Efɛɛz Rãmba 2:2 - KÃAB-PAALGÃ KOE-NOOGO

² Pĩnda, yãmb dag n kẽnda yel-wẽn kãens pʋgẽ wa sẽn zems dũni-kãngã sẽn kẽnd to-to wã, n sakd yĩngr pãng naabã, sɩɩg ning sẽn tʋmd wẽn-kɩɩsdbã pʋgẽ mosã wã.

SEBR SÕNGO

² Y vɩɩnda bãmb pʋgẽ pĩnda tɩ y ra tũuda zamaana yam wẽnga soaba la a soaala, sẽn ket n tʋmda a tʋʋma ne tõatbã.

WẼNNAAM SEBRE 2014

² Pĩnda, yãmb dag n kẽnda yel-wẽn kãens pʋgẽ wa sẽn zems dũni-kãngã sẽn kẽnd to-to wã, n sakd yĩngr pãng naabã, sɩɩg ning sẽn tʋmd wẽn-kɩɩsdbã pʋgẽ moasã wã.

Efɛɛz Rãmba 2:2 Iomraidhean Croise

A Matiye Sõng 11:19

Ninsaal Bi-riblã sẽn wa, b rɩtame la b yũuda, tɩ nebã yetẽ tɩ b yaa yão-be-neda, la rã-yũuda, la yaood-dɛɛgdb ne yel-wẽn maandb zoa. Yam biis n wilgd t'a yaa tɩrga.

A Matiye Sõng 13:22

Bõn-buudã sẽn lʋɩ gõosã sʋkã yaa ned ning sẽn wʋmd Wẽnnaam koɛɛgã, tɩ dũniyã yɩɩre la arzegs belgr wulumd koɛɛgã t'a ka womd biis ye.

A Matiye Sõng 13:38

Pʋʋgã n ya dũni wã, bõn-bu-sõamy wã yaa soolmã kamba, nadensã yaa wẽng soabã kamba.

A Mark Sõng 4:19

la arzegs belgre, la bũmb a taab ratem kẽedẽ n dɩt Wẽnnaam koɛɛgã t'a ka womd biis ye.

A Luk Sõng 16:8

La a zu-soaba pẽga a tʋʋma taoor soab sẽn ka tɩrgã a sẽn maan yama yĩnga. Bala, dũni kanga neb maanda yam ne taaba, n yɩɩd vẽenem kambã.

A Luk Sõng 22:31

Zu-soabã yeelame yaa: Sɩmo! Sɩmo a Sʋtãaan kosame n na n yelg yãmb wa b sẽn yelgd koodo.

A Zã Sõng 12:31

Moasã yaa dũni kãngã bʋʋd wakate. Moasã, b na n yiisa dũni kãngã naabã n bas yɩnga.

A Zã Sõng 13:2

Rɩɩbã wakate, rẽ tɩ Sʋtãanã dag n ninga a Sɩmo biig a Zudas sũurẽ t'a zãmb a Zezi n yõk n kõ.

A Zã Sõng 13:27

A Zudas sẽn deeg burã bal la Sʋtãanã sẽn kẽ yẽnda. A Zezi yeel-a lame: Fo sẽn na n maan bũmb ningã, maan-a tao-tao.

A Zã Sõng 14:30

Mam ka na n tol n leb n gom ne yãmb yɛs ye, bala, dũni naabã watame. A baa fɩ ka be mam pʋgẽ ye.

A Zã Sõng 15:19

Yãmb sã n dag n ya dũni rẽnda, dũni neb dag n na nong bũmb nins dũni sẽn so. La yãmb sẽn ka dũni rẽnda, n paas mam sẽn tũus yãmb n yiis dũni neb sʋkã yĩnga, dũni rãmb kisa yãmba.

A Zã Sõng 16:11

B na n deega bʋʋdã yellã, tɩ bõe, dũni-kãngã naabã bʋʋd kaoome.

A Zã Sõng 7:7

Dũni wã ka tõe n kisg yãmb ye. B kisa maam, tɩ bõe, mam kɩta kaset tɩ b tʋʋmã yaa wẽnse.

A Zã Sõng 8:23

La a Zezi yeela bãmb yaa: Yãmb yaa tẽngr ka neba, la mam yaa yĩngr neda. Yãmb yaa dũni kãngã neba, la mam ka dũni kãngã ned ye.

A Zã Sõng 8:44

Yãmb ba la Sʋtãanã, la yãmb dat n pidsa y ba wã raabo. A yɩɩ nin-kʋʋd hal sɩngr wẽndẽ tɩ ta moasã, la a ka pa sɩd pʋgẽ ye, sɩd sẽn ka be yẽ pʋgẽ wã yĩnga. A sã n yagd zĩrĩ, yaa a pʋga fãa la rẽnda, bala, a yaa zĩrĩ yagda, la zĩrĩ wã ba.

