Rom Dãmba 1:16 - KÃAB-PAALGÃ KOE-NOOGO

¹⁶ Bala, koe-noogã mooneg yãnd ka tar maam ye. A yaa Wẽnnaam pãng sẽn fãagd ned ning fãa sẽn tẽeda: Pipi yaa Zuif-rãmba, tɩ sẽn ka-b Zuif-rãmbã pʋgda.

SEBR SÕNGO

¹⁶ Yãnd ka tar-m ne Wẽnd Koe-nooga ye, a yaa Wẽnd pãnga n fãagd ned ning fãa sẽn tar-a tẽebo, Zʋɩf pipi tɩ sẽn ka a Zʋɩf yaool n pʋgda.

WẼNNAAM SEBRE 2014

¹⁶ Bala, koe-noogã mooneg yãnd ka tar maam ye. Sɩdã, a yaa Wẽnnaam pãng sẽn fãagd ned ning fãa sẽn tẽeda: Pipi yaa Zʋɩf-rãmba, tɩ sẽn ka-b Zʋɩf-rãmbã pʋgda.

Rom Dãmba 1:16 Iomraidhean Croise

A Mark Sõng 8:38

Mam yelle la mam goamã sã n ya yãnd ne nina zamaan kãngã nebã sẽn ya yoaadbã la yel-wẽn maandbã sʋka, yẽ me yell na n yɩɩ yãnd ne maam a Ninsaal Bi-riblã, wakat ning mam sẽn na n wa ne m ba wã naam la ne maleg-sõmyã.

A Luk Sõng 9:26

Sɩd me, ned sã n zoe mam yãnde la mam goama yãnde, Ninsaal Bi-riblã sã n wa n wa ne b ziirã, la b ba wã ziiri, ne malegs-sõamyã, b na n zoee yẽ me yãnde.

A Zã Sõng 7:35

Zuif-rãmbã goma ne taab n yeele: A na n kẽe yɛ tɩ tõnd da yã-a? A na n kẽnga Zuif-rãmb nins sẽn sãeeg n be Gɛrk-rãmbã sʋka nengẽ n tɩ zãms Gɛrk-rãmbã bi?

Tʋʋma 3:26

Yaa yãmb yĩng pipi la Wẽnnaam yãk b tẽn-tʋmd n tʋm-b yãmb nengẽ, tɩ ned kam fãa yãmb sʋkã sã n wẽnemd n bas a yel-wẽna bɩ b ning-a barka.

Rom Dãmba 10:17

Woto, yaa bũmb ning ned sẽn wʋmdã n wat ne tẽebo, la bũmb ning a sẽn wʋmdã yita Kirist goamã pʋgẽ.

Rom Dãmba 15:29

Mam miime tɩ m sã n wa wat yãmb nengẽ, yaa ne Kirist barkã la m na n wa.

Rom Dãmba 2:9

Zuif-rãmb pipi tɩ sẽn ka-b Zuif-rãmbã pʋgda. Ned ning fãa sẽn maand wẽngã na n paama to-kãsenga la pelen-yɩgse.

Rom Dãmba 4:11

La b reega bãongã kõom sẽn ya bãnd sẽn wilg t'a paama tɩrlem tẽeb yĩnga, la rẽ tɩ b ket n yaa moaaga. Woto, b yaa nebã fãa sẽn tẽedã ba, tɩ baa ne b sẽn ka kẽ bãongã, bɩ Wẽnnaam geelg-b tɩrlmã.

1 Korẽnt rãmba 15:2

Koe-no-kãng maasem yĩnga yãmb paama fãagre, yãmb sã n tall-a wa mam sẽn togs-a yãmbã. Sã n ka yɩ a woto, yãmb tẽe zaalem bala.

1 Korẽnt rãmba 2:2

Bala, mam ka tags tɩ yaa sõama tɩ mam bãng bũmb a to yãmb sʋkã tɩ sã n ka a Zezi Kirist, soab ning b sẽn ka da-pɩk zugã ye.

1 Korẽnt rãmba 2:4

Mam goama ne m koe-moonegã ka yɩ ne yam goam sẽn na kɩt tɩ ned tẽ ye, la yɩɩ ne Sɩɩgã tʋʋma la a pãnga.

