Efɛɛz Rãmba 2:5 - KÃAB-PAALGÃ KOE-NOOGO

⁵ baa tõnd sẽn dag n ya kũum d beegrã yĩngã, Wẽnnaam kõo tõnd vɩɩm Kirist pʋgẽ. Yaa Wẽnnaam barkã yĩng la yãmb paam fãagre.

SEBR SÕNGO

⁵ Yaa rẽnd yĩng la d yel-wẽna sẽn da kɩt tɩ d fãa lebg kũumã, b baas n naaga tõnd ne Krista n vʋʋg-do, n wilg tɩ d fãagra tũu ne Wẽnd yel-sõmd bala.

WẼNNAAM SEBRE 2014

⁵ baa tõnd sẽn dag n yaa kũum d beegrã yĩngã, Wẽnnaam kõo tõnd vɩɩm Kiris pʋgẽ. Yaa Wẽnnaam barkã yĩng la yãmb paam fãagre.

Efɛɛz Rãmba 2:5 Iomraidhean Croise

A Luk Sõng 15:24

Bala, mam bi-ribl kãnga ra kiime la a leb n vʋʋgame. A rag n menemame, la d leb n yãnd-a lame.” La bãmb sɩngame n kɩdemdẽ.

A Zã Sõng 5:21

Sɩd me, a wa ba wã sẽn vʋʋgd kũum, n kɩtdẽ tɩ b leb n vɩ wã, woto me, Bi-riblã kɩtdame tɩ bãmb sẽn dat t'a soab vɩɩmdã vɩɩmde.

A Zã Sõng 6:63

Yaa Sɩɩg-sõng n kõt vɩɩm. Yĩngã ka sõngd ne baa fɩ. Goam nins mam sẽn togs yãmbã wata ne Sɩɩg-sõng la vɩɩm.

Tʋʋma 15:11

La tõnd tẽedame tɩ yaa Zu-soab a Zezi barkã yĩng n kɩt tɩ tõnd paam fãagr wala bãmb me sẽn paam to-to wã.

Rom Dãmba 16:20

Bilf sã n paase, Wẽnnaam na n luba a Sʋtãan tɩ yãmb tab-a ne y nao wã. Bɩ tõnd Zu-soab a Zezi barkã zĩnd ne yãmba.

Rom Dãmba 3:24

La b paamda zemsgã zaalem bala, Wẽnnaam nimbãan-zoeerã yĩnga, fãagr ning sẽn be a Zezi Kirist pʋgẽ wã maasem yĩnga.

Rom Dãmba 4:16

Dẽ, yaa ne tẽebo, tɩ b tõe n yeel tɩ yaa nimbãan-zoeere, tɩ kãabg ning Wẽnnaam sẽn kãabã na pids a Abraham yagensã fãa yĩnga. Ka b rãmb sẽn tar-b tõogã yĩng bal ye, la yaa ne neb nins sẽn tar-b tõnd ba a Abraham tẽebã wa b sẽn gʋlsã:

Rom Dãmba 5:10

Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg Bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

Rom Dãmba 5:6

Bala, wakat ning tõnd sẽn da ka pãngã, Wẽnnaam wakatã sẽn wa n ta, Kirist kii nin-wẽnsã yĩnga.

Rom Dãmba 5:8

Wakat ning tõnd sẽn dag n ket n ya yel-wẽn maandba, Kirist kii tõnd yĩnga, la ne rẽnda, Wẽnnaam wilga b nonglem tõnd yĩnga.

Rom Dãmba 8:2

Sɩd me, Sɩɩg sẽn kõt vɩɩm a Zezi Kirist pʋgẽ wã tõog yolsa maam ne yel-wẽnã tõogo, la ne kũum tõog yembdo.

Efɛɛz Rãmba 2:1

Yãmba, yãmb dag n yaa kũum y beegrã ne y yel-wẽnã yĩnga.

Efɛɛz Rãmba 2:8

Sɩd me, yaa Wẽnnaam barkã yĩng la yãmb paam fãagr tẽeb yĩnga. Yãmb sẽn paam fãagrã, ka ne y mens pãng ye, yaa Wẽnnaam kũuni.

Efɛɛz Rãmba 5:14

Yaa woto yĩng n kɩt tɩ b yeel yaa: Foo! Sẽn gõe-a wã, neke! Yik n yi kũumã sʋka, la Kirist na kõ foom vẽenem sẽn kõt vɩɩm.

Kolos Rãmba 2:13

Pĩnda, yãmb sẽn dag n ya bɛɛgdb y kongrã ne y sẽn ka kẽ bãong y yĩngã pʋgẽ wã yĩngã, Wẽnnaam kõo yãmb vɩɩm ne Kirist n kõ tõnd beegrã fãa sugri.

A Titi 2:11

Wẽnnaam puka b barkã, bark ning sẽn wat ne fãagr ninsaalbã fãa yĩngã.

A Titi 3:5

bãmb fãaga tõndo, la ka tõnd sẽn tʋm tʋʋm-tɩrs yĩng ye, la yaa bãmb mengã nimbãan-zoeer yĩng la b fãag tõndo, bãmb soo tõnd ne soob sẽn palemda, tɩ Sɩɩg-sõng tũnug rẽnda n kõ tõnd rogem paalga la vɩ-paalga.

Vẽnegre 22:21

Bɩ Zu-soab a Zezi barkã zĩnd ne yãmb fãa.