Efɛɛz Rãmba 2:3 - KÃAB-PAALGÃ KOE-NOOGO

³ Tõnd fãa me rag n bee bãmb sʋka, la tõnd dag n vɩɩ wa sẽn zems tõnd yĩngã datem wẽnsã. Tõnd dag n tʋmda wa tõnd yĩngã sẽn date, la sẽn zems tõnd tagsdo, la tõnd dag n yaa neb sẽn na n paam Wẽnnaam sɩbgr wa neb a taabã.

SEBR SÕNGO

³ Yaa tõnd fãa bal n pʋs n yɩ woto; d da tũuda d zʋg wẽnga, n tũud d yĩnga yamleoog la d tʋls wẽnse n tol n wa lebg beem zãng ne Wẽnde, wa ninsaalb a taaba fãa.

WẼNNAAM SEBRE 2014

³ Tõnd fãa me rag n bee bãmb sʋka, la tõnd dag n vɩɩ wa sẽn zems tõnd yĩngã datem wẽnsã. Tõnd dag n tʋmda wa tõnd yĩngã sẽn date, la sẽn zems tõnd tagsdo, la tõnd dag n yaa neb sẽn na n paam Wẽnnaam sɩbgr wa neb a taabã.

Efɛɛz Rãmba 2:3 Iomraidhean Croise

A Mark Sõng 4:19

la arzegs belgre, la bũmb a taab ratem kẽedẽ n dɩt Wẽnnaam koɛɛgã t'a ka womd biis ye.

A Zã Sõng 1:13

Ka kamb b sẽn dog ne zɩɩm, wall ne yĩng ratem, wall ne ninsaal datem ye, yaa Wẽnnaam sẽn doge.

A Zã Sõng 8:44

Yãmb ba la Sʋtãanã, la yãmb dat n pidsa y ba wã raabo. A yɩɩ nin-kʋʋd hal sɩngr wẽndẽ tɩ ta moasã, la a ka pa sɩd pʋgẽ ye, sɩd sẽn ka be yẽ pʋgẽ wã yĩnga. A sã n yagd zĩrĩ, yaa a pʋga fãa la rẽnda, bala, a yaa zĩrĩ yagda, la zĩrĩ wã ba.

Tʋʋma 14:16

Yʋʋm sẽn looge, Wẽnnaam sẽn vɩ wã basa buudã fãa tɩ b maan b yam daabo.

Rom Dãmba 1:24

Dẽnda n kɩt tɩ Wẽnnaam bas-b tɩ b kẽ rẽgd pʋgẽ, wa b sũyã sẽn data, tɩ b paoog b yĩnsã b toore.

Rom Dãmba 11:30

A wa yãmb sẽn dag n kɩɩs Wẽnnaam, n paam nimbãan-zoeer moasã Israyɛl nebã kɩɩsg yĩngã,

Rom Dãmba 13:14

Yeelg-y Zu-soab a Zezi Kirist wa fuugu, la y ra bʋ yĩngã yelle n dat n pids a sẽn datã ye.

Rom Dãmba 2:14

Buud a taabã sẽn ka tar tõogã sã n kell n maand bũmb nins tõogã sẽn yetã, bãmb sẽn ka tar tõogã, bãmb mensã mii b sẽn tog n maane.

Rom Dãmba 5:10

Bala, sã n yaa tɩ tõnd sẽn dag n ket n ya bɛɛbã, tõnd yellã ne Wẽnnaamã paama yiisg Bãmb Bi-riblã kũum yĩnga, moasã yellã sẽn sa wã, tõnd kõn paam fãagr bãmb vɩɩmã yĩng n yɩɩd sɩda?

Rom Dãmba 5:9

Moasã, tõnd sẽn paam zemsg Kirist zɩɩmã raagr yĩngã, tõnd kõn põs Wẽnnaam sũ-yikr bãmb maasem yĩng n yɩɩd sɩda?

Rom Dãmba 6:12

Dẽ yĩnga, bɩ yel-wẽnã da leb n soog yãmb yĩn-kiidsã ye, la y da leb n sak a ratem wẽnsã ye.

Rom Dãmba 7:18

Bala, mam miime tɩ bõn-sõng ka be mam pʋgẽ, mam yĩngã pʋgẽ ye. Bala mam tõee n paama datem tɩ maan neere, la m ka tar pãn-tõog tɩ maan-a ye.

Rom Dãmba 9:22

La Wẽnnaam sã n maan sũ-mar wʋsg ne lagd sẽn wat ne sũ-yikri la sẽn maan sãoong yĩngã, n na n wilg b sũ-yikri la b kɩt tɩ nebã bãng bãmb pãngã?

