Filip rãmba 3:2 - KÃAB-PAALGÃ KOE-NOOGO

² Gũus-y y mens ne neb nins sẽn wẽnd wa baasã, la y gũus ne tʋʋm-wẽns maandbã la ne sẽn kẽ-b bãong yĩng wɛɛngẽ wã balã.

SEBR SÕNGO

² Gũus-y ne nin-wẽnse, ne baasã, ne tʋʋm-tʋmdb yoodã, ne zirẽ-be-zũnsã.

WẼNNAAM SEBRE 2014

² Gũus-y y mens ne neb nins sẽn wẽnd wa baasã, la y gũus ne tʋʋm-wẽns maandbã la ne sẽn kẽ-b bãong yĩng wɛɛngẽ wã balã.

Filip rãmba 3:2 Iomraidhean Croise

A Matiye Sõng 24:10

Bõn-kãng na n waa ne neb wʋsg lʋɩɩse. B na n zãmba taaba, n kisg taaba.

A Matiye Sõng 7:15

Gũus-y yãmb mens ne belgr no-rɛɛsdbã sẽn wat yãmb sʋk wa piis tɩ b pʋsẽ wã b ya digd-n-yĩid-toosã.

A Matiye Sõng 7:6

Da rɩk-y bõn-sõama n kõ baas ye, la y da rɩk y kĩndi n lob kurkuy taoor tɩ b tõe n tab-b-la ne b nao la b wẽnemd n pogl yãmba.

Rom Dãmba 2:28

Ka ned ning sẽn tar-a Zuif yalẽ wã bal n ya Zuif ye. La bãongã ka bũmb ning b sẽn ne yĩn-nemdã pʋgẽ wã ye.

2 Korẽnt rãmba 11:13

Nin-bãmba rãmb yaa zãmb tẽn-tʋmdba, la belgr tẽn-tʋmdba, n toeemd b mens n ya wa Kirist tẽn-tʋmdba.

Galat Rãmba 5:13

M ba-biisi, b boola yãmb tɩ y vɩɩmd lohorem pʋgẽ. La bɩ y da rɩk lohorem kõng n na n vɩɩmd wa yĩngã sẽn datã ye. Vɩɩmd-y ne nonglem, la y tʋm n kõ taaba.

Galat Rãmba 5:15

La yãmb sã n wãbd taab wa baase, la y namsd taaba, bɩ y gũus n da wa gõdg n sãam taab ye.

Galat Rãmba 5:6

Bala, bũmb ning sẽn be yõod Kirist pʋgẽ wã ka bãongã wall moonemã ye, yaa tẽeb sẽn tʋmd ne nonglem.

Filip rãmba 3:19

Bãmb baoosg na n yɩɩ sãoongo, bãmb pʋsã n ya b wẽnnaam, bãmb maanda sũ-noog ne bũmb ning sẽn ya yãnd b yĩngã. B ka tagsd bũmb tɩ sã n ka dũniyã yɛl bal ye.

Filip rãmba 3:3

Bala, tõnd sẽn waoogd Wẽnnaam ne Sɩɩg-sõng pãnga, n maand sũ-noog a Zezi Kirist pʋgẽ, n ka teegd yĩngã tʋʋmã, yaa tõnd la zũins sɩd-sɩda.

1 Tɩmote 1:19

la f kell n tall tẽeb ne sũur kaset-sõngo. Neb kẽer basa sũur kaset kãnga, la ne tẽebã yelle, b yaa wa neb koom sẽn dɩ.

A Titi 1:16

B yetame tɩ b mii Wẽnnaam la b kɩɩsda Wẽnnaam ne b mensã tʋʋmã, bãmb yaa wẽns tɩ looge, la kɩɩsdba la neb sẽn ka tol n tõe n maan tʋʋm sõng ye.

2 Pɩyɛɛr 2:22

Bũmb ning sẽn paam bãmbã yaa wa yel-bũnd ning sẽn ya sɩdã sẽn yeelã: Baagã lebg n tɩ rɩɩ a sẽn dag n wʋbã, la kurku-yãangã b sẽn nan pekã leb n tɩ bilma begdã.

A Zʋʋde 1:4

Bala, raop kẽer n soos n kẽ yãmb sʋka. Bãmb yaa wẽn-kɩɩsdb sẽn tekd tõnd Wẽnnaamã bark koɛɛgã n maand raglem la b kɩɩsd a Zezi Kirist sẽn ya tõnd karen-saamb la d Zu-soab sẽn ka to wã. La b gʋlsa sɩbgr ning b sẽn na n paamã hal daar zãra.

Vẽnegre 2:9

“Mam bãnga yãmb namsgã ne y naongã, la yãmb yaool n yaa arzegs rãmba, la mam bãnga kãnegr ning neb nins sẽn yet tɩ b yaa Zuif-rãmb n yaool n ka Zuif-rãmba, la b ya Sʋtãanã karen-doogã rãmb sẽn kãnegd yãmbã.

Vẽnegre 21:8

La sã n ya ne rabeembã, la ka-tẽeb rãmbã, la tʋʋm-dẽgd maandbã, la nin-kʋʋdba, la nin-yoaadbã, la tɩ-maandbã, la wẽn-naands pʋʋsdbã, la zĩri yagdbã fãa, bãmb pʋɩɩr na n yɩɩ tɩ kẽ bugum mogrẽ wã, zĩig ning kidbr sẽn dɩtã. Rẽ yaa kũum a yiib soabã.

Vẽnegre 22:15

Tʋʋm dẽgd maandbã, ninsaan-baasã, tɩ-rɩtbã, nin-yoaadbã, nin-kʋʋdbã, wẽnd-naands pʋʋsdbã, la ned ning fãa sẽn nong zĩrĩ la sẽn yagd zĩri paada yɩng n ka kẽ tẽngã pʋgẽ ye.

Vẽnegre 3:9

Ade, mam na n ninga neb nins sẽn ya a Sʋtãan tũudbã yãmb nugẽ. Bãmb boonda b mens tɩ Zuif-rãmba tɩ yaool n ka sɩd ye, bala b yagda zĩrĩ. Gese, mam na n kɩtame tɩ b wa n wõgemd yãmb taoore, la b bãng tɩ mam nonga yãmba.