Tʋʋma 19:35

Baoosgo, tẽnga seb-gʋlsdã tõogame tɩ neba sĩndi, la a yeel yaa: Efɛɛs neba, ãnna soab n ka mi tɩ yaa Efɛɛz tẽngã n ya Artemi kãsenga pʋʋsg roog gũuda, la Artemi naandã sẽn yi yĩngr n lʋɩ wã gũuda?

Tʋʋma 5:3

La a Pɩyɛɛr sok-a lame yaa: Ananiyas, yaa bõe tɩ Sʋtãana soog fo sũurã hal n kɩt tɩ f yag zĩrĩ ne Sɩɩg-sõng n yãk pʋʋgã ligd fo sẽn koosã?

Rom Dãmba 12:2

Da yɩ-y wa dũni kãngã nebã ye. Paam-y yam-wek-paalle, tɩ rẽ tek yãmba, tɩ y tõe n bãng Wẽnnaam daabo: Rẽ yaa sõama, n noomẽ la a zemsa zãnga.

1 Korẽnt rãmba 5:10

M ka yet tɩ y lak y mens zãng fasɩ ne dũni kãnga tʋʋm-dẽgd maandbã, wall ne yão-be-nebã, la kãag n kõ m meng rãmba, wall wẽnd-naands pʋʋsdbã ye. Sã n yaa rẽ, na n yɩ tɩlɛ tɩ y yi n bas dũni.

1 Korẽnt rãmba 6:11

Yãmb neb kẽer yaool n dag n yaa a woto. La yãmb paama pekre, b kɩtame tɩ yãmb lebg sõama, b kɩtame tɩ yãmb zemse, tõnd Zu-soab a Zezi Kirist yʋʋrã maasem yĩnga, la ne tõnd Wẽnnaamã Sɩɩg pãnga.

2 Korẽnt rãmba 4:4

Yaa neb nins sẽn ka tẽed-bã. Dũni kãngã na-wẽngã sẽn yaa a sʋtãan sẽn lud b yamã tɩ b ka tõe n yã Kirist sẽn ya Wẽnnaam mengã wẽnegã koe-noogã ziirã yĩnga.

Galat Rãmba 1:4

Kirist yaa soab ning sẽn kõ b vɩɩm tõnd yel-wẽnã yiisg yĩnga, tɩ b tõe n fãag tõnd n yiis-d dũni kõngã wẽngã pʋgẽ, wa sẽn zems tõnd ba a Wẽnnaam daabã.

Efɛɛz Rãmba 1:21

Wẽnnaam kɩtame tɩ Kirist yɩɩd rĩm-dãmba fãa la noyã fãa la pãensã fãa la naam fãa, la b yʋʋrã yɩɩda yʋyã fãa sẽn pʋtã, la ka dũnna zamaanã pʋg bal ye, la yaa ne zamaan ning sẽn watã me pʋgẽ.

Efɛɛz Rãmba 2:11

Dẽ wã, tẽeg-y tɩ wakat sẽn looge, yãmb dag n yaa bu-zẽms yĩng wɛɛngẽ, tɩ neb nins sẽn yet tɩ b yaa zũnsi, tɩ yaool n ya bãong ninsaal nus sẽn kẽesã rãmb n dag n boond yãmb a bu-zẽmsã tɩ moose.

Efɛɛz Rãmba 2:13

La moasã, Kirist pʋgẽ, yãmb sẽn dag n zãr wakat sẽn loogã, Kirist zɩɩmã maasem yĩnga, yãmb pẽnegame.

Efɛɛz Rãmba 2:3

Tõnd fãa me rag n bee bãmb sʋka, la tõnd dag n vɩɩ wa sẽn zems tõnd yĩngã datem wẽnsã. Tõnd dag n tʋmda wa tõnd yĩngã sẽn date, la sẽn zems tõnd tagsdo, la tõnd dag n yaa neb sẽn na n paam Wẽnnaam sɩbgr wa neb a taabã.

Efɛɛz Rãmba 4:17

Woto yĩnga, ad bũmb ning mam sẽn yet yãmba, la m sẽn kɩt a kaset Zu-soabã pʋgẽ: Yaa tɩ yãmb ka tog n leb n kẽn wa neb nins sẽn ka pʋʋsd Wẽnnaamã ye. Bãmb kẽnda wa sẽn zems b tagsg sẽn ka yõodã.

Efɛɛz Rãmba 5:6

Da sak-y tɩ ned belg yãmb ne gom-vɩɩd ye. Bala, yaa bõn-kãens yĩng la Wẽnnaam sũ-puugr sigd kɩɩsdbã zutã.

Efɛɛz Rãmba 5:8

Sɩd me, pĩnda, yãmb dag n bee likẽ. La moasã, yãmb sẽn tũud Zu-soabã yĩnga, y bee vẽenemẽ. Rẽ wã, kẽn-y wa vẽenemẽ kamba.

Efɛɛz Rãmba 6:12

Bala, tõnd zabr ka ne ninsaal sẽn ya nemd la zɩɩmã ye, la yaa ne lik rĩm-dãmba la a pãens sẽn so naam tẽng zug ka wã, la wẽng maaneg sɩɩsã sẽn be yĩngrã.

