Rom Dãmba 12:13 - KÃAB-PAALGÃ KOE-NOOGO

¹³ Sõng-y nin-tũusdsã sẽn dat sõngrã. Mao-y n maand-y sãambã sãando.

SEBR SÕNGO

¹³ nin-sõma wã yell gesg yɩ y tʋʋmd pakre, la sãamba fãa paam y gãag-sobendo.

WẼNNAAM SEBRE 2014

¹³ Sõng-y nin-tũusdsã sẽn dat sõngrã. Mao-y n maand-y sãambã sãando.

Rom Dãmba 12:13 Iomraidhean Croise

A Matiye Sõng 25:35

Tɩ bõe, kom dag n talla maam, la yãmb kõo maam rɩɩbo. Ko-yũud yõka maam, la yãmb kõo maam koom tɩ m yũ. Mam dag n yaa sãana, la yãmb sika maam y yiri.

Tʋʋma 10:4

La yẽ gesa malɛk ne rabeem n yeel-a yaa: Yaa a wãna m Zu-soaba? Malɛk yeel-a lame yaa: Wẽnnaam tẽra fo pʋʋsgã la f sẽn sõngd naong rãmba yelle, la b ka yĩnd f yell ye.

Tʋʋma 4:35

La b kɩta tẽn-tʋmdba ligdã, la b pʋɩta ligdã tɩ ned kam fãa paam sẽn zems a sõngre.

Rom Dãmba 12:8

Ned ning sẽn sagend nebã, bɩ a wɩng ne saglgo. Ned sã n ya kõata, bɩ a kõ ne sik-m-menga. Sẽn yaa-a taoor soaba, bɩ a maan a tʋʋmd ne a sũur fãa. Sẽn yaa-a nimbãan-zoɛta, bɩ yɩ ne sũ-noogo.

1 Korẽnt rãmba 16:15

M ba-biisi, bũmb a yembr la mam leb n dat n yeel yãmb tɩ y maane. Yãmb miime t'a Stefanas zaka rãmb n yɩ pipi tẽedb Akayi soolmã, la tɩ b tʋmdame n sõngd Kirist tẽedbã.

2 Korẽnt rãmba 9:1

Ka tɩlɛ tɩ mam gʋls yãmb sõngr ning sẽn tog n kõ tẽedbã wɛɛngẽ ye.

2 Korẽnt rãmba 9:12

Bala, ka Wẽnnaam nebã bal la nonglem kũun kãngã na n sõng ye. A na n kɩtame tɩ neb wʋsg pʋʋs Wẽnnaam barka.

Galat Rãmba 6:10

Woto yĩnga, tõnd sẽn paam weer ning fãa, bɩ d maan neba fãa neere, la sẽn yɩɩd fãa yaa tẽeb pʋgẽ ba-biisã.

1 Tɩmote 3:2

Dẽ yĩnga, yaa tɩlɛ tɩ karen-saamb yɩ ned sẽn ka tar rõadga, pʋg-yend sɩda, ned sẽn gũusd ne a yel-manesem, sẽn tar yam n tõe n tagse, ned sẽn zems waoogre, sẽn maand sãamba sãando, ned sẽn tõe n zãms neb a taaba.

1 Tɩmote 5:10

tɩ neba fãa miẽ t'a wuba kamba, n maan sãambã sãando, n pegs nin-sõamy naowã, la a sõng neb nins sẽn namsda, la a bao tɩ maan tʋʋm-sõng buuda fãa.

A Titi 1:8

Yẽ tog n yɩɩ ned sẽn maand sãamba sãando la a yɩ maan-neer zoa, la a yɩ ned sẽn tagsd sõama, la a ya nin-tɩrga la pʋ-peelem soaba la tõog-m-meng soaba.

A Titi 3:14

Tõnd neba me tog n zãmsame tɩ maan tʋʋm-sõama n tõog n sõng ne yɛl sẽn dat manegr tao-tao, tɩ bãmb da yɩ neb sẽn ka wat ne baa fɩ ye.

A Fɩlmo 1:7

Ba-biiga, mam paama sũ-no-kãsenga ne belsgo, fo nonglmã yĩnga, tɩ bõe, fo yĩnga, Wẽnnaam nebã sũy paama belsgo.

Ebre rãmba 13:16

Baoosgo, da yĩm-y maan-neer la kũun ye, bala yaa maand a woto buud la Wẽnnaam nonga.

Ebre rãmba 13:2

Da yĩm-y tɩ maan sãambã sãand ye. Bala, neb kẽer sẽn maan woto, b reega malegs b zagsẽ n ka bãng ye.

Ebre rãmba 6:10

Bala, Wẽnnaam ka ka-tɩrlem soaba, n na n yĩm yãmb tʋʋm sõamyã, wall nonglem ning yãmb sẽn wilg Wẽnnaam yʋʋrã yĩnga, ne tʋʋm nins yãmb sẽn maan nin-sõamy wã yĩng n ket n maandẽ wã ye.

1 Pɩyɛɛr 4:9

Maan-y taab sãando, tɩ yẽgõng kaẽ ye.

1 Zã 3:17

Ned sã n tar dũni arzegse, n neẽ t'a ba-biig rat sõngre, tɩ yẽ ka zoe a nimbãaneg n sõng-a, yẽ na n yɩɩ a wãn yeel t'a nonga Wẽnnaam?

3 Zã 1:5

Mam zo-nongre, bũmb ning fo sẽn maand ba-biisã yĩngã, fo maanda ne sɩda, baa ne ba-bi-sãamsã.