Efɛɛz Rãmba 3:3 - KÃAB-PAALGÃ KOE-NOOGO

³ Yɩɩ ne vẽnegr la Wẽnnaam wilg maam yel-solemd ning mam sẽn gʋls a goamã bilf n wilg yãmbã.

SEBR SÕNGO

³ b wilg-m lame tɩ m mi vẽenega bũmb ning sẽn da solge tɩ m paam n togs-y bilf marsã wã.

WẼNNAAM SEBRE 2014

³ Yɩɩ ne vẽnegr la Wẽnnaam wilg maam yel-solemd ning mam sẽn gʋls a goamã bilf n wilg yãmbã.

Efɛɛz Rãmba 3:3 Iomraidhean Croise

Tʋʋma 22:17

La mam lebg n waa Zeruzalɛm, la mam sẽn be wẽnd-doogã pʋg n pʋʋsdẽ, mam paama vẽnegre.

Tʋʋma 22:21

Dẽ, Zu-soabã yeela maam yaa: “Kẽnge, bala, m na n tʋma foom zĩ-zãrgẽ, bu-zẽmsã nengẽ.”

Tʋʋma 23:9

La bʋr-kãseng yikame, la tõog karen-saam-dãmb kẽer sẽn be Fariisẽ-dãmba sullẽ wã yikame n kɩɩs ne pãng n yeel tɩ bãmb ka yã bõn-wẽng ne rao-kãngã ye, la tɩ tõeeme tɩ yaa sɩɩg wall malɛk n gom ne-a.

Rom Dãmba 11:25

Bala, m ba-biisi, mam ka rat tɩ yãmb zɩ yel-solem-kãngã ye, tɩ yãmb da wa n get y mens wa yam dãmb ye: Israyɛl nebã kenga b sũy wakat bilf yĩnga, hal tɩ bu-zẽmsã fãa na kẽ fãagrã pʋgẽ.

Rom Dãmba 16:25

Bɩ soab ning sẽn tar-a pãn-tõog tɩ kɩt tɩ yãmb yals kãenkãe wa koe-noogã mam sẽn moondã sẽn yetã, wa sẽn zemsd ne yel-solemdã pukri, yel-solemd ning sẽn dag n solg hal sɩngr wẽndẽ wã.

2 Korẽnt rãmba 12:1

Yaa tɩlɛ tɩ m pẽg m menga? Bõn-kãng ka tar yõod ye. Baoosgo, mam na n togsa mam sẽn yã yãab ninsi, la vẽnegr nins Zu-soabã sẽn kõ maamã.

Galat Rãmba 1:12

Bala, mam mengã ka reeg-a, wall m wʋm-a ned nengẽ ye, la yaa ne a Zezi Kirist vẽnegre.

Efɛɛz Rãmba 1:17

Mam pʋʋsdame n kot tõnd Zu-soab a Zezi Kirist Wẽnnaamã sẽn ya Ba sẽn tar ziirã tɩ b na kõ yãmb yam la vẽnegr sɩɩga, n kɩt tɩ y bãng bãmba.

Efɛɛz Rãmba 3:4

Yãmb sã n karem-ba, y na n bãnga yam vẽnegr ning mam sẽn paam Kirist yel-solemdã pʋgẽ wã võore.

Efɛɛz Rãmba 3:6

Yel-solem-kãng yaa tɩ bu-zẽmsã naagda Zuif-rãmbã n paamd pʋɩɩr a yembre, la b lebg yĩng a ye ne bãmba, la pʋɩt-n-taas ne kãab-noog ning sẽn be a Zezi Kirist pʋgẽ, koe-noogã maasem yĩngã.

Efɛɛz Rãmba 3:9

la m vẽneg yel-solemd ning sẽn dag n solg Wẽnnaam sẽn ya bũmb fãa naandã nengẽ, wakat sẽn kaoosã n wilg nebã.

Efɛɛz Rãmba 6:19

la mam me yĩnga. Pʋʋs-y Wẽnnaam tɩ wakat ning fãa mam sẽn na n yaag m noor n na n gome, bɩ b kõ maam gomd sẽn na kɩt tɩ nebã bãng koe-noogã yel-solemdã võore, la tɩ m na gom ne raoodo.

Kolos Rãmba 2:2

Mam maoodame tɩ b sũya tõe n paam belsgo, tɩ b tõe n lagem taab nonglem pʋgẽ n paam yam n bãng sɩd-sɩda, n bãng Wẽnnaam yel-sõmdã sẽn ya Kiristã.

Kolos Rãmba 4:3

Pʋʋs-y tõnd yĩng me, tɩ Wẽnnaam pak sor tõnd koɛɛgã mooneg yĩnga, tɩ mam tõog n moon Kirist yel-solemdã koɛɛga, yel-solemd ning yĩng b sẽn balg maama,

Ebre rãmba 13:22

M ba-biisi, mam kota yãmb tɩ y sak n deeg saglg gom-kãngã, bala mam gʋlsa yãmb seb-koɛɛga.

1 Pɩyɛɛr 5:12

Yaa ne tõnd ba-biig a Sɩlvẽ sẽn ya sɩd soabã nug la mam gʋlsd seb-bi-kãngã n na n tʋm yãmba, la m sagl-yã, la m wilg-y tɩ yãmb sẽn be bark ning pʋgã n ya Wẽnnaam bark meng-menga.

2 Pɩyɛɛr 3:15

Bãng-y tɩ tõnd Zu-soabã sẽn maand sũ-marã, yaa tɩ yãmb na paam fãagre, wa tõnd ba-bi-nongr a Poll sẽn gʋls me n wilg yãmb wa sẽn zems yam ning Wẽnnaam sẽn kõ yẽnda wã.