Efɛɛz Rãmba 2:8 - KÃAB-PAALGÃ KOE-NOOGO

⁸ Sɩd me, yaa Wẽnnaam barkã yĩng la yãmb paam fãagr tẽeb yĩnga. Yãmb sẽn paam fãagrã, ka ne y mens pãng ye, yaa Wẽnnaam kũuni.

SEBR SÕNGO

⁸ Tũu ne Wẽnd yamleoogo la y sẽn paam fãagrã, ne tẽeba kũuni. Fãagra ka yit yãmb nengẽ ye, a yaa Wẽnd kũuni.

WẼNNAAM SEBRE 2014

⁸ Sɩd me, yaa Wẽnnaam barkã yĩng la yãmb paam fãagr tẽeb yĩnga. Yãmb sẽn paam fãagrã, ka ne y mens pãng ye, yaa Wẽnnaam kũuni.

Efɛɛz Rãmba 2:8 Iomraidhean Croise

A Matiye Sõng 16:17

La Zezi goma ne-a n yeel-a: Sɩmo! A Zonaas biiga, bark bee fo zugu. Tɩ bõe, ka nemd walla zɩɩm n vẽneg foom ne bõn-kãngã ye. Yaa m ba sẽn be arzãnã.

A Matiye Sõng 20:9

Neb nins sẽn wa wĩndgã lʋɩɩs wakatã waame tɩ b kõ ned fãa deniye a yembre.

A Mark Sõng 16:16

Ned ning fãa sẽn na tẽ, tɩ b lis-a, a na paam fãagre. La ned ning fãa sẽn kõn tẽ na kong bʋʋm.

A Luk Sõng 7:50

La a Zezi yeela pagã yaa: fo tẽeb n fãag foom. Kẽng ne bãane.

A Zã Sõng 3:36

Ned ning sẽn tẽed-a Bi-riblã tara vɩɩm sẽn kõn sa. La ned ning sẽn kɩɩsd-a Bi-riblã kõn paam vɩ-kãng ye, la Wẽnnaam sũ-puugrã na n ta-a lame.

A Zã Sõng 4:10

A Zezi leok-a lame n yeele: Fo sã n dag n miẽ bũmb nins Wẽnnaam sẽn kõtã, la f mi ned ning sẽn kot-a foom koomã n na n yũ wã, yaa foom n dag n na n kos-a, la a dag n na n kõo foom ko-bundga.

A Zã Sõng 5:24

Mam yeta yãmb sɩd-sɩd tɩ ned ning fãa sẽn kelgd mam goama, la a tẽed sẽn tʋm-a maamã a tara vɩɩm sẽn kõn sa. B ka na n sɩbg-a ye. A yii kũumẽ n kẽ vɩɩmẽ.

A Zã Sõng 6:35

A Zezi yeela bãmb yaa: Maam la bur sẽn kõt vɩɩmã. Kom kõn leb n yõk ned ning sẽn wat-a mam nengẽ ye, la ko-yũud kõn leb n yõk ned ning sẽn tẽed-a maamã abada.

A Zã Sõng 6:37

Neb nins fãa m ba sẽn kõt maamã na n waa mam nengẽ, la mam kõn dig ned baa a yen sẽn wat mam nengẽ ye.

A Zã Sõng 6:40

Sɩd me, ad m baaba raabo: yaa tɩ ned ning fãa sẽn yã Bi-riblã n tẽ bãmb na paam vɩɩm sẽn kõn sa. La mam na n vʋʋg-a-la yaoolem daarã.

A Zã Sõng 6:44

Ned baa a yen ka tõe n wa mam nengẽ, tɩ sã n ka m ba, sẽn tʋm-a maamã n tak a soab n wa-ne ye. La mam na n vʋʋg-a-la yaoolem daarã.

A Zã Sõng 6:65

A Zezi gomame n paas n yeele: Dẽ n kɩt tɩ mam yeel yãmb tɩ ned baa a yen ka tõe n wa mam nengẽ, tɩ sã n ka m ba n kõ-a tõogr ye.

Tʋʋma 13:39

La ned ninga fãõa sẽn tẽed bãmba, b basda yẽnda taal ne bũmb ninga fãa a Moyiis tõogã sẽn dag n ka tõe n bas-y taalã.

Tʋʋma 14:27

La b sẽn ta Ãntiyos b tigma a Zezi tẽedba fãa n togs-b Wẽnnaam sẽn tall bãmb n maan bãmb bũmb nins fãa wã. La sẽn yɩ to-to tɩ Wẽnnaam pak sor tɩ bu-zẽmsa me tõe n tẽ wã.

Tʋʋma 15:11

La tõnd tẽedame tɩ yaa Zu-soab a Zezi barkã yĩng n kɩt tɩ tõnd paam fãagr wala bãmb me sẽn paam to-to wã.

