Efɛɛz Rãmba 4:10 - KÃAB-PAALGÃ KOE-NOOGO

¹⁰ Soab ning sẽn dag n sig-a wã, yaa soab kãng bal n zẽk yĩngr hal n loog saasẽ, tɩ bãmb tõe n pid bũmb fãa.

SEBR SÕNGO

¹⁰ Sẽn siga wã bala n leb n dʋ n zʋʋg saaga n na n kɩt tɩ fãa lebg pidungu.

WẼNNAAM SEBRE 2014

¹⁰ Soab ning sẽn dag n sig-a wã, yaa soab‑kãng bal n zẽk yĩngr hal n loog saasẽ, tɩ bãmb tõe n pid bũmb fãa.

Efɛɛz Rãmba 4:10 Iomraidhean Croise

A Matiye Sõng 24:34

Sɩd sɩda, mam yeta yãmb tɩ zamaan kãngã kõn sa tɩ bõn-kãensã fãa ka maan ye.

A Luk Sõng 24:44

Dẽ poore, a Zezi yeel-b lame yaa: Bũmb ninga mam sẽn da togs yãmb mam sẽn dag n ket n be ne yãmba la woto: Ra yaa tɩlɛ tɩ bũmb nins fãa sẽn gʋls a Moyiis tõoga pʋgẽ la Wẽnnaam no-rɛɛsdbã sɛb pʋsã la yɩɩn-sõamyã pʋgẽ n gomd mam yellã paam pidsgu.

A Zã Sõng 1:16

La tõnd fãa paama bãmb yalẽ wã, n deegd bãmb barkã n paasd wakat fãa.

A Zã Sõng 19:24

Wa-y tɩ d da pãrs fuugã ye. D maan bãnde, tɩ bãndã wilg ned ning sẽn na n soog-a fuugã. Yɩɩ woto tɩ Wẽnnaam gʋls-sõngã pidsi. A yeelame: B pʋɩɩ mam futã ne taaba, la b maana bãnd mam fu-wokã yĩnga. Ad bũmb ning sodaasã sẽn maanã.

A Zã Sõng 19:28

Rẽ poore, a Zezi sẽn mi tɩ bũmb fãa zoe n maan n saame wã, b yeelame tɩ ko-yũud n tar bãmba, tɩ Wẽnnaam gʋls-sõngã pidsi.

A Zã Sõng 19:36

Yɩɩ woto tɩ Wẽnnaam gʋls-sõngã pidsi. A yeelame yaa: Bãmb kõbr baa a yembr ka na n kaoog ye.

Tʋʋma 1:11

n yeel-b yaa: Galile neba, yaa bõe tɩ y yas n get yĩngri? Zezi kãngã Wẽnnaam sẽn zẽk tɩ b yi yãmb sʋk to-to n kẽng arzãn tɩ yãmb yã wã, b na n lebg n waa a woto bala.

Tʋʋma 1:9

A Zezi sẽn gom a woto n sɛ, b zẽkame tɩ nebã get-ba. La sawadg lilla a Zezi tɩ nebã ka le ne-b ye.

Tʋʋma 2:33

A Zezi zẽkame n be Wẽnnaam dɩtgo, la bãmb deega Sɩɩg-sõngã b sẽn da kãabã, b ba wã nengẽ, n pʋdg-a tõnd zutu. La yaa bõn-kãng la yãmb sẽn yãt la y wʋmd moasã wã.

Tʋʋma 3:18

La Wẽnnaam maana a woto n pids bũmb ninga b sẽn da pĩnd n togs ne b no-rɛɛsdbã fãa noy tɩ bãmb Kiristã na n namsame wã.

2 Korẽnt rãmba 12:2

Yʋʋm piig la a naas sẽn looge, mam bãnga Kirist tẽed a yembr sẽn paam zẽkr n ta saas a tãab soabã. Mam ka mi yẽ soab sã n da bee a yĩngã pʋga, wall a sã n da ka be a yĩng pʋgẽ ye, la Wẽnnaam miime.

Efɛɛz Rãmba 3:19

la tɩ y bãng Kirist nonglmã sẽn yɩɩd ninsaalb bãngre, sẽn na n yɩlẽ tɩ yãmb na pid ne bũmb fãa, hal n pid ne Wẽnnaam yalẽ wã.

Kolos Rãmba 1:19

Bala, a taa Wẽnnaam yam tɩ kɩt tɩ bãmb sẽn ya bũmb ning fãa, bɩ a Zezi me yɩ a woto,

Kolos Rãmba 2:9

Bala, Wẽnnaam sẽn ya bũmb ningã fãa, Kirist me yaa a woto b yĩngã pʋgẽ.

1 Tɩmote 3:16

Ned ka tõe n kɩɩs tɩ wẽn-tũudbã yel-soalmã yaa bõn-kãseng ye. Kirist, soab ning sẽn dɩk yĩng tɩ neb yã-a wã, soab ning Sɩɩg-sõng sẽn kɩs a kaset sõngã, b puka b meng ne malegsã, neb moona b yellã buud toay-toayã sʋka, la tẽng zug ka, neb tẽ-b lame, la b paama zẽkre, la ziiri.

Ebre rãmba 4:14

Tõnd sẽn tar maan-kʋʋr kãsem sẽn pɩʋʋg saasẽ, Wẽnnaam Bi-riblã yĩnga, bɩ d tall tẽeb ning tõnd sẽn tarã kãenkãe.

Ebre rãmba 7:26

Yaa maan-kʋʋd kãsem a woto la tõnd sɩd tog n paame: Ned sẽn welg toor Wẽnnaam yĩnga, n ka tar yelle, ned sẽn ka rog-b ye, n bak ne yel-wẽn maandbã, la b zẽk-b lame n kẽng saasẽ.

Ebre rãmba 8:1

Ade, tõnd koɛɛgã d sẽn gomdã yẽgr la woto: Tõnd tara maan-kʋʋd kãsem sẽn zĩnd Wẽnnaam rĩungã geer dɩtgo, saasẽ.