Rom Dãmba 12:7 - KÃAB-PAALGÃ KOE-NOOGO

⁷ Sã n yaa yel-gesg tʋʋmde, bɩ a yɩ ne tʋʋmd tagsgo. Bɩ ned ning sẽn zãmsd neb wɩng ne zãmsgã.

SEBR SÕNGO

⁷ Sã n ya taab sõngre, bɩ d wɩng ne sõngre; sã n ya taab zãmsgo, bɩ d zãms-ba;

WẼNNAAM SEBRE 2014

⁷ Sã n yaa yel-gesg tʋʋmde, bɩ a yɩ ne tʋʋmd tagsgo. Bɩ ned ning sẽn zãmsd neb wɩng ne zãmsgã.

Rom Dãmba 12:7 Iomraidhean Croise

A Matiye Sõng 28:19

Bɩ y kẽng n maan neba buud fãa tɩ yɩ mam karen-biisi, n lis bãmb ne Ba, la Bi-ribla, la Sɩɩg-sõng yʋʋre,

A Zã Sõng 3:2

Yẽ waa a Zezi nengẽ ne yʋng n yeel-b yaa: Karen-saamba, tõnd miime tɩ yãmb yaa karen-saamb Wẽnnaam sẽn tʋme. Bala, ned ka tõe n maan bõn-bãn nins yãmb sẽn maandã, tɩ sã n ka Wẽnnaam n be ne-a ye.

Tʋʋma 13:1

Wẽnnaam no-rɛɛsdb la karen-saam-dãmb n dag n be a Zezi tẽedba sẽn be Ãntiyosã sʋka. Yaa a Barnabas ne a Sɩmyõ b sẽn boond t'a Nizɛɛr ne a lisiyus sẽn yit Sɩrɛn la a Manayɛn sẽn wub rĩma Herood ba wã Zakẽ la a Solle.

Tʋʋma 20:20

Yãmb miime tɩ mam ka solg yãmb bũmb nins fãa sẽn na n sõng-y wã ye. Mam togsa yãmb bũmba fãa la m zãms-y nebã sʋka la rot pʋse.

Tʋʋma 20:28

Dẽ wã, gũus-y mense, la y ges piis nins fãa Sɩɩg-sõng sẽn kõ-y tɩ y gũ wã yelle. Rɩlg-y Zu-soabã tẽedbã b sẽn da ne b biigã zɩɩmã.

Tʋʋma 6:1

Wakat kãnga, karen-biisã ra lebgda wʋsgo. Zuif-rãmb nins sẽn vɩ-b tẽn-taasã yẽgma ne Zuif-rãmb nins sẽn vɩ-b Zeruzalɛma, b sẽn da ka kõt bãmb pʋgkõapã b daar fãa pʋɩɩrã wa sẽn zemsã yĩnga.

1 Korẽnt rãmba 12:28

Wẽnnaam ninga neb b roogẽ wã: pipi rãmb yaa tẽn-tʋmdbã, tɩ Wẽnnaam no-rɛɛsdbã ya yiib rãmba, tɩ karen-saam-dãmbã ya tãab rãmba. Rẽ poore, bõn-bãn maaneg kũun n be, tɩ maagr kũuni, sõngr kũuni, lʋɩ neb taoor kũuni, gom-zẽn buud toay-toay kũun n pʋgda.

1 Korẽnt rãmba 12:5

Tʋʋmã sẽn tʋmd to-to wã yaa toay-toaya, la yaa Zu-soab a yembr yĩng la b tʋmda.

1 Korẽnt rãmba 14:26

Woto wã, m ba-biisi, d na n maana a wãna? Yãmb sã n tigim taaba, ned sã n tar yɩɩlle, wall saglgo, wall vẽnegre, wall gom-zẽnga, wall gom-zẽn deesgo, bɩ ned fãa maan a tʋʋmd nebã bɩɩsg yĩnga.

Galat Rãmba 6:6

Ned sã n paam tɩ ned a to zãmsd-a Wẽnnaam goamã, bɩ a kɩt tɩ sẽn zãmsd-a yẽ wã me paam pʋɩɩr ne bũmb nins yẽ sẽn tarã.

Efɛɛz Rãmba 4:11

Yaa bãmb n kɩt tɩ neb kẽer yɩ tẽn-tʋmdba, tɩ kẽer yɩ bãmb no-rɛɛsdba, tɩ kẽer yɩ koe-noogã moaandba, tɩ kẽer yɩ pe-kɩɩmba la karen-saam-dãmba,

Kolos Rãmba 4:17

Yeel-y-yã a Arsɩp yaa: Gũus ne tʋʋmd ning fo sẽn deeg Zu-soabã nengẽ wã, n tõog tʋm-a sõama.

1 Tɩmote 2:7

Wẽnnaam yãka maam tɩ m moon kaset kãnga, la m yɩ tẽn-tʋmda — mam yeta sɩda, mam ka yagd ye —, la m zãms bu-zẽmsã ne tẽebo la ne sɩda.

1 Tɩmote 3:2

Dẽ yĩnga, yaa tɩlɛ tɩ karen-saamb yɩ ned sẽn ka tar rõadga, pʋg-yend sɩda, ned sẽn gũusd ne a yel-manesem, sẽn tar yam n tõe n tagse, ned sẽn zems waoogre, sẽn maand sãamba sãando, ned sẽn tõe n zãms neb a taaba.

1 Tɩmote 4:16

Mao n gũus f menga, la f gũus ne zãmsgã. Wɩng ne bõn-kãense, bala, fo sã n maan a woto, fo na n fãaga f menga, la f fãag neb nins sẽn kelgd foomã.

1 Tɩmote 5:17

Taoor dãmb nins sẽn get wẽnd-doogã tʋʋm yell neerã tog n paama waoogr n yɩɩda, la sẽn yɩɩd fãa, yaa neb nins sẽn wɩngd ne koe-moonego la ne zãmsgã.

2 Tɩmote 2:2

Bũmb nins fo sẽn wʋm mam noorẽ kaset dãmb wʋsg taoorã, togs-b neb nins sẽn maand sɩda la sẽn tõe n zãms neb a taabã.

2 Tɩmote 2:24

Wẽnnaam tʋmtʋmd yaool n ka tog ne zab ye, a tog n tara nonglem neba fãa yĩnga, la a tar zãmsg ne zɩɩb tʋkr kũuni.

2 Tɩmote 4:2

tɩ f moon koɛɛgã, tɩ f wɩng ne togsg wakat fãa, sã n yaa a togsg wakat wall ka a wakate. Mao tɩ nebã reeg tɩ gomdã yaa sɩda. Leng la f sagl ne sũ-mare la zãmsgo.