Rom Dãmba 11:36 - KÃAB-PAALGÃ KOE-NOOGO

³⁶ Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.

SEBR SÕNGO

³⁶ Fãa yita bãmb nengẽ, bãmb n maan fãa, fãa yaa b soolem. Bɩ b paam pẽgre sẽn ka be sɛɛbo. Amina!

WẼNNAAM SEBRE 2014

³⁶ Bũmb fãa yii bãmb nengẽ, bãmb n maan bũmb fãa, la bũmb fãa yaa bãmb yĩnga. Bãmb n so ziir wakat fãa. Ãmina.

Rom Dãmba 11:36 Iomraidhean Croise

A Matiye Sõng 6:13

Da bas-y tõnd tɩ d kẽ makr pʋgẽ ye. Fãag-y tõnd wẽng soabã nugẽ, [tɩ yãmb n so soolem la pãnga la waoogr wakat sẽn kõn sa. Ãmina!]

A Luk Sõng 19:38

Nebã da yetame tɩ yaa: Wẽnd na bark rĩm ninga sẽn wat ne Zu-soabã yʋʋrã! Laafɩ bee arzãna, la ziir bee hal yĩngri.

A Luk Sõng 2:14

Ziiri! Wẽnnaam sẽn be hal saasẽ saasẽ! Laafɩ bee dũni zugu, neb nins bãmb sẽn nongã sʋka.

Tʋʋma 17:28

bala, yaa bãmb pʋg la d tar vɩɩm, la d tõe n kẽne la d beẽ. Yaa wala yãmb yʋʋmba kẽer sẽn dag n yeel me tɩ tõnd yaa Wẽnnaam koãmbã.

Rom Dãmba 16:27

Bɩ Wẽnnaam, sẽn ya b yen tãa n ya yam soabã soog ziiri, wakat fãa, a Zezi Kirist maasem yĩnga. Ãmina!

1 Korẽnt rãmba 11:12

Bala, a wa b sẽn yãk rao pʋgẽ n naan pagã, yaa pag me n dog daoa, la fãa yita Wẽnnaam nengẽ.

1 Korẽnt rãmba 8:6

Ne tõndo, Wẽnnaam a yen bal n be, n ya ba. Bũmb fãa yita bãmb nengẽ, tõnd yaa bãmb dẽnda. La zu-soab a yen tãa n be, a Zezi Kirist, soab ning maasem yĩng bũmb fãa sẽn be, la tõnd sẽn be.

Galat Rãmba 1:5

Bɩ bãmb paam ziir wakat fãa, ãmina!

Efɛɛz Rãmba 3:21

paam ziir a Zezi tẽedbã sʋka, a Zezi Kirist pʋgẽ, zamaan o zamaana, wakat sẽn kõn sa, ãmina.

Filip rãmba 4:20

Bɩ tõnd ba a Wẽnnaam paam waoogr daar fãa, wakat sẽn ka sɛt ye. Ãmina.

1 Tɩmote 1:17

Bɩ rĩm ning sẽn be-a wakat sẽn kõn sa, n ka tõe n ki, la ned nin sẽn ka tõe n yã, n ya b yen tãa n ya Wẽnnaamã soog waoogre, la ziiri, wakat sẽn ka sɛt ye. Ãmina!

1 Tɩmote 6:16

Yaa bãmb bal n ka kiida, n vɩ vẽenem ned sẽn ka tõe n ta pʋgẽ. Ned nan ka yãnd bãmb ye, la ned ka tõe n yãnd bãmb me ye. Yaa bãmb n so waoogre, la pãng sẽn paad wakat sẽn kõn sa. Ãmina!

2 Tɩmote 4:18

Zu-soabã na n yolsa maam ne tʋʋm-wẽng fãa, la b na n fãaga maam n kẽes b soolmẽ. Bãmb n so ziir wakat sẽn ka sɛta. Ãmina!

Ebre rãmba 13:21

na kɩt tɩ yãmb tõog n maan sẽn ya sõama, tɩ y na maan bãmb daabo. Bɩ Wẽnnaam kɩt tɩ bũmb nins sẽn noom bãmbã maan tõnd pʋse, a Zezi Kirist maasem yĩnga, soab ning sẽn zems ne ziir zamaan o zamaane! Ãmina!

Ebre rãmba 2:10

Sɩd me, a taa Soab ning sẽn naan-a bũmb fãa n kɩt tɩ b beẽ b meng yĩnga, Soab ning sẽn tall-a kom-dibli wʋsg n wa n kẽes ziir pʋgẽ wã yam tɩ kɩt t'a Zezi, sẽn wa-a ne nebã fãagrã tũnug namsg n paam zemsg zãnga.

1 Pɩyɛɛr 4:11

Ned sã n gomda, bɩ a gom wa sẽn zemsd Wẽnnaam goamã sẽn yetã. Ned sã n sõngdẽ, bɩ a sõng wa sẽn zemsd pãng ning Wẽnnaam sẽn kõ-a wã, tɩ Wẽnnaam sẽn so ziiri la pãng wakat sẽn kõn sa wã paam waoogr bũmba fãa pʋga, a Zezi Kirist maasem yĩnga. Ãmina!

1 Pɩyɛɛr 5:11

Bɩ pãngã yɩ bãmb dẽnd zamaan o zamaane! Ãmina.

2 Pɩyɛɛr 3:18

Bɩ yãmb bɩ tõnd Zu-soaba la d Fãagd a Zezi Kirist barkã pʋgẽ, la y bãngd-b yellã n paasdẽ. Bãmb n so ziir sẽn sɩng ne moasã hal tɩ ta wakat sẽn kõn sa.

A Zʋʋde 1:25

Wẽnnaam b yen tãa sẽn ya soab ning sẽn fãag-a tõndo, d Zu-soab a Zezi Kirist maasem yĩngã, soog ziiri, la naam, la pãnga la noore, sẽn sɩng ne wakat sẽn dag n ka be, la moasã, la zamaan fãa sẽn wata. Ãmina.

Vẽnegre 19:1

Rẽ poore, mam wʋma koe-kãseng arzãn pʋgẽ sẽn wẽmd neb kʋʋng wʋsg koees sẽn yet yaa: Halleluya! Fãagr la ziir ne pãng yaa tõnd Wẽnnaamã n so,

Vẽnegre 21:6

Bãmb yeela maam yaa: Maaname! Maam la Alfa la Omega, Sɩngre la Sɛɛbo. Mam na n kõo ned ning ko-yũud sẽn tarã vɩɩm ko-bundmã zaalem.

Vẽnegre 7:10

Bãmb dag n zẽkda b koees ne pãng n yetẽ: Fãagrã bee ne tõnd Wẽnnaam sẽn zao geerã zugã, la ne Pe-bilã.

Vẽnegre 7:12

n yetẽ yaa: Ãmina! Pẽgre, la ziiri, la yam la bark pʋʋsgo, la waoogre, la pãn-tõogo, la pãng yaa tõnd Wẽnnaamã n so zamaan o zamaana! Ãmina!