Korẽnt rãmba 8:7

A wa yãmb sẽn modgd ne bũmb fãa wã: Sã n ya tẽebo, goama, bãngre, la yãmb sẽn wɩngd ne bũmb fãa, la y tar nonglem tõnd yĩngã, bɩ y modg ne nonglem tʋʋm kãng maaneg me.

Efɛɛz Rãmba 5:9

Bala, vẽenem biis yaa sõmblem buud fãa, la tɩrlem la sɩda.

Filip rãmba 1:11

n pid ne tɩrlem biis sẽn yit a Zezi Kirist nengẽ, Wẽnnaam waoogre la b pẽgr yĩnga.

Filip rãmba 1:7

A Zemsame tɩ mam paam tagsg a woto yãmb fãa yĩnga, bala, mam yam bee ne yãmb sõama, tɩ bõe, sã n yaa mam sẽn be bi-bees roog pʋg moasã wã, wall sã n yaa mam sẽn da gomd n wilgdẽ tɩ koe-noogã yaa sɩdã, yãmb fãa lagemda ne maam n paamd bark a yembre.

Kolos Rãmba 3:16

Bɩ Kirist goama zĩnd yãmb pʋsẽ ne yõod ning sẽn be a pʋgẽ wã. Zãms-y taab la y keoog taab ne yam meng-menga, ne yɩɩn-sõamyã, la Wẽnnaam yɩɩla, la yɩɩl Sɩɩg-sõng sẽn kõta. Yɩɩl-y bark pʋʋsg yɩɩl ne y sũyã fãa n pẽg Wẽnnaam.

1Tesalonik Rãmba 5:11

Woto yĩnga, paas-y taab raoodo, la y bɩɩs taab tẽeb wa y sẽn zoe n maandẽ wã.

1Tesalonik Rãmba 5:14

D Ba-biisi, tõnd bõosda yãmb tɩ y keoog neb nins sẽn vɩ yaarã, la y paas neb nins raood sẽn boogã raoodo, la y tebel pãn-komsem dãmba, la y maan sũ-mar ne nebã fãa.

2Tesalonik Rãmba 1:11

Yaa woto yĩng la tõnd pʋʋsd yãmb yĩng n ka basdẽ ye, tɩ tõnd Wẽnnaamã na kɩt tɩ yãmb yɩ neb sẽn zemsd ne boolg ning b sẽn bool yãmbã, la tɩ b na pids saag-sõamy nins yãmb sẽn tar ne tʋʋm-sõamy wã maanegã, la b kɩt tɩ yãmb tẽebã tʋʋmd zems zãnga.

2 Tɩmote 1:5

Mam ket n tẽra tẽeb ning fo sẽn tara, sẽn ka kalem ne zãmbã yelle. Tẽ-kãng dag n zĩnda ne f yaab a Loyiis, la ne f ma a Eniisi, la mam mii m sũurẽ t'a bee ne foom me.

A Fɩlmo 1:21

Yaa mam sẽn mi tɩ fo na n sakame wã yĩng la mam sẽn gʋlsd fooma, n miẽ tɩ f na n sak n maaname tɩ yɩɩd mam sẽn kot-fã.

Ebre rãmba 5:12

Sẽn kaoos n ta moasã, tɩ yãmb da tog n yɩ karen-saamb-dãmbã, yãmb leb n datame tɩ b zãms yãmb Wẽnnaam yel-soalmã pipi koees sẽn ya naana wã. Yãmb leb n tõdgda rɩ-taok n dat bĩisim.

Ebre rãmba 6:9

Baa ne tõnd sẽn gomd a woto wã, m ba-bi-nongdse, tõnd mii d sũurẽ tɩ yãmb sẽn ya woto wã yaa sõama n yɩɩd a woto, la rẽ tõee n waa ne fãagre.

2 Pɩyɛɛr 1:12

Yaa woto yĩng tɩ mam na n tẽegd yãmb bõn-kãens daar fãa, baa ne yãmb sẽn zoe n mi-bã, la y sẽn yas kãenkãe sɩd-kãngã pʋgẽ wã.

1 Zã 2:21

Mam sẽn gʋls yãmbã, ka tɩ yãmb ka mi sɩdã ye, la yaa yãmb sẽn mi-a wã yĩnga, la zĩrĩ sẽn ka yit sɩd pʋgẽ wã yĩnga.