Rom Dãmba 10:15 - KÃAB-PAALGÃ KOE-NOOGO

¹⁵ La koe-moaandb na n yɩɩ wãn n zĩndi, ned sã n ka tʋm-ba? Wa b sẽn gʋlsã: Neb nins sẽn moond koe-noogã nao tara rasãnde.

SEBR SÕNGO

¹⁵ la koɛɛg na n yii yɛ sã n ka sẽn tʋm a soaba nengẽ, wala sebr sõng sẽn togsde: «Ad-y b sẽn tʋm b rãmb tɩ b saa n togs Koe-noogã, ad-b nao be neere.»

WẼNNAAM SEBRE 2014

¹⁵ La koe-moaandb na n yɩɩ wãn n zĩndi, ned sã n ka tʋm-ba? Wa b sẽn gʋlsã: Neb nins sẽn moond koe-noogã nao tara rasãnde.

Rom Dãmba 10:15 Iomraidhean Croise

A Matiye Sõng 9:38

Dẽ yĩnga, kos-y tigsgã soab tɩ b tʋm tʋmtʋmdb b pʋʋgẽ wã.

A Luk Sõng 10:1

Rẽ poore, Zu-soabã leb n yãka neb pis-yopoe la a yiib a taaba, n tʋm bãmb yiib yiib tɩ b reng bãmb taoor n kẽng tẽng fãa la zĩig ning fãa bãmb meng sẽn tog n kẽngã.

A Luk Sõng 2:10

La malɛkã yeel-b lame yaa: Da zoe-y rabeem ye, bala, mam togsda yãmb koe-noog sẽn na n wa ne sũ-no-kãseng nebã fãa yĩnga.

A Luk Sõng 2:14

Ziiri! Wẽnnaam sẽn be hal saasẽ saasẽ! Laafɩ bee dũni zugu, neb nins bãmb sẽn nongã sʋka.

A Luk Sõng 8:1

Dẽ poore, a Zezi ra kẽnda tẽn-bõoneg pʋse, n moondẽ la b togsd Wẽnnaam soolem koe-noogã. Karen-biis piig la yiibã ra bee ne bãmba,

A Zã Sõng 20:21

A Zezi leb n yeel-b lame yaa: Bɩ laafɩ zĩnd ne yãmba! Mam me tʋmda yãmb wa m ba sẽn tʋm maamã.

Tʋʋma 10:36

Wẽnnaam tʋma b koɛɛga Israyɛl yagensa nengẽ n togs-b tɩ laafɩ koe-noog wata a Zezi sẽn ya neba fãa Zu-soabã maasem yĩnga.

Tʋʋma 13:26

M ba-biisi, yãmb sẽn ya a Abraham yagensã la neb nins sẽn be yãmb sʋk n zoet Wẽnnaamã, yaa yãmb yĩng la b tʋm fãagrã koe-no-kãngã.

Tʋʋma 22:21

Dẽ, Zu-soabã yeela maam yaa: “Kẽnge, bala, m na n tʋma foom zĩ-zãrgẽ, bu-zẽmsã nengẽ.”

Tʋʋma 9:15

La Zu-soab yeela a Ananiyas yaa: Kẽnge. Tɩ bõe, mam yãka rao-kãnga n na n kɩt t'a tall mam yʋʋrã n wilg bu-zẽmse la rĩm-dãmba la Israyɛl nebã.

Rom Dãmba 1:15

Dẽnda n kɩt tɩ mam dat ne n sũur fãa n moon yãmb me sẽn be Rommã koe-noogã.

Rom Dãmba 15:20

La mam yãka yam tɩ moon koe-noog zĩis nins b sẽn zɩ n pʋd Kirist yʋʋrã ye, tɩ m da wa n me ned a to yẽbgr zug ye. La a wa b sẽn gʋls n yeelã:

Efɛɛz Rãmba 2:17

Kirist waa n moona yãmb dãmb sẽn da zãrã laafɩ koe-noogã, la b moona neb nins sẽn da pẽ wã me.

Efɛɛz Rãmba 3:8

Mam sẽn ya Wẽnnaam neba fãa yao-zʋʋgã, Wẽnnaam kõo maam bakr kãnga, tɩ m moon koe-noog ning sẽn wilgd Kirist arzegs sẽn ka sɛtã bu-zẽmsã sʋka,

Efɛɛz Rãmba 6:15

la y wid laafɩ koe-noogã togsg ratem tɩ yɩ yãmb neooda,

1 Pɩyɛɛr 1:12

La Wẽnnaam vẽnega b no-rɛɛsdbã tɩ b bãng tɩ bãmb sẽn deeg koɛɛg ningã ka bãmb mens yĩng ye, la yaa yãmb yĩnga la b ya bõn-kãens tʋmtʋmdba. Moasã, neb nins sẽn moon yãmb koe-noogã togsa yãmb bõn-kãens ne Sɩɩg-sõng sẽn yi arzãnã pãnga, la baa malegsã mens datẽ lame n wʋm a võore.