1 Korẽnt rãmba 9:12

Neb a taab sã n dɩt yãmb yõodo, ka tõnd n pʋs n tog n dɩ n yɩɩda? La tõnd ka maan wa noor ning d sẽn tarã ye. Ayo, tõnd sakda fãa, tɩ d da wa ning gɩdgr Kirist koe-noogã taoor ye.

1 Korẽnt rãmba 9:18

Mam keoor la bʋgo? Yaa tɩ m sã n moond koe-noogã, bɩ m moon-a zaalem, n ka deeg bũmb nins koe-noogã sẽn kõt maam ne-wã ye.

2 Korẽnt rãmba 2:12

La mam sẽn ta Torwas n na n moon Kirist koe-noogã, baa ne Zu-soabã sẽn pak sor be n kõ maama,

2 Korẽnt rãmba 4:4

Yaa neb nins sẽn ka tẽed-bã. Dũni kãngã na-wẽngã sẽn yaa a sʋtãan sẽn lud b yamã tɩ b ka tõe n yã Kirist sẽn ya Wẽnnaam mengã wẽnegã koe-noogã ziirã yĩnga.

2 Korẽnt rãmba 9:13

Bãmb sã n paam sõng-kãnga, b na n pẽga Wẽnnaam, yãmb sẽn sak n kɩs Kirist koe-noogã kaseto, la yãmb sẽn kõ kũun wʋsg bãmb yĩnga, la neba fãa yĩngã.

Galat Rãmba 1:7

Ka tɩ koe-noog a to n be ye, la neb n rãmbd yãmb n dat n teem Kirist koe-noogã.

1Tesalonik Rãmba 2:13

Tõnd pʋʋsda Wẽnnaam bark me n ka basdẽ ye, bala, yãmb sẽn deeg Wẽnnaam goamã tõnd sẽn togs yãmbã, yãmb ka reeg-a wa a yaa ninsaalb goam ye. Yãmb deeg-a-la wa a sẽn ya bũmb ning sɩd-sɩdã, Wẽnnaam goam sẽn tʋmd yãmb sẽn ya tẽedbã pʋgẽ.

1 Tɩmote 1:11

Yaa koe-noog ning sẽn tar ziirã, Wẽnnaam sẽn ya bark soabã koe-noogã, koe-noog ning b sẽn ning mam noorẽ wã n yet a woto.

2 Tɩmote 1:12

Mam sakda namsg koe-noogã yĩnga, la yãnd ka tar maam ye, bala, mam mii m sẽn tẽ a soabã, la mam mii m sũur pʋgẽ tɩ b tara pãng tɩ gũ bũmb ning bãmb sẽn ning mam nugẽ wã hal tɩ da-kãng ta.

2 Tɩmote 1:16

Bɩ Zu-soabã sudg a Onezifoor zaka rãmb barka, bala, a belsa maam naoor wʋsgo, la mam bãensã yãnd ka tall-a ye.

2 Tɩmote 1:8

Da zoe yãnd ne Zu-soabã kaset fo sẽn tog n kɩsã ye, la f ra zoe yãnd mam yĩnga, mam sẽn be bi-bees roogẽ bãmb yĩngã yĩng ye. Ayo! Naag maam n nams koe-noogã yĩnga, Wẽnnaam pãngã sõngr yĩnga.

Ebre rãmba 4:12

Bala, Wẽnnaam goamã vɩɩme, la a tara tõogre, n saas sõama wa zabr sʋʋg sẽn tar noey a yiibu. A kẽedame, hal n tõe n welg vɩɩm ne Sɩɩg n bake, n welg kõb-sũgds ne sɩɩlem toay-toayã n bake. A yaa ninsaal sũur manesem la tagsg bʋ-kaooda.

1 Pɩyɛɛr 4:16

La ned sã n paamd namsgo, a sẽn ya Kirist tẽed yĩnga, bɩ a ra zoe yãnd ye, a pẽg Wẽnnaam, b sẽn boond yẽ tɩ Kirist tẽedã yĩnga.