Luki 4:2 - Ala la kitabuenu Mɔgɔfin kuma tɔ

² A ka tele bi naani ma janfue butɔ ɲɔ, wo bɛ Sentanɛ be katala a ni a latantan. Wo toe bɛ butɔ, a ma fenfen dɔmɔ. Wo tele bi naani la kamalireŋɛ kɔnkɛ ka a bita.

Luki 4:2 Iomraidhean Croise

Ko fɔlɔfɔlɛ 3:15

N si jaguya to i nun muse tɛma, n si jaguya to i bɔnsɛ nun a bɔnsɛ tɛma. A bɔnsɛ si i kuŋɛ te, ile tugun si a tingiliŋɛ kin.»

Hɔrɔya 24:18

Musa be yɛlɛla kɔnkɛ kunma, a donta wo luuture butɔ. A tota ɲɔ han tele bi naani, sue nun tele.

Hɔrɔya 34:28

Musa tota kɔnkɛ kunma Alatala dula tele bi naani, sue anun tele. A ma dɛgɛ dɔmɔ, a ma je min. Alatala ka yamɔri taŋɛ minnu fɔ Musa ye nun, a ka wonu sɛbɛ wo walanu ma, minnu mu lahiri lakotireŋɛ la.

Yunusa 3:7

Wo kɔma, a ka kɛ yamɔre sa Niniwu saa tɔ, a ko: «Mansa nun a kɔmasɔlanu la yamɔri sareŋɛ la, a bata latɔn ka a fɔla mɔgɛnu, anun kolofen banbanu anun a lanmanu, anu kana fenfen nɛmunɛmu, anu kana fondo dɔmɔ anu kana ji min.

Luki 4:3

Wo kɔma, Sentanɛ nata a ka a fɔ a ye: «Ka Ala la den kayireŋɛ yati le mu i la, kɛ kure yamɔri, a ni ma dɔmɛ la.»

Yaya 4:6

Yaguba la kɔlɔŋɛ tugun be ɲɔ le. Awa, Isa korireŋɛ biyasi tagamaŋɛ la, a ka a majigi wo kɔlɔŋɛ kɛnna. Fayida wo ka a taran tele be kunna tun.

1 Samiyɛli 17:16

Kɛ Filisiti kaa be kɛnɛ bɔɔla le Isirayila la sɔɔrenu ɲatɔ saguma nun wura la han tele bi naani.