Lewi bɔnsɛnu la sariya 9:3 - Ala la kitabuenu Mɔgɔfin kuma tɔ

³ I ni a fɔ Isirayila kaanu ye, i ko: ‹Wo ni sikule dɔndɔ bɔɔ junubu kafari sarika la. Wo ni tuuradeŋɛ nun saaka deŋɛ jigan minnu bata san dɔndɔ sɔtɔ, lanjuru bele minnu la, wo ni anu bɔɔ sarika bintannɛŋɛ la.

Lewi bɔnsɛnu la sariya 9:3 Iomraidhean Croise

Ko fɔlɔfɔlɛ 37:31

Anu ka sikule dɔndɔ bita anu ka a kannatɛgɛ. Anu ka a base madon Yusufu la doroke ma.

Hɔrɔya 12:5

A ni ma wo ye kolofen kayima le la min bata san dɔndɔ bɔɔ, lanjuru yo bele a la. A si nɔ mala saaka kontoŋɛ la, ka wo ma baa sikule.

Lewi bɔnsɛnu la sariya 10:16

Awa, Musa to ka sikule la ko maɲininka, min be bɔɔren junubu kafari sarika la, a naata a mɔɛ aa anu bata a bɛ bintan ta la. Wo butɔ, a dumɛnta Elasari nun Itamari ma, Harona la deŋɛnu minnu ma faga. A ka a fɔ wonu ye a ko:

Lewi bɔnsɛnu la sariya 12:6

A saniyan luŋɛ tini kamali den kayireŋɛ, ka wo ma den musereŋɛ la ko tɔ, a ni saaka san dɔndɔ doni sarika lakelá dula hɔrɔma dingira dondula tɔ, min si naa bɔɔ sarika bintannɛŋɛ la. Sa wo kunma, a ni legetere doni, ka wo ma gabue, min si naa bɔɔ junubu kafari sarika la.

Lewi bɔnsɛnu la sariya 14:10

A tele sagin luŋɛ, a ni saaka deŋɛ kayima fila jigan, anun saaka muse san dɔndɔ, lanjuru yo bele minnu la. A mɛn ni sugu kolo munge boroŋɛ ɲa dɔndɔ bɔɔ, tule be basanden min fɛ. Sa wo kunma, a ni tule litari tɛma tugun bɔɔ.

Lewi bɔnsɛnu la sariya 16:15

Wo kɔma, a ni bɔɔ, a ni naa sikule kannatɛgɛ jama la junubu kafari sarika la. A ni a base doni parawan bakkureŋɛ kɔma la. A ni wo base lasulen lahiri kankira dataguraŋɛ ma, anun duge tɔ wo dataguraŋɛ ɲatɔ, iko a ka tuura base ma ki min na.

Lewi bɔnsɛnu la sariya 16:5

Isirayila jama ni sikulu fila don a bolo junubu kafari sarika la, anun saaka konton dɔndɔ sarika bintannɛŋɛ la.

Lewi bɔnsɛnu la sariya 23:12

Wo be wo kite yitala n na lun min na, wo mɛn ni saaka san dɔndɔ bɔɔ sarika bintannɛŋɛ la lanjuru yo bele min na.

Lewi bɔnsɛnu la sariya 4:23

Ka a nata lɔn sɔtɔ a ma tɛmuɛ min tɔ, a ni sikule bɔɔ sarika la, lanjuru yo bele min na.

Lewi bɔnsɛnu la sariya 4:3

Ka a taranta sarika lakelá banba le tagata n na yamɔre do sɔsɔ, wo mata jama ye junube la, a bɛnta a ni tuura bɔɔ sarika la nde Alatala ye, lanjuru yo bele min na, alako wo ni ma junubu kafare sarika la a ye.

Lewi bɔnsɛnu la sariya 9:2

A ka a fɔ Harona ye, a ko: «I ni taga sarika fila jigan: tuuradeŋɛ anun saaka kontoŋɛ, lanjuru yo bele minnu la. Do be mala i la junubu kafari sarika la, doe be mala sarika bintannɛŋɛ la. I ni taga anu yita Alatala la.

Lewi bɔnsɛnu la sariya 9:4

Wo mɛn ni tuura nun saaka kontoŋɛ bɔɔ kanunteya sarika la Alatala ye. Wo ni sugu kolo tugureŋɛ sarika tugun bɔɔ, tule be basanden min fɛ. Wo ni wo bɛ bɔɔ, bayi Alatala si naa a yɛtɛ labɔɔ le wo ma bi.›»

1 Piyɛri 2:24

Isa yɛtɛ ka wo mɔ la junubenu doni a bali bangue tɔ, a banbanta lɔgɔ bangalandeŋɛ tɔ. Junube be toren nun mɔ ye iko mɔ tige. Isa la faga sabue ka ma, a banta mɔ nun junube tɛma feu, alako wo mɔ ni to teleŋɛ tɔ kɔtɛ. Wo bata kendeya sɔtɔ a la mamabanu sabu la.

1 Piyɛri 3:18

Ala la mɔgɔ masubɛreŋɛ tugun tɔɔrɔta le dɔndɛ la junubenu la ko la. Ale min mu telenbaga la, a ka wo ma telenbalenu le ye. A ka wo ma le alako a ni wo madon Ala la. Anu ka a bale faga, kɔnɔ Ala Hakkile ka a nɛɛ lasaagi a ma.