Efɛɛz Rãmba 3:16 - KÃAB-PAALGÃ KOE-NOOGO

¹⁶ tɩ b na kõ yãmb wa sẽn zems b naamã arzɛka, n kɩt tɩ ne bãmb Sɩɩg-sõng pãnga, bɩ yãmb paam pãng y sũyã pʋse,

SEBR SÕNGO

¹⁶ Mam kota bãmb sẽn tar kũun sẽn tog ne pẽgr kãsengã tɩ b keng y sũya ne bãmb meng Vʋʋsem, la y nonglma kɩ yẽgna tɩ d pʋgẽ neda paam pãnga;

WẼNNAAM SEBRE 2014

¹⁶ tɩ b na kõ yãmb wa sẽn zems b naamã arzɛka, n kɩt tɩ ne bãmb Sɩɩg-sõng pãnga, bɩ yãmb paam pãng y sũyã pʋse,

Efɛɛz Rãmba 3:16 Iomraidhean Croise

A Matiye Sõng 6:13

Da bas-y tõnd tɩ d kẽ makr pʋgẽ ye. Fãag-y tõnd wẽng soabã nugẽ, [tɩ yãmb n so soolem la pãnga la waoogr wakat sẽn kõn sa. Ãmina!]

Rom Dãmba 2:29

La Zuif yaa ned ning sẽn ya-a Zuif a sũur pʋgẽ, la bãong meng yaa sũurẽ dẽnda, sẽn zems Sɩɩgã rẽnda, la ka tõogã rẽnd ye. Zuif kãng pẽgr ka yit ninsaalb nengẽ ye, la yaa Wẽnnaam nengẽ.

Rom Dãmba 7:22

Mam sũurã zĩ-zulungẽ wã, mam sũ-noog bee ne Wẽnnaam tõodã.

Rom Dãmba 9:23

La bãmb sã n dag n datame n kɩt tɩ lagd sẽn zems ne nimbãan-zoeere, la bãmb sẽn pĩnd n yãk tɩ b paam ziirã bãng bãmb ziirã sẽn zems to-to?

1 Korẽnt rãmba 16:13

Neend-y-yã! Yals-y kãenkãe tẽebã pʋgẽ! Yɩ-y raopa, keng-y y mense.

2 Korẽnt rãmba 12:9

La b yeela maam yaa: Mam barka sekda foom. Bala, yaa pãn-komsmã pʋg la mam pãngã maand a tʋʋmde. Dẽnd mam na n maana sũ-noog m pãn-komsmã pʋga, tɩ Kirist pãngã zĩnd mam zugu.

2 Korẽnt rãmba 4:16

Yaa woto yĩng n kɩt tɩ tõnd ka boogd d daood ye. La baa tõnd yĩngã sã n sãame, tõnd sɩɩgã lebgda paalg daar fãa.

Efɛɛz Rãmba 1:18

Mam pʋʋsdame tɩ Wẽnnaam na puk yãmb pʋ-tẽer ninã tɩ y bãng bõn-neer ning b sẽn bool yãmb tɩ paamã, la y bãng bãmb pʋɩɩr ning sẽn ya arzegs sẽn be ziirã, Wẽnnaam nin-tũusdsã sẽn tarã.

Efɛɛz Rãmba 1:7

Yaa Kirist zɩɩmã maasem yĩng la tõnd paam fãagre, fãagr ning sẽn ya yel-wẽnã sugr kũuni, sẽn zems Wẽnnaam barkã sẽn waoog wʋsgã,

Efɛɛz Rãmba 2:7

tɩ wakat sẽn wate, bɩ bãmb tõe n wilg tõnd bãmb bark kãsengã, b sẽn kõ tõnd sõmblem Kirist maasem yĩngã.

Efɛɛz Rãmba 3:15

soab ning buud fãa sẽn be yĩngr la sẽn be tẽng zug sẽn paamd b yʋy b nengẽ wã taoore,

Efɛɛz Rãmba 3:8

Mam sẽn ya Wẽnnaam neba fãa yao-zʋʋgã, Wẽnnaam kõo maam bakr kãnga, tɩ m moon koe-noog ning sẽn wilgd Kirist arzegs sẽn ka sɛtã bu-zẽmsã sʋka,

Efɛɛz Rãmba 6:10

Sẽn keta, mam yeta yãmb tɩ y paam raood Zu-soabã tũudum pʋgẽ, bãmb pãn-kãsengã maasem yĩnga.

Filip rãmba 4:13

Kirist sẽn kõt maam b pãngã yĩnga, mam tõe n maana fãa.

Filip rãmba 4:19

Mam Wẽnnaam na kõ yãmb bũmb fãa tɩ sek-yã wa sẽn zems bãmb arzeg-kãsemsã a Zezi Kirist maasem yĩnga.

Kolos Rãmba 1:11

Tõnd kota Wẽnnaam, tɩ yãmb na paam pãng n paase, bãmb pãn-kãsengã maasem yĩnga, tɩ yãmb tõe n yɩ neb sẽn kẽngd taoor sɩd-sɩda, la sẽn tar sũ-mare.

Kolos Rãmba 1:27

Wẽnnaam n tʋlg n kɩt tɩ b nebã bãng yel-solem-kãnga arzɛkã sẽn tar ziir bu-zẽmsa sʋkã, dat n togs tɩ Kirist sẽn be yãmb pʋsẽ wã, b na n pidsa tẽeb gũudũm ning sẽn ya ziirã.

Kolos Rãmba 2:2

Mam maoodame tɩ b sũya tõe n paam belsgo, tɩ b tõe n lagem taab nonglem pʋgẽ n paam yam n bãng sɩd-sɩda, n bãng Wẽnnaam yel-sõmdã sẽn ya Kiristã.

2 Tɩmote 4:17

Yaa Zu-soabã n zĩnd ne maam, n kõ-m pãnga, tɩ mam togs koɛɛgã zãnga, tɩ bu-zẽmsã wʋme. La b fãaga maam gɩgemdã noorẽ.

Ebre rãmba 11:34

la b sãam bugum pãnga, la b põs zabr sʋʋs noeyã, la b sãoog n paam pãnga, la b yɩ gãndaad zabr zĩigẽ, la b sãeeg tẽns a taab sodaasã yell ye.

1 Pɩyɛɛr 3:4

La yãmb tog n baoo neerem ning sẽn solge, n be ned kam fãa sũurẽ, la sẽn ka sãamdã, sẽn ya sũ-bʋgsem sɩɩga, la sũ-maasem. Ade, yaa bõn-kãensã n tar yõod wʋsg Wẽnnaam nifẽ.