Kolos Rãmba 1:21

La yãmb sẽn dag n ya sãamb la y ya bɛɛb y tagsdã ne y tʋʋm-wẽnsã yĩng pĩndã,

2 Tɩmote 4:10

Bala, a Demas basa maam n looge, a sẽn nong moasã dũni wã yĩnga. A kẽnga Tesaloniki. A Kersãns kẽnga Galasi, t'a Tit kẽng Dalmasi.

Zake 1:27

Ba a Wẽnnaam taoore, wẽn-tũudum sẽn ya yolemde, n ka tar wada, yaa tɩ kẽng n ges kɩɩbse la pʋgkõap b sũ-sãamsã pʋse, la tɩ gũus f meng ne dũni rẽgdo.

Zake 1:7

Bɩ ned a woto da tags t'a na n paama bũmb Zu-soabã nengẽ ye.

Zake 4:4

Yãmb sẽn ya nin-yoaadbã, yãmb ka mi tɩ dũni nonglem yaa beem ne Wẽnnaam laa? Dẽ, ned sã n dat n yɩ dũni zoa, a yɩta Wẽnnaam bɛyã.

1 Pɩyɛɛr 1:14

Bɩ y yɩ kom-sakdse, la y da sak wẽng ratem nins yãmb sẽn dag n sak wakat sẽn looge, y sẽn da be y zɩɩlmã pʋg ye.

1 Pɩyɛɛr 4:3

Sɩd me, wakat sẽn looge, yãmb dag n maanda wa neb nins sẽn ka pʋʋsd Wẽnnaamã sẽn maandã. Yaa n sekame. Yãmb dag n kẽnda raglem pʋga, ratem wẽnse la yũ rãam n tuubdẽ wã pʋga, la rã-tɩgrã ne yão-beedã pʋga, la wẽn-naandsã pʋʋsg sẽn ya bõn-wẽng wʋsgã pʋga.

2 Pɩyɛɛr 2:14

Bãmb nina geta pʋg-yoaadba, la b zɩ n maan yel-wẽn n tɩg ye. B belgda neb nins yam sẽn yuusdã n tõogdẽ, b sũyã pida ne maan sɩlem n kãag n kõ b mense. Wẽnnaam kãab-wẽng bee bãmb zutu.

1 Zã 3:10

Yaa woto la b bãngd sẽn ya-b Wẽnnaam kamba la sẽn ya-b rõatã kamb n bake. Ned ning fãa sẽn ka maand tɩrga la sẽn ka nong a ba-biig ka Wẽnnaam biig ye.

1 Zã 3:8

Ned ning sẽn maand yel-wẽn yaa rõatã neda, bala rõatã sɩng n maanda yel-wẽn hal sɩngr wẽndẽ. Wẽnnaam Bi-riblã waame n na n sãam rõatã tʋʋma.

1 Zã 4:4

Ne yãmba, mam kom-bõonego, yãmb yaa Wẽnnaam kamba, la y tõoga belgr no-rɛɛsdbã, bala, soab ning sẽn be yãmb pʋgẽ wã yɩɩda sẽn be-a dũniyã pʋgẽ wã.

1 Zã 5:19

Tõnd miime tɩ d yaa Wẽnnaam dẽnda, la dũniyã zãng bee wẽng soabã nugẽ.

1 Zã 5:4

Bala, Wẽnnaam sẽn dog a soab fãa tõogda dũniyã. Ad tõogr ning sẽn tõogd dũni wã: yaa tõnd tẽebã.

Vẽnegre 12:9

B riga bõnin-kãsengã, wag-kʋdrã b sẽn boond tɩ rõatã la a Sʋtãana, soab ning sẽn belgd tẽngã zĩig ning fãa neb sẽn be wã nebã. B tusa yẽnda ne a malegsã n lob tẽng zugu.

Vẽnegre 13:14

Ne bãn b sẽn kõ-a noor t'a maan pipi rũngã taoorã, a belga nebã sẽn be tẽng zugã, n yeel-b tɩ b maan rũng ning sẽn paam poglg ne zabr sʋʋg n kell n põsã bõn-naandga.

Vẽnegre 13:8

La neba fãa sẽn be tẽng zugu, tɩ b yʋy ka gʋls vɩɩm sebr sẽn ya Pe-bil ning b sẽn kʋ hal dũni naaneg wakatã sebrã pʋgẽ wã wõgemda rũngã taoore.

Vẽnegre 16:17

Malɛk a yopoe soabã kiiga sẽn be yẽ laagẽ wã pemsma pʋga. La koe-kãseng yii geerẽ wã, wẽnd-doogẽ wã n yeel yaa: Maaname n sa!

Vẽnegre 20:2

Malɛkã yõka dargõ wã sẽn ya wag-kʋdrã, la rõatã, la a Sʋtãan n balg-a yʋʋm tusr yĩnga.