1 Tɩmote 4:3 - KÃAB-PAALGÃ KOE-NOOGO

³ B yeta nebã tɩ b da yi kãadem ye, la b bas rɩɩb kẽer n da rɩ ye, tɩ Wẽnnaam yaool n naan rɩ-kãens tɩ neb nins sẽn maand sɩda la sẽn mi sɩdã na dɩ ne bark pʋʋsgo.

SEBR SÕNGO

³ Nin-bãmb gɩdgda yikãadem kõom, n gɩdgd bũmb kẽer dɩɩbo. Wẽnd n yaool n da kõ sẽn tẽed-b bãmbã, sẽn bãng-b sɩdã, tɩ b reeg n dɩ la b pẽg Bãmba.

WẼNNAAM SEBRE 2014

³ B yeta nebã tɩ b da yi kãadem ye, la b bas rɩɩb kẽer n da rɩ ye, tɩ Wẽnnaam yaool n naan rɩ-kãens tɩ neb nins sẽn maand sɩda la sẽn mi sɩdã na rɩ ne bark pʋʋsgo.

1 Tɩmote 4:3 Iomraidhean Croise

A Matiye Sõng 14:19

A Zezi kɩtame tɩ nebã zĩnd moodã zugu, la b reega bur a nu wã ne zĩm a yiibã n nak n ges yĩngri, n ning-b barka, n yaool n kao burã n kõ b karen-biisã tɩ b reeg n pʋɩ neb kʋʋngã.

A Matiye Sõng 15:11

ka bũmb ning sẽn kẽed ninsaal noorẽ wã n maand-a t'a yɩ rẽgd ye. Bũmb ning sẽn yit ninsaal noorẽ wã, yaa rẽnda n maand-a t'a lebg rẽgdo.

A Matiye Sõng 15:36

La bãmb deega bur a yopoe wã ne zĩmã. La b sẽn ning-a barka, b kaoome n kɩs b karen-biisã tɩ b pʋɩ neb kʋʋngã.

A Luk Sõng 24:30

A Zezi sẽn zĩ ne bãmb n na n dɩ, b rɩka burã n pʋʋs Wẽnnaam bark n kao-a n kõ bãmba.

A Zã Sõng 6:23

La koom-kogend a taab yii Tiberyaad n wa n yals zĩig sẽn pẽ ne zĩig ning a Zezi sẽn ning burã bark n kõ neb kʋʋngã tɩ b wãbã.

Tʋʋma 27:35

A Poll sẽn gom a woto n sa, a rɩka bur n yals neba fãa taoor n pʋʋs Wẽnnaam barka. A sẽn pʋʋs n sa, a kaoo burã n sɩng wãbre.

Rom Dãmba 14:17

Bala, Wẽnnaam soolmã, ka tɩ rɩ wall tɩ yũ ye, la yaa tɩrlem la bãane, la sũ-noogo, Sɩɩg-sõng sẽn kõta.

Rom Dãmba 14:3

Bɩ ned ning sẽn dɩt-a wã ra paoog sẽn ka rɩt-a wã ye, la bɩ ned ning sẽn ka rɩt-a wã ra bʋ sẽn dɩt-a wã bʋʋd ye. Bala, Wẽnnaam reeg-a-la sõama.

Rom Dãmba 14:6

Ned ning sẽn tagsd dayã yellã, yaa Zu-soabã yĩng la a tagsd b yelle. Sẽn dɩt-a wã, yaa Zu-soabã yĩng la a rɩta, bala, a pʋʋsda Zu-soabã barka. Sẽn ka rɩt-a wã, yaa Zu-soabã yĩng la a ka rɩta. Yẽ me pʋʋsda Wẽnnaam barka.

1 Korẽnt rãmba 6:13

Rɩɩb yaa pʋg yĩnga, la pʋg yaa rɩɩb yĩnga. La Wẽnnaam na n sãama b yiiba fãa. Yĩngã ka tʋʋm-dẽgd yĩng ye, a yaa Zu-soabã yĩnga, la Zu-soabã yaa yĩngã yĩnga.

1 Korẽnt rãmba 7:28

Fo sã n yi kãadem, kõn yɩ yel-wẽnd ye. Pa-kuil sã n yi kãadem, kõn yɩ yel-wẽnd ye. La nin-bãmb na n paama sũ-sãamse, mam yaool n baooda yãmb sõngre.

1 Korẽnt rãmba 8:8

Ka rɩɩb n na n pẽneg tõnd ne Wẽnnaam ye: Tõnd sã n ka rɩt-a, bũmb ka paoog tõnd ye. La tõnd sã n n dɩt-a, a ka paasd tõnd fʋɩ.

Kolos Rãmba 2:16

Dẽ wã yĩnga, da sak-y tɩ ned kao yãmb bʋʋd ne yãmb sẽn dɩt bũmb ning wɛɛngẽ wall y sẽn yũud bũmb ninga, wall kibsa wall kiu-paalga wall vʋʋsg daar wɛɛngẽ ye.

Kolos Rãmba 3:17

Bũmb ning fãa yãmb sẽn maanda, sã n yaa goam pʋga wall tʋʋm pʋga, maan-y fãa ne Zu-soab a Zezi yʋʋre, n pʋʋs ba a Wẽnnaam bark a Zezi maasem yĩnga.

1 Tɩmote 2:4

Bãmb daab yaa tɩ neba fãa paam fãagre, la b tõog n bãng sɩdã.

1 Tɩmote 4:4

Wẽnnaam sẽn naan bũmb ninsã fãa yaa sõama, b sã n dɩt-b ne bark pʋʋsgo.

1 Tɩmote 5:14

Dẽ, mam datame tɩ pʋgkõap nins sẽn yaa-b pẽbã kuil sɩdb n dog kamba, la b zã zagse, tɩ b ra wa n kõ bɛyã weer baa a yen t'a gom wẽng ye.

Ebre rãmba 13:4

Bɩ neba fãa waoog kãadem, la bɩ ned ne a pag pĩir da zĩnd dẽgd ye. Bala, Wẽnnaam na n sɩbga raglem-dãmba la nin-yoaadbã.

Ebre rãmba 13:9

Da sak-y tɩ koe-sãams toay-toay tak yãmb ye. Bala, yaa neer tɩ barkã keng yãmb sũyã, la ka rɩɩb ye, t'a ka sõng neb nins sẽn dɩ-a wã ye.