Rom Dãmba 13:12 - KÃAB-PAALGÃ KOE-NOOGO

¹² Zĩigã zoee n zʋʋgame, la zĩig kolga yẽegre. Dẽ, wa-y tɩ d bas likã tʋʋma, la d bob vẽenem pʋgẽ zab-teedo.

SEBR SÕNGO

¹² Zĩig zʋʋgame. Beoog yaoome. D bas d likẽ tʋʋma la d yi vẽenemẽ ne d zab teedo.

WẼNNAAM SEBRE 2014

¹² Zĩigã zoee n zʋʋgame, la zĩig kolga yẽegre. Dẽ, wa-y tɩ d bas likã tʋʋma, la d bob vẽenem pʋgẽ zab-teedo.

Rom Dãmba 13:12 Iomraidhean Croise

Rom Dãmba 13:14

Yeelg-y Zu-soab a Zezi Kirist wa fuugu, la y ra bʋ yĩngã yelle n dat n pids a sẽn datã ye.

1 Korẽnt rãmba 10:11

Bõn-kãens paama bãmba, tɩ yɩ mamsgo, la b gʋlsame n na n keoog tõnd dãmb sẽn mi tɩ wakatã taa a saabã.

1 Korẽnt rãmba 7:29

M ba-biisi, ad bũmb ning m sẽn yeta, mam yetame yaa: Weerã yaa koɛɛga. Sẽn sɩng ne moasã, bɩ neb nins sẽn tar pagbã yɩ wa neb sẽn ka tar pagba,

2 Korẽnt rãmba 10:4

Bala, tõnd sẽn tar zab-teed nins n zabdẽ wã ka yĩng zab-teed ye. La zab-te-kãens tara pãng Wẽnnaam nifẽ n tõe n leeb pãens rãmbã n lubi.

2 Korẽnt rãmba 6:7

ne koɛɛg sẽn ya sɩda, la ne Wẽnnaam pãnga, ne tɩrlem zab teed sẽn tar n zabdẽ, la sẽn tar n kogend d menga, waoogre, la paoogr pʋgẽ,

Efɛɛz Rãmba 5:11

la y ra tol n paam lagem-n-taar ne likã tʋʋm sẽn ka yõodã ye. Wilg-y tɩ b ka sõama ye.

Efɛɛz Rãmba 5:8

Sɩd me, pĩnda, yãmb dag n bee likẽ. La moasã, yãmb sẽn tũud Zu-soabã yĩnga, y bee vẽenemẽ. Rẽ wã, kẽn-y wa vẽenemẽ kamba.

Ebre rãmba 10:25

Bɩ d da bas d wẽnd-doogã wa neb kẽer sẽn minim n maandẽ wã ye. Bɩ d sagl taaba, n sagl taab n yɩɩda, yãmb sẽn ne tɩ daarã kolgdame wã yĩnga.

Ebre rãmba 12:1

Dẽ yĩnga, tõnd me sẽn tar kaset dãmb wʋsg sẽn gũbg tõnd a woto wã, bɩ d tõdg zɩɩb fãa la yel-wẽnã sẽn lut tõnd naana wã, la d nang pãng ne zoees ning sẽn be tõnd taoorã,

Zake 1:21

Yaa woto yĩnga, bas-y rẽgd buud fãa, la pʋ-toog fãa, la y reeg gomd ning b sẽn bʋd yãmb pʋgẽ la sẽn tõe n fãag yãmb sɩɩsã ne sũ-bʋgsem.

Zake 5:8

Bɩ yãmb me maan sũ-mare, n keng y raoodo, bala, Zu-soabã waoong kolgame.

1 Pɩyɛɛr 2:1

Dẽ yĩngã, bas-y pʋ-toog fãa, la sɩlem fãa, la zãmbo, la sũ-kiiri, la paoogr goam buud fãa.

1 Pɩyɛɛr 4:7

Bũmb fãa sɛɛb wakat kolgame. Dẽ wã yĩnga, yɩ-y neb sẽn tar yam la gũus-m-mens-rãmba, n kẽng taoor ne pʋʋsgo.

2 Pɩyɛɛr 3:11

Rẽ wã yĩnga, bõn-kãensã fãa sẽn na n wa n yẽnegã yĩnga, ges-y tɩ yãmb yel-manesmã ne y Wẽnnaamã tũub yɩ sõama!

2 Pɩyɛɛr 3:9

Wẽnnaam ka basd tɩ bãmb sẽn kãabã kaoos n pids wa neb kẽer sẽn tagsdã ye. La yaa tɩ bãmb maanda sũ-mar ne yãmba, b sẽn ka rat tɩ ned baa a yen sãama yĩnga. Bãmb ratem yaa tɩ yãmb fãa tek yam n kos sugri.

1 Zã 2:18

Mam kom-bõonego, moasa yaa yaoolem wakate. Wa yãmb sẽn dag n wʋm tɩ Kirist kɩɩsd n watã, ad Kirist kɩɩsdb wʋsg n be moasã. Rẽ kɩtame tɩ tõnd miẽ tɩ yaa yaoolem wakate.

Vẽnegre 1:3

Bark bee neb nins sẽn karemd pĩnd-n-bãngr gom-kãensã wã zutu, la neb nins sẽn kelgda la b sakd bũmb nins sẽn gʋls tɩ be a pʋgẽ wã zutu. Bala wakatã kolgame.

Vẽnegre 22:10

Dẽ poore malɛkã yeela maam yaa: Da solg seb-kãngã pĩnd-n-bãngr goamã ye! Bala, b pidsgã wakat kolgame.