Lewi bɔnsɛnu la sariya 6:18 - Ala la kitabuenu Mɔgɔfin kuma tɔ

¹⁸ «Kɛ yamɔre don Harona nun a la deŋɛnu bolo: ‹Sariya le ka junubu kafari sarika la ko tɔ. Junubu kafare sarika ni kannatɛgɛ sarika bintannɛŋɛ be kannatɛgɛla ka min na le nde Alatala ɲala, bayi fondo le mu min saniyanden han a tanbita a tɔ.

Lewi bɔnsɛnu la sariya 6:18 Iomraidhean Croise

Hɔrɔya 29:37

Tele wɔrɔwila kɔtɔ, i be wo koe bɛ mala sarika bintandula kunma le, alako a ni to a dana ma: wo tɛmuɛ a bata ma fondo saniyandeŋɛ fisamante la, ka fenfen magata a la, a bata saniyan.

Lewi bɔnsɛnu la sariya 3:17

Wo nun wo bɔnsɛ, mɔgɔ yo kana sube kɛ́ŋɛ dɔmɔ, mɔgɔ yo kana sube base min. Wo sabatita kan do kan, wo bata ma yamɔre la min te tiɲa abada.»

Lewi bɔnsɛnu la sariya 4:24

A ni a bole sa sikule kun tɛma, a ni a kannatɛgɛ nde Alatala ɲa la, sarika bintannɛŋɛnu be kɛnɛ kannatɛgɛla ka min na. Junubu kafare sarika le mu.

Lewi bɔnsɛnu la sariya 4:3

Ka a taranta sarika lakelá banba le tagata n na yamɔre do sɔsɔ, wo mata jama ye junube la, a bɛnta a ni tuura bɔɔ sarika la nde Alatala ye, lanjuru yo bele min na, alako wo ni ma junubu kafare sarika la a ye.

Lewi bɔnsɛnu la sariya 4:33

A ni a bole sa wo junubu kafari sarika kun tɛma, a ni a kannatɛgɛ sarika bintannɛŋɛnu be kɛnɛ kannatɛgɛla