Efɛɛz Rãmba 2:10 - KÃAB-PAALGÃ KOE-NOOGO

¹⁰ Bala, tõnd yaa Wẽnnaam bõn-naandse. B naana tõnd Kiristã maasem yĩnga, tɩ tõnd na maan tʋʋm sõama nins bãmb sẽn dag n pĩnd n segl tɩ tõnd wa maanã.

SEBR SÕNGO

¹⁰ Tõnd yaa Wẽnd nug bũmbu, b naana tõnd a Zezi Krista maasmẽ, b naana tõnd tʋʋm yĩnga, tʋʋm-sõma niyns b sẽn segl al pĩnd-pĩnda n bĩng-du tɩ d wa tʋma.

WẼNNAAM SEBRE 2014

¹⁰ Bala, tõnd yaa Wẽnnaam bõn-naandse. B naana tõnd Kirisã maasem yĩnga, tɩ tõnd na maan tʋʋm‑sõama nins bãmb sẽn dag n pĩnd n segl tɩ tõnd wa maanã.

Efɛɛz Rãmba 2:10 Iomraidhean Croise

A Matiye Sõng 5:16

Bɩ yãmb vẽenem yãg a woto me nebã sʋka, tɩ bãmb tõe n yã yãmb tʋʋm sõamyã la b waoog yãmb ba sẽn be arzãnã.

A Zã Sõng 3:21

La ned ning sẽn maand sɩd wata vẽenemẽ, tɩ nebã tõe n bãng t'a tʋʋmã tʋmda Wẽnnaam sakr pʋgẽ.

Tʋʋma 9:31

A Zezi tẽedba sẽn be zuude la Galile ne Samari wã fãa dag n bee laafɩ, b pãnga ra paasdame la b ra sakda Zu-soabã la Sɩɩg-sõng ra sõngd-b lame tɩ b lebgd wʋsgo.

Tʋʋma 9:36

Tẽed-poak a ye n da be Zope t'a yʋʋr boond t'a Tabita sẽn dat n togs tɩ Dorkas ne Gɛrk goama. A yʋʋra võor yaa yãka: Pʋg-kãng ra maanda tʋʋm-sõamyã wʋsgo, la a sõngd naong rãmba.

Rom Dãmba 8:1

Woto yĩnga, sɩbgr ka be neb nins sẽn be Zezi Kirist pʋgẽ [n kẽnd wa sẽn zems Wẽnnaam Sɩɩgã raabã la ka yĩng ratmã] zut ye.

Rom Dãmba 8:29

Bala, neb nins Wẽnnaam sẽn pĩnd b bãngã, b pĩnd n yãka yam tɩ b na n wẽnega bãmb Bi-riblã, tɩ bãmb Bi-riblã na yɩ bi-rẽeng ba-biis wʋsg sʋka.

1 Korẽnt rãmba 3:9

Bala, tõnd yaa tʋmd-n-taas ne Wẽnnaam. Yaa yãmb la Wẽnnaam Pʋʋgo, Wẽnnaam roogo.

2 Korẽnt rãmba 5:17

Ned sã n tũud Kirist, yẽ soab yaa nin-paalga. Bõn-kʋdã loogame, tɩ bũmba fãa lebg paalse.

2 Korẽnt rãmba 5:5

Yaa Wẽnnaam n maan tõnd tɩ d yɩ a woto, bãmb n kõ tõnd Sɩɩg-sõng tɩ ya arzegs nins b sẽn bĩng tõndã reng-n-lɛmbga.

2 Korẽnt rãmba 9:8

La Wẽnnaam tara pãn-tõog tɩ kõ yãmb bark buud fãa tɩ seke. Tɩ yãmb tõe n paam bũmb fãa, daar fãa, sẽn na sõng yãmb y ratmã fãa pʋgẽ n sek n kell tɩ y maan tʋʋm soamã fãa,

Galat Rãmba 6:15

Bala, bũmb ning sẽn be yõodo, ka bãongo wall moonem ye, la yaa tɩ yɩ nin-paalga.

