Rom Dãmba 13:13 - KÃAB-PAALGÃ KOE-NOOGO

¹³ Tɩ d kẽn ne pʋ-peelem, wa neb sẽn kẽnd wĩndga, n ka rɩt tɩ loogdẽ, la d ka rã-yũudba, n da maan raglem la yoobo, wall ka wʋm-taaba la sũ-kiir ye.

SEBR SÕNGO

¹³ D tall d meng ne waoogr wa sẽn segd wĩndga. D da yɩ rɩ-rɩtb la kokoraad ye. D bas yoob la yaoolg buud fãa. D bas zab la sũ-kiiri.

WẼNNAAM SEBRE 2014

¹³ Tɩ d kẽn ne pʋ-peelem, wa neb sẽn kẽnd wĩndga, n ka rɩt tɩ loogdẽ, la d ka rã-yũudba, n da maan raglem la yoobo, wall ka wʋm-taaba la sũ-kiir ye.

Rom Dãmba 13:13 Iomraidhean Croise

A Luk Sõng 1:6

Bãmb b yiibã fãa dag n yaa nin-tɩrs Wẽnnaam nifẽ, la b da sakda Zu-soabã tõodã la b noyã fãa sõama.

A Luk Sõng 16:19

Rao a ye n da be n ya arzɛk soaba, n yeelgd fu-sõama sẽn ya neeba. La daar fãa, a tara bũmb fãa tɩ seke, t'a vɩɩma ya noog wʋsgo.

A Luk Sõng 21:34

Gũus-y y mens tɩ rɩ-n-tɩk wall rã-tɩgre, la vɩɩmã yɛl yɩɩr da wa n zɩsg yãmb sũyã ye, la tɩ ra-kãng ra wa n ling yãmb

Tʋʋma 2:15

Nin-kãensã ka yũ rãam wala yãmb sẽn tẽedã ye. Bala, nan ket n yaa yibeoogo, wakat a wɛ bala.

1 Korẽnt rãmba 3:3

Sũ-kiirã ne ka-wʋmd-taabã sẽn be yãmb sʋkã, dẽ yĩnga, yãmb ka neb sẽn sakd yĩngã ratem, la y kẽnd wa ninsaal sẽn maandã sɩda?

Galat Rãmba 5:19

La yĩngã tʋʋm yaool n yaa vẽenese. Yaa yoobo, rẽgdo, tʋʋm wẽns maanego,

Galat Rãmba 5:21

zoe-bõne, rã-tɩgre, yão-beedo, la bũmb sẽn wẽnd a woto. Mam pĩnd n keoogda yãmb wa mam sẽn da zoe n maanã. Neb nins sẽn maand bõn-kãensã kõn paam Wẽnnaam soolem tɩ yɩ b pʋɩɩr ye.

Efɛɛz Rãmba 4:1

Woto yĩnga, mam sẽn be bi-bees roogẽ Zu-soabã tũudum yĩngã, mam sagenda yãmb tɩ y kẽn wa sẽn zems boolg ning Wẽnnaam sẽn bool yãmbã.

Efɛɛz Rãmba 4:17

Woto yĩnga, ad bũmb ning mam sẽn yet yãmba, la m sẽn kɩt a kaset Zu-soabã pʋgẽ: Yaa tɩ yãmb ka tog n leb n kẽn wa neb nins sẽn ka pʋʋsd Wẽnnaamã ye. Bãmb kẽnda wa sẽn zems b tagsg sẽn ka yõodã.

Efɛɛz Rãmba 5:15

Dẽ wã, gũus-y neer ne yãmb kẽnde, n da kẽn wa yalemb ye. Kẽn-y wa yam dãmba.

Efɛɛz Rãmba 5:18

Da tɩg-y ne rãam ye, yõwã sãamda neda. Pid-y ne Wẽnnaam Sɩɩgã.

Efɛɛz Rãmba 5:8

Sɩd me, pĩnda, yãmb dag n bee likẽ. La moasã, yãmb sẽn tũud Zu-soabã yĩnga, y bee vẽenemẽ. Rẽ wã, kẽn-y wa vẽenemẽ kamba.

Filip rãmba 1:27

Bũmb sẽn be bala, kɩt-y tɩ yãmb tʋʋmã zems ne Kirist koe-noogã, sẽn na n yɩlẽ tɩ mam sã n wa n na ges yãmba, wall m sã n ka wa, bɩ m wʋm yãmb kibar sẽn yet tɩ y yasa kãenkãe ne yam a yembre, n lagemd taab ne tagsg a yembr n zabd koe-noogã tẽeb yĩnga.

Filip rãmba 2:3

Da maan-y bũmb baa fɩ ne geesem-geesem wall ne wuk-m-meng ye, la bɩ ned kam fãa paam sik-m-meng yam n tags tɩ neb a taaba yɩɩda yẽnda.

Kolos Rãmba 1:10

Kɩt-y tɩ y kẽnã waoogd Zu-soabã, tɩ y tõe n ta bãmb yam bũmb fãa pʋgẽ, la y wom biis ne tʋʋm sõama buud fãa, la y bɩ Wẽnnaam bãngr pʋgẽ.

Kolos Rãmba 3:5

Dẽ wã yĩnga, kɩt-y tɩ y dũni ka yalẽ wã ki. Yaa yoobo, tʋʋm-rẽgdo, wẽng maaneg ratem, datem wẽnse, la rat-wʋsgo, sẽn ya wa wẽn-naands pʋʋsgo.

1Tesalonik Rãmba 2:12

Tõnd sagla yãmba, n bels yãmba, la d bõos yãmb tɩ y kẽn wa sẽn zemsd Wẽnnaam daabo, bãmb sẽn bool yãmb tɩ y paam pʋɩɩr ne bãmb soolem la b ziirã yĩnga.

1Tesalonik Rãmba 4:12

Maan-y-yã a woto tɩ y yel-manesem ne yɩng rãmbã zemse, la tɩ yãmb da zĩẽ n gũud ned sõngr ye.

1Tesalonik Rãmba 5:17

Pʋʋs-y n da bas ye.

Zake 4:5

Yãmb tẽedame tɩ Wẽnnaam gʋls-sõamyã sẽn yet tɩ: Yaa ne sũ-kiir la Wẽnnaam nong sɩɩg ninga b sẽn kɩt tɩ b be yãmb pʋgẽ wã, b gomda zaalem laa?

1 Zã 2:6

Sẽn yet-a tɩ yẽ paada Wẽnnaam pʋgẽ tog n kẽnda wa a Zu-soabã sẽn dag n kẽndã.

2 Zã 1:4

Mam paama sũ-noog wʋsgo, mam sẽn mik tɩ fo kamb kẽer n kẽnd sɩdã pʋgẽ, wa sẽn zems tõog ning d ba wã sẽn kõ tõndã.

A Zʋʋde 1:23

Zɛɛg-y-b n fãag-b n yiis bugmẽ wã. Zoe-y neb a taabã nimbãanega, nimbãaneg sẽn naag ne rabeem, n kisg hal baa fuug ning b yĩnsã ratem sẽn dẽgmã.