1 Korẽnt rãmba 4:7

Bala, bõe n welgd foo ne f taabã? Bõe la fo tar tɩ ka ned n kõ foom? La sã n yaa tɩ yaa ned n kõ foom, bõe tɩ f waoogd f meng wa f ka reeg-a ned nengẽ?

2 Korẽnt rãmba 7:1

Woto yĩnga, m zo-nongdse, tõnd sẽn tar kãab kãensã wã, bɩ d yɩlg d mens ne rẽgd ninga sẽn dẽgemd yĩngã ne sɩɩgã, n bɩ sõmblem sẽn zems zãng pʋgẽ n paase, Wẽnnaam dabeem zoees pʋgẽ.

Galat Rãmba 3:22

Wẽnnaam gʋls-sõamyã yeelame tɩ dũni gill fãa bee yel-wẽn maaneg pʋgẽ. Woto, yaa neb nins sẽn tẽed a Zezi Kiristã n na n paam kũun ning Wẽnnaam sẽn kãabã, b sẽn tẽ wã yĩnga.

Efɛɛz Rãmba 2:2

Pĩnda, yãmb dag n kẽnda yel-wẽn kãens pʋgẽ wa sẽn zems dũni-kãngã sẽn kẽnd to-to wã, n sakd yĩngr pãng naabã, sɩɩg ning sẽn tʋmd wẽn-kɩɩsdbã pʋgẽ mosã wã.

Kolos Rãmba 1:21

La yãmb sẽn dag n ya sãamb la y ya bɛɛb y tagsdã ne y tʋʋm-wẽnsã yĩng pĩndã,

1Tesalonik Rãmba 4:13

M ba-biisi, tõnd ka rat tɩ yãmb zɩ neb nins sẽn gõe wã yelle, tɩ yãmb sũyã da wa n sãam wa neb a taabã sẽn ka tar tẽeb ne beoog neerã ye.

1Tesalonik Rãmba 5:6

Dẽ yĩngã, bɩ d da gũs wa neb a taabã ye. Ayo, d neende, la d yɩ yõk-m-mens rãmba.

1 Tɩmote 6:9

Neb nins sẽn baood n lebg arzegs rãmbã lʋɩta makr pʋgẽ, la kũusr pʋgẽ, datem wʋsg sẽn ya yalemd la wẽns pʋsẽ, la bõn-kãens kẽesda ninsaalbã sãoong la meneng pʋgẽ.

A Titi 3:3

Bala, pĩnda tõnd me rag n yaa yalemba, la nin-kɩɩsdba, la neb sẽn bʋdge, la ratem wẽns buud toay-toay la sũ-no-yood n dag n so tõndo. Tõnd dag n vɩɩ pʋ-toog la sũ-kĩir pʋga, tõnd dag n kisa neb a taaba tɩ bãmb me kis tõndo.

1 Pɩyɛɛr 1:14

Bɩ y yɩ kom-sakdse, la y da sak wẽng ratem nins yãmb sẽn dag n sak wakat sẽn looge, y sẽn da be y zɩɩlmã pʋg ye.

2 Pɩyɛɛr 2:14

Bãmb nina geta pʋg-yoaadba, la b zɩ n maan yel-wẽn n tɩg ye. B belgda neb nins yam sẽn yuusdã n tõogdẽ, b sũyã pida ne maan sɩlem n kãag n kõ b mense. Wẽnnaam kãab-wẽng bee bãmb zutu.

2 Pɩyɛɛr 2:18

Ne bãmb wuk-m-meng gom-minimã, la b gom-vɩɩdã, b rɩkda b yĩngã ratem sẽn ya tʋʋm-dẽgdã n belgd neb nins sẽn nan lak b mens ne sẽn vɩ-b wẽng maaneg pʋgẽ wã.

1 Zã 2:16

Bala, bũmb nins fãa sẽn be dũniyã pʋgã, sã n ya yĩng ratem wẽngã, la ninã sẽn get bũmb nins n datã, la wilg-m-meng arzegs sẽn wat-ne wã ka yit Wẽnnaam nengẽ ye, a yita dũni nengẽ.

1 Zã 2:8

Mam sẽn gʋlsd yãmbã yaa tõ-paalg me. Yel-kãng yaa sɩd Zu-soabã pugẽ, la yãmb pʋse. Bala, lik bida wã loogdame, la vẽenem sɩd-sɩdã zoe n yãgdame.