Rom Dãmba 1:18 - KÃAB-PAALGÃ KOE-NOOGO

¹⁸ Tɩ bõe, Wẽnnaam sũ-puugr yita yĩngr n sigd ninsaalb zutu, b sẽn paoogd Wẽnnaamã la b tʋʋm-wẽnsã yĩnga, bãmb sẽn gɩdgd sɩdã t'a ka tõe n maan a tʋʋmde, tɩ ka zemsã yĩnga.

SEBR SÕNGO

¹⁸ Wẽnnaam beema sẽn sigd a soab zugu, yaa wẽn-kɩɩsa, sẽn nong-a wẽnga la sẽn baood-a zãmb loɛɛg n loe sɩda.

WẼNNAAM SEBRE 2014

¹⁸ Sɩdã, Wẽnnaam sũ-puugrã yita yĩngr n sigd ninsaalbã zutu, bãmb wẽn-kɩɩsgã la b tʋʋm-wẽnsã sẽn gɩdgd sɩdã t'a ka tõe n maan a tʋʋmdã yĩnga.

Rom Dãmba 1:18 Iomraidhean Croise

Rom Dãmba 1:19

Bala, bũmb ning fãa ned sẽn tõe n bãng sẽn kẽed ne Wẽnnaam yellã ya vẽeneg ne bãmba, tɩ bõe, Wẽnnaam puk-a la bãmba.

Rom Dãmba 1:28

Bãmb sẽn ka tags tɩ yaa sõama tɩ bãng Wẽnnaamã, Wẽnnaam basame tɩ b tũud b tagsdã sẽn ya wẽnsã, tɩ b maand bũmb sẽn ka zems ye.

Rom Dãmba 1:32

La baa ne b sẽn mi Wẽnnaam yelsem sẽn yet tɩ neb nins sẽn maand bõn-kãensã zemsa ne kũumã, b maand-b lame. La ka rẽ bal ye, b yetame me tɩ neb nins sẽn maand bõn-kãensã maanda neere.

Rom Dãmba 2:3

Fo tẽedame tɩ f sẽn kaood f taab bʋʋdo, n maand wa bãmbã fo na n põsa Wẽnnaam bʋ-kaoorã?

Rom Dãmba 3:9

La rẽ wã, tõnd yɩɩda neb a taabã la? Baa bilfu! Bala, tõnd zoe n wilgame tɩ nebã fãa, Zuif-rãmba la sẽn ka-b Zuif-rãmbã bee yel-wẽnã yembd pʋgẽ

Rom Dãmba 4:15

Bala, tõogã wata ne sũ-yikri, la zĩig ning tõog sẽn ka be, beegr me ka ye.

Rom Dãmba 5:6

Bala, wakat ning tõnd sẽn da ka pãngã, Wẽnnaam wakatã sẽn wa n ta, Kirist kii nin-wẽnsã yĩnga.

Rom Dãmba 5:9

Moasã, tõnd sẽn paam zemsg Kirist zɩɩmã raagr yĩngã, tõnd kõn põs Wẽnnaam sũ-yikr bãmb maasem yĩng n yɩɩd sɩda?

Rom Dãmba 6:13

Da dɩk-y y yĩngã will n kɩs yel-wẽnã tɩ yɩ ka-tɩrlem tʋʋm teed ye. Kõ-y y mens Wẽnnaam, wa neb sẽn vʋʋg n yi kũum sʋk n vɩ, la y kõ Wẽnnaam y yĩngã wil tɩ yɩ tɩrlem tʋʋm teedo.

Efɛɛz Rãmba 5:6

Da sak-y tɩ ned belg yãmb ne gom-vɩɩd ye. Bala, yaa bõn-kãens yĩng la Wẽnnaam sũ-puugr sigd kɩɩsdbã zutã.

Kolos Rãmba 3:6

Yaa rẽnda yĩng la Wẽnnaam sũ-puugr wat kɩɩsdbã zutu.

2Tesalonik Rãmba 2:10

la ne ka-tɩrlem belgrã fãa, neb nins sẽn na n sãamã yĩnga, bala, b ka reeg sɩdã nonglem n na paam fãagr ye.

2Tesalonik Rãmba 2:6

Mosã, yãmb mii bũmb ning sẽn gɩdg-a t'a ka tõe n yik hal tɩ ta a wakatã.