Efɛɛz Rãmba 5:8 - KÃAB-PAALGÃ KOE-NOOGO

⁸ Sɩd me, pĩnda, yãmb dag n bee likẽ. La moasã, yãmb sẽn tũud Zu-soabã yĩnga, y bee vẽenemẽ. Rẽ wã, kẽn-y wa vẽenemẽ kamba.

SEBR SÕNGO

⁸ Pinda yãmb da yaa lik kamba, dũnna yãmb lebga vẽenem kamba, Soaala maasmẽ, bɩ y kell n vɩɩnd wa vẽenem kamba.

WẼNNAAM SEBRE 2014

⁸ Sɩd me, pĩnda, yãmb dag n bee likẽ. La moasã, yãmb sẽn tũud Zu-soabã yĩnga, y bee vẽenemẽ. Rẽ wã, kẽn-y wa vẽenemẽ kamba.

Efɛɛz Rãmba 5:8 Iomraidhean Croise

A Matiye Sõng 3:8

Sã n yaa a woto, bɩ y wom biis sẽn zems neb sẽn tek yam n kos sugri,

A Matiye Sõng 4:16

neb sẽn zĩ lik pʋgẽ yãa vẽen-kãsenga, la vẽenem puka neb nins sẽn dag n zĩ kũum tẽngẽ la a maasmẽ wã yĩnga.

A Luk Sõng 1:79

n kõ neb nins sẽn zĩ lik pʋgẽ la kũum maasmẽ wã vẽenem, la a tae tõnd tɩ d tũ laafɩ sore.

A Luk Sõng 16:8

La a zu-soaba pẽga a tʋʋma taoor soab sẽn ka tɩrgã a sẽn maan yama yĩnga. Bala, dũni kanga neb maanda yam ne taaba, n yɩɩd vẽenem kambã.

A Zã Sõng 1:9

Vẽen-kãng yaa sɩd vẽenem, n wa dũni pʋgẽ n vẽnegd ned fãa.

A Zã Sõng 12:35

A Zezi yeel-b lame yaa: Vẽenemã ket n bee yãmb sʋk wakat bilf yĩnga. Yãmb sẽn tar vẽenemã wakate, bɩ y kẽne, tɩ lik bida da wa n ling yãmb ye. Sẽn kẽnd-a lik bida pʋgẽ ka mi a sẽn dabdẽ ye.

A Zã Sõng 12:36

Wakat ning yãmb sẽn tar vẽenemã, bɩ y tẽ-a, tɩ y na lebg vẽenem kamba. A Zezi yeela rẽnda, la b loog n zãag ne nebã n tɩ soonde.

A Zã Sõng 12:46

Mam sẽn ya vẽenemã, mam waa dũni pʋgẽ, tɩ ned ning fãa sẽn tẽed maam kõn pa lik pʋgẽ ye.

A Zã Sõng 8:12

A Zezi leb n goma ne bãmb n yeele: Mam yaa dũni vẽenem. Ned ning sẽn tũud maam kõn kẽn lik pʋgẽ ye, la a na n paama vɩɩm vẽenem.

Tʋʋma 17:30

Neba sẽn ka mi b sẽn maanda wakate, Wẽnnaam ka maand bũmb ye, La moasã, b yeta nebã fãa sẽn be zĩiga fãa tɩ b tek yam n kos sugri.

Tʋʋma 26:18

tɩ f puk b nina tɩ b wẽnemd n bas likã n wa vẽenemẽ wã la b bas Sʋtãana n sak Wẽnnaam n paam b yel-wẽna sugri, la pʋɩɩr ne neb nins sẽn tẽ maam n lebg Wẽnnaam nebã.”

Rom Dãmba 1:21

Dẽ, bãmb ka tõe n yã bũmb n dõd n yi ye, tɩ bõe, bãmb sẽn bãng Wẽnnaamã, b ka waoog-b wa b yaa Wẽnnaam ye, la b ka pʋʋs-b bark ye. La b tagsd sẽn ka yõodã kẽesa bãmb moogo, la bãmb sũyã sẽn ka tar yãm-wekrã kẽe lik bida pʋgẽ.

