1 Tɩmote 1:13 - KÃAB-PAALGÃ KOE-NOOGO

¹³ tɩ mam yaool n dag n ya ned sẽn paoogd Wẽnnaam, la sẽn namsd tẽedbã, la ned sẽn maand a taab pãnga. La b zoee mam nimbãanega, bala, dag n yaa zɩɩlem la ka-tẽeb pʋgẽ la mam dag n maand rẽnda.

SEBR SÕNGO

¹³ maam ne m yɩ wẽn-kɩɩs pĩnda, maam ne m nams m taaba la m yaal-ba. B kõ-m la sugri, tɩ m da ka mi ye, tɩ m da ket n yaa tẽeba sãana.

WẼNNAAM SEBRE 2014

¹³ tɩ mam yaool n dag n yaa ned sẽn paoogd Wẽnnaam, la sẽn namsd Kiris tẽedbã, la ned sẽn maand a taab pãnga. La b zoee mam nimbãanega, bala, dag n yaa zɩɩlem la ka-tẽeb pʋgẽ la mam dag n maand rẽnda.

1 Tɩmote 1:13 Iomraidhean Croise

A Luk Sõng 12:47

Tʋmtʋmd ning sẽn mi a zu-soab raabo, n yaool n ka segl bũmbu, la a ka maan a zu-soabã sẽn datã, b na n pãb-a la wʋsgo.

A Luk Sõng 23:34

A Zezi yeelame yaa: M ba, kõ-y-b sugri, tɩ b ka mi bũmb ninga b sẽn maandã ye. La bãmb maana bãnd n pʋɩ a Zezi futã ne taaba.

Tʋʋma 22:4

Mam dag n namsa neb nins sẽn dag n tũud so-kãnga wã n kʋ-ba, la m yõg raop la pagb n sẽb n kẽes-b bi-bees roogo.

Tʋʋma 3:17

La moasã, m saam-biisi, mam miime tɩ yaa yãmb ne y nanamsa zɩɩlma yĩng n kɩt tɩ y maan a Zezi a woto.

Tʋʋma 8:3

La a Soll da namsda tẽedbã wʋsgo. Yẽ ra kẽeda rot pʋs fãa n yõgd raop la pagb n kẽesd-b bi-bees roogẽ.

Tʋʋma 9:1

Baoosgo, a Soll sẽn dag n ket n namsd Zu-soaba karen-biis n dat kʋ-bã, a kẽnga maan-kʋʋdba kãsem nengẽ

Tʋʋma 9:13

A Ananiyas leokame n yeel yaa: Zu-soaba, mam wʋma neb wʋsg sẽn gomd rao-kãnga sẽn maan yãmb nebã sẽn be Zeruzalɛma wẽng wʋsga yelle.

Tʋʋma 9:5

A Soll leokame tɩ Zu-soaba, yãmb yaa ãnna: La Zu-soaba yeelame yaa: Mam yaa a Zezi fo sẽn namsd a soabã. [Na n yɩɩ toog ne foom, fo sẽn kɩɩsda yĩnga. La yẽ ra yɛɛsame n digd n sok Zu-soaba tɩ bãmb datame tɩ yẽ maan bõe. Dẽ Zu-soaba yeela yẽnda.]

1 Korẽnt rãmba 15:9

Bala, tẽn-tʋmdbã sʋka, maam n ka ta m taaba, la mam ka zems tɩ b bool maam tɩ tẽn-tʋmd ye. Tɩ bõe, mam namsa Wẽnnaam nin-tũusdsã.

1 Korẽnt rãmba 7:25

Sã n yaa ne pa-kuil-n-dãmba yelle, mam ka tar sẽn yit Zu-soabã nengẽ ye. Maam, ned Wẽnnaam sẽn kɩt t'a maand sɩd bãmb nimbãan-zoeerã yĩngã n wilgd m tagsgo.

Galat Rãmba 1:13

Sɩd me, yãmb wʋma mam yel-manesem sẽn yɩ to-to pĩnda, Zuif-rãmbã kaoreng pʋgẽ. Wakat kãnga, mam dag n namsda Wẽnnaam nin-tũusidsã, la m sãamd b roogã.

Filip rãmba 3:6

La wɩngr ne Wẽnnaam tʋʋmdã wɛɛngẽ, mam namsa a Zezi tẽedbã, la ne tɩrlem tõog sakr wɛɛngẽ, ned ka tõe n dõd maam ye.

1 Tɩmote 1:16

La Wẽnnaam maana nimbãan-zoeer ne maam, t'a Zezi Kirist reng n wilg b sũ-marã fãa ne maam, mam sẽn ya wẽng n yɩɩd yel-wẽn maandba fãa wã, tɩ yɩ kaset neb nins fãa sẽn na tẽ bãmba n dat vɩɩm sẽn ka sɛtã yĩnga.

Ebre rãmba 4:16

Woto yĩnga, bɩ d kolg bark soab a Wẽnnaam geerã ne pɛl-kɛgenga, tɩ d tõe n paam tɩ b zoe d nimbãanega, la d zĩnd bark bãmb nifẽ, tɩ d tõe n paam sõngr wakat ning d sẽn tog n paame.

1 Pɩyɛɛr 2:10

Pĩnda, yãmb dag n ka Wẽnnaam neb ye, la moasã, yãmb yaa Wẽnnaam neba. Yãmb sẽn dag n ka paam nimbãan-zoeerã, moasã, yãmb paama nimbãan-zoeere.