Lewi bɔnsɛnu la sariya 8:7 - Ala la kitabuenu Mɔgɔfin kuma tɔ

⁷ Kuta saniyandeŋɛnu butɔ, a ka doroki banba kɔtɔnɛŋɛ fɔlɔ lajigi Harona ma, a nata a tɛ kiti bɛlɛte la, a nata jannanke lajigi a ma, a nata sarika lake doroki bolobɔnɛ lajigi wo tugun kunma, ka a tɛ kiti kuta lenpeŋɛ la.

Lewi bɔnsɛnu la sariya 8:7 Iomraidhean Croise

Hɔrɔya 28:2

I ni donfeŋɛ saniyandeŋɛnu kara i kɔtɔ Harona ye, minnu si a la sɔdula nun a la kuntigiya makɛnɛn.

Hɔrɔya 28:4

Donfeŋɛnu le ka anu be minnu karala: jusukun mabutinfeŋɛ, doroki kunmanɛŋɛ bolobɔnɛ, doroki banba bolo wutuma, doroki banba kɔtɔnɛŋɛ a masɔgɔreŋɛ, kuntarɛfeŋɛ anun tɛtakitiraŋɛ. Awa, anu be kɛ donfen saniyandeŋɛnu le karala i kɔtɔ Harona nun a la den kayireŋɛnu ye, alako anu ni ma n na sarika lakelanu la anu ni wali n ɲɛ.

Hɔrɔya 28:6

Anu si doroki kunmanɛŋɛ bolobɔnɛ ɲiɲa le sanu gese la, anun gese bululama, a dubalamanɛŋɛ, anun a wulenma la, nun tasɔgɛ kuta la. A ni ma bolo laɲɛɲilá ɲinma la wale yati la.

Hɔrɔya 29:5

I ni Harona la donfeŋɛnu lajigi a ma: a la doroki banba kɔtɔnɛŋɛ a masɔgɔreŋɛ yo, a la doroki banba bolo wutuma yo, a la doroki kunmanɛŋɛ bolobɔnɛ yo anun a la jusukun mabutinfeŋɛ. I be wo dorokenu bɛ kitila doroki kunmanɛŋɛ la tɛtakitiraŋɛ le la.

1 Samiyɛli 2:28

Nde le ka i benba masubɛ Isirayila bɔnsɛ bɛ ɲaama, a ni ma sarika lakelá la n na hɔrɔma dingira butɔ, a ni kɛnɛ yɛlɛla n na sarika bintandula, a ni sorayi bintan, a be kɛnɛ sarika lakelá banba la guba lajigila a ma a ni naa sɔɔ n ɲakɔtɔ. Ale yo, a bɔnsɛnu yo, bani Isirayila kaanu be sarika bintannɛŋɛ min bɛ bɔɔla ka a kɛrɛkɛrɛ n ɲɛ, anu ni anu tɛŋɛ sɔtɔ wo tɔ.