Rom Dãmba 13:12

Zĩigã zoee n zʋʋgame, la zĩig kolga yẽegre. Dẽ, wa-y tɩ d bas likã tʋʋma, la d bob vẽenem pʋgẽ zab-teedo.

Rom Dãmba 2:19

Fo sẽn yet f meng tɩ f yaa zoens tɛtã, la neb nins sẽn be lik bida pʋgẽ wã vẽenemã,

1 Korẽnt rãmba 1:30

Yaool n yaa Wẽnnaam n kɩt tɩ yãmb be Kirist Zezi pʋgẽ, Wẽnnaam kɩtame tɩ Kirist lebg tõnd yam, la d tɩrlem, la d welg-toore, la d fãagre,

2 Korẽnt rãmba 3:18

Tõnd fãa nems pilgame tɩ nebã ne Zu-soabã ziir kãng beene wa neng-gɛtgẽ, la Zu-soabã, sẽn ya-a Sɩɩgã, tedga tõnd tɩ d wẽneg bãmba, n paamd ziir n paasdẽ.

2 Korẽnt rãmba 4:6

Bala, Wẽnnaam sẽn yeel tɩ vẽenem na n yãga lik pʋgẽ wã, yaa Wẽnnaam n kɩt tɩ vẽenemã yãg tõnd sũyã pʋse, tɩ tõnd yã Wẽnnaam ziirã sẽn pɩnd Kirist nengã zugu.

2 Korẽnt rãmba 6:14

Bɩ y da paam lagem-n-taar ne neb nins sẽn ka tẽedbã ye. Bala, bõe lagem-n-taar n be tɩrlem ne wẽng sʋka? Wall bõe lagem-n-taar n be vẽenem ne lik sʋka?

Galat Rãmba 5:25

Tõnd sã n vɩ ne Wẽnnaam Sɩɩgã pãnga, bɩ d kẽn wa sẽn zems bãmb Sɩɩgã sẽn tɛt tõndã me.

Efɛɛz Rãmba 2:2

Pĩnda, yãmb dag n kẽnda yel-wẽn kãens pʋgẽ wa sẽn zems dũni-kãngã sẽn kẽnd to-to wã, n sakd yĩngr pãng naabã, sɩɩg ning sẽn tʋmd wẽn-kɩɩsdbã pʋgẽ mosã wã.

Efɛɛz Rãmba 4:18

Zɩɩlmã sẽn be nin-kãens pʋgẽ la b sũyã sẽn riglmã yĩnga, b yamã ka liki, la b ka vɩ wa Wẽnnaam sẽn datã ye.

Efɛɛz Rãmba 5:2

la y kẽn nonglem pʋga, wa Kirist me sẽn nong tõndo, n kõ b meng tõnd yĩng tɩ yɩ kũun la maoong sẽn ya wa kaam sẽn tar yũ-noog n tat Wẽnnaam yam.

Efɛɛz Rãmba 6:12

Bala, tõnd zabr ka ne ninsaal sẽn ya nemd la zɩɩmã ye, la yaa ne lik rĩm-dãmba la a pãens sẽn so naam tẽng zug ka wã, la wẽng maaneg sɩɩsã sẽn be yĩngrã.

Kolos Rãmba 1:12

Pʋʋs-y tõnd ba a Wẽnnaam bark ne sũ-noogo, bãmb sẽn kɩt tɩ yãmb tõe n naag ne bãmb nebã n paam pʋɩɩr vẽenemã pʋgẽ wã yĩnga.

Kolos Rãmba 1:13

Bãmb fãaga tõnd n yiis likã pãngẽ, n tall-d n kẽng b bi-ribl-nongrã soolmẽ,

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.

1 Zã 1:7

La tõnd sã n kẽnd vẽenemẽ wa bãmb mengã sẽn be vẽenemẽ wã, tõnd tara lagem-n-taar ne taaba, la bãmb Bi-ribl a Zezi zɩɩmã pekda tõnd yel-wẽna fãa n yiisi.