Efɛɛz Rãmba 1:1

Maam a Poll sẽn ya a Zezi Kirist tẽn-tʋmd wa sẽn zems Wẽnnaam tʋlsmã n tʋmd seb-kãngã Wẽnnaam nebã ne neb nins sẽn be Efɛɛs n tũud a Zezi Kiristã.

Efɛɛz Rãmba 1:4

Wẽnnaam yãka tõnd Kirist maasem yĩng sẽn deng dũni naanego, tɩ tõnd yɩ neb sẽn ya yell bãmb taoor ye. Wẽnnaam nonglmã pʋga,

Efɛɛz Rãmba 2:13

La moasã, Kirist pʋgẽ, yãmb sẽn dag n zãr wakat sẽn loogã, Kirist zɩɩmã maasem yĩnga, yãmb pẽnegame.

Efɛɛz Rãmba 2:15

Kirist yiisa a Moyiis tõodã ne a noyã la a minindã, n na n kɩt tɩ buud a yiibã naag taab bãmb pʋgẽ n yɩ bu-paalg a yembre, n kɩt tɩ laafɩ zĩndi,

Efɛɛz Rãmba 2:2

Pĩnda, yãmb dag n kẽnda yel-wẽn kãens pʋgẽ wa sẽn zems dũni-kãngã sẽn kẽnd to-to wã, n sakd yĩngr pãng naabã, sɩɩg ning sẽn tʋmd wẽn-kɩɩsdbã pʋgẽ mosã wã.

Efɛɛz Rãmba 2:6

Wẽnnaam naaga tõnd ne Kiristã n vʋʋge, n kɩt tɩ tõnd naag ne bãmb n zĩnd arzãn pʋga, Kirist maasem yĩnga,

Efɛɛz Rãmba 4:1

Woto yĩnga, mam sẽn be bi-bees roogẽ Zu-soabã tũudum yĩngã, mam sagenda yãmb tɩ y kẽn wa sẽn zems boolg ning Wẽnnaam sẽn bool yãmbã.

Efɛɛz Rãmba 4:24

la y yeelg nin-paalgã wa fuugu, nin-paalg ning Wẽnnaam sẽn naan wa b sẽn data, tɩrlem la sõmblem sɩd sẽn wat-ne wã pʋgẽ.

Filip rãmba 1:6

Mam mii hakɩɩk tɩ Wẽnnaam sẽn sɩng tʋʋm sõng-kãng yãmb sũya pʋsã na n kell n maan-a lame n baase, hal tɩ ta a Zezi Kirist daarã.

Filip rãmba 2:13

Tɩ bõe, yaa Wẽnnaam n maand b tʋʋmd yãmb pʋsẽ, la b kõt yãmb ratmã, la pãng tɩ maan wa sẽn zems bãmb daabã.

Kolos Rãmba 1:10

Kɩt-y tɩ y kẽnã waoogd Zu-soabã, tɩ y tõe n ta bãmb yam bũmb fãa pʋgẽ, la y wom biis ne tʋʋm sõama buud fãa, la y bɩ Wẽnnaam bãngr pʋgẽ.

Kolos Rãmba 3:10

la y yelg yalẽ paalga. Wẽnnaam palemda yalẽ-paalgã bãmb sẽn naanã, n kɩtdẽ t'a wẽnegd bãmb a Wẽnnaam n paasdẽ, tɩ tõnd tõe n bãng bãmb zãnga.

2Tesalonik Rãmba 2:17

bels yãmb sũyã, la b kɩt tɩ y pɛlg yɩ kãenkãe ne tʋʋm-sõng fãa, la ne gom-sõng fãa.

1 Tɩmote 2:10

Ayo! B tog n nagsa b mens ne tʋʋm sõamy maanego, wa sẽn zems pagb sẽn sakd Wẽnnaam sẽn tog n maane.