Tʋʋma 16:14

Pag a yembr n dag n be be n zoet Wẽnnaam, t'a yʋʋr ya a Lidi. A yita Tiyatɩɩr, la a koosda peen-miid sẽn be neer wʋsgo. Pʋg-kãng ra kelgdame, la Zu-soabã sɩɩsa a sũurã t'a sak n deeg bũmb nins a Poll sẽn da togsdã.

Tʋʋma 16:31

La b leokame n yeele: Tẽ-y Zu-soab a Zezi, la yãmb ne y yirã rãmb na n paama fãagre.

Rom Dãmba 10:14

La bãmb na n yɩɩ a wãn n bool ned ning b sẽn ka tẽedã yʋʋre? La b na n yɩɩ a wãn n tẽ ned tɩ b ka wʋm tɩ b gomd a yelle? La b na n yɩɩ a wãn n wʋm tɩ b gomd a yelle, koe-moaandb sã n ka beẽ?

Rom Dãmba 10:17

Woto, yaa bũmb ning ned sẽn wʋmdã n wat ne tẽebo, la bũmb ning a sẽn wʋmdã yita Kirist goamã pʋgẽ.

Rom Dãmba 4:16

Dẽ, yaa ne tẽebo, tɩ b tõe n yeel tɩ yaa nimbãan-zoeere, tɩ kãabg ning Wẽnnaam sẽn kãabã na pids a Abraham yagensã fãa yĩnga. Ka b rãmb sẽn tar-b tõogã yĩng bal ye, la yaa ne neb nins sẽn tar-b tõnd ba a Abraham tẽebã wa b sẽn gʋlsã:

Rom Dãmba 4:5

Sã n yaa ne ned ning sẽn ka tʋm-a, la a yaool n tẽ soab ning sẽn kɩtd tɩ wẽng maand lebg tɩrgã, b geta a soabã wa nin-tɩrga a tẽebã yĩnga.

Rom Dãmba 9:16

Woto yĩnga, yel-kãng ka tũud ne soab ning sẽn data, wall ne soab ning sẽn zoet ye, bee ne Wẽnnaam, soab ning sẽn zoet nimbãanegã.

Galat Rãmba 3:14

Woto, a Abraham barkã na n zĩnda a Zezi Kirist pʋgẽ bu-zẽmsã yĩnga, la ne tẽebo, bɩ tõnd deeg Sɩɩgã Wẽnnaam sẽn kãabã.

Galat Rãmba 3:22

Wẽnnaam gʋls-sõamyã yeelame tɩ dũni gill fãa bee yel-wẽn maaneg pʋgẽ. Woto, yaa neb nins sẽn tẽed a Zezi Kiristã n na n paam kũun ning Wẽnnaam sẽn kãabã, b sẽn tẽ wã yĩnga.

Efɛɛz Rãmba 1:19

Mam pʋʋsdame tɩ yãmb na bãng bãmb pãng kãsengã sẽn zem to-to, la a sẽn tʋmd tõnd sẽn ya tẽedbã pʋsẽ, wa sẽn zems bãmb naamã pãng sẽn tʋmdã.

Efɛɛz Rãmba 2:10

Bala, tõnd yaa Wẽnnaam bõn-naandse. B naana tõnd Kiristã maasem yĩnga, tɩ tõnd na maan tʋʋm sõama nins bãmb sẽn dag n pĩnd n segl tɩ tõnd wa maanã.

Efɛɛz Rãmba 2:5

baa tõnd sẽn dag n ya kũum d beegrã yĩngã, Wẽnnaam kõo tõnd vɩɩm Kirist pʋgẽ. Yaa Wẽnnaam barkã yĩng la yãmb paam fãagre.

Filip rãmba 1:29

Tɩ bõe, Wẽnnaam sẽn maan bark ning Kirist maasem yĩngã, ka tɩ yãmb tẽ Kiristã bal ye, yaa tɩ yãmb na nams bãmb yʋʋrã yĩng me,

Kolos Rãmba 2:12

Yãmb muma ne Kirist, b sẽn lis yãmbã pʋgẽ, la b naaga yãmb bãmb pʋgẽ n vʋʋg n bas kũum, yãmb sẽn tẽ Wẽnnaam pãngã sẽn vʋʋg Kirist n bas kũumã yĩnga.

2Tesalonik Rãmba 1:9

Sɩbgr sẽn segd ne-b la b na n paame: sãoong sẽn paad wakat sẽn kõn sa, n zãag ne Zu-soabã yãabo la ne bãmb pãngã ziiri,

Ebre rãmba 6:4

Sã n yaa ne neb nins sẽn zoe n paam vẽnegre, n lemb kũun ning sẽn yit yĩngrã, n paam pʋɩɩr ne Sɩɩg-sõngo,

1 Pɩyɛɛr 1:5

yãmb tẽebã yĩnga, Wẽnnaam pãngã zãada yãmba, tɩ yãmb na paam fãagr ning sẽn segl n sɛ, n na n puk yaoolem wakatã.