Luki 19:12 - Ala la kitabuenu Mɔgɔfin kuma tɔ

¹² a ko: «Mansa bɔnsɛ kayi do le tota ɲɔ. A be bɔɔla a bata, a ni taga dula yanfama tɔ mansa banba bata, alako a ni mansaya sɔtɔ ɲɔ, wo kɔma a ni saagi a fɛ a bata.

Luki 19:12 Iomraidhean Croise

Luki 20:9

Wo kɔma, Isa fɔlɔta kɛ taale sala jama ye, a ko: «Kaye do ka sunte labɔɔ, a ka rɛsɛn lɔgenu ki. A ka sunte taaku walila donu la, alako anu ni a tɔnɛ do dii a ma. Wo kɔma a bɔɔta, a tagata to jamanɛ do tɔ, a mɛta ɲɔ han.

Luki 24:51

A be dubala anu ye wagate min tɔ, a nun anu fatanta, a yɛlɛta saŋɛ tɔ.

Yaya 18:37

Pilati ka a fɔ a ye: «Yaga, mansa le mu i la?» Isa ka a jaabi, a ko: «Ile yati bata a fɔ, ka a fɔla mansa le mu n na. N nata dunuya, alako le n ni ma tɔɲa seede la, iyon, n sɔtɔta wolo la. Min bɛ be tɔɲa fɛ, wonu si anu tolomasɔ le n na kuma la, ka a bita.»

Kiilanu 17:31

Wo butɔ, a bata lɔgɔ dɔndɔ masubɛ, a si naa dunuya mɔgɛnu bɛ makiiti lun min na teleŋɛ butɔ, kaye do sabu la, a bata min masubɛ. A to ka wo kaye lawuli ka a bɔɔ fagabaganu tɛma, wolo mata seedeɲɔgɔya la mɔgɛ bɛ ye ka a fɔla ale len mu mɔgɔ masubɛreŋɛ la.»

1 Piyɛri 3:22

Isa bata yɛlɛ Ala bolo ɲinma tɔ arijanna. Malekanu, kuntigenu, anun sɛnbɛmanu, anu bɛ be a la yamɔre kɔtɔ.