1 Tɩmote 5:10

tɩ neba fãa miẽ t'a wuba kamba, n maan sãambã sãando, n pegs nin-sõamy naowã, la a sõng neb nins sẽn namsda, la a bao tɩ maan tʋʋm-sõng buuda fãa.

1 Tɩmote 5:25

Woto me, tʋʋm sõamyã pukdame, la tʋʋm nins sẽn ka-b sõama wã me ka tõe n pa n ka puk ye.

1 Tɩmote 6:18

Bɩ b maan neere, la bɩ b yɩ neb sẽn maand tʋʋm-sõamy wʋsgo, la b yɩ neb sẽn kõte, la sẽn nong n pʋɩ b sẽn tarã ne neb a taaba.

2 Tɩmote 2:21

Woto, ned sã n yɩlgd a meng n yiisd rẽg-kãensã, a na n yɩɩ laoko a tʋʋm sẽn be waoogre, laok sẽn welg toore, n be yõod a soaalã yĩnga, la sẽn tõe n tall n maan tʋʋm-sõng buud fãa.

2 Tɩmote 3:17

tɩ Wẽnnaam ned tõe n paam manegr la seglg tɩ maan tʋʋm-sõamy buud fãa.

A Titi 2:14

A Zezi Kirist kõo b meng tõnd yĩnga, tɩ fãag tõnd ne yel-wẽn fãa n kɩt tɩ tõnd lebg bãmb neb b sẽn yɩlge, la sẽn wɩngd ne tʋʋm-sõama maanego.

A Titi 2:7

La fo mengã yɩ mamsg ne tʋʋm-sõama maanego, la f zãms nebã ne koɛɛg sẽn ya sɩda la sẽn zems reegre.

A Titi 3:1

Tẽeg-b tɩ b sak soolem taoor dãmba ne pãn-soaadbã, tɩ b yɩ sakdba, la b sak n maan tʋʋm sõama fãa.

A Titi 3:14

Tõnd neba me tog n zãmsame tɩ maan tʋʋm-sõama n tõog n sõng ne yɛl sẽn dat manegr tao-tao, tɩ bãmb da yɩ neb sẽn ka wat ne baa fɩ ye.

A Titi 3:8

Gom-kãnga yaa sɩda, la mam datame tɩ fo togs-a nebã tɩ neb nins sẽn tẽ Wẽnnaamã na wɩng ne tʋʋm sõama maanego. Yõwã n be neere la a tar yõod ne ninsaalba.

Ebre rãmba 10:24

Bɩ d ges taab yelle, tɩ d tõe n nek taab ratem tɩ nong taaba la maan tʋʋm sõamyã.

Ebre rãmba 13:21

na kɩt tɩ yãmb tõog n maan sẽn ya sõama, tɩ y na maan bãmb daabo. Bɩ Wẽnnaam kɩt tɩ bũmb nins sẽn noom bãmbã maan tõnd pʋse, a Zezi Kirist maasem yĩnga, soab ning sẽn zems ne ziir zamaan o zamaane! Ãmina!

1 Pɩyɛɛr 2:12

Paam-y yel-manesem sẽn ya sõama neb nins sẽn ka pʋʋsd Wẽnnaamã sʋka, tɩ baa b sẽn dõt yãmb zĩig ning fãa n yetẽ tɩ y yaa tʋʋm wẽns maandbã, bɩ b yã yãmb tʋʋm sõama wã n waoog Wẽnnaam, b waoongã daare.

1 Zã 1:7

La tõnd sã n kẽnd vẽenemẽ wa bãmb mengã sẽn be vẽenemẽ wã, tõnd tara lagem-n-taar ne taaba, la bãmb Bi-ribl a Zezi zɩɩmã pekda tõnd yel-wẽna fãa n yiisi.

1 Zã 2:6

Sẽn yet-a tɩ yẽ paada Wẽnnaam pʋgẽ tog n kẽnda wa a Zu-soabã sẽn dag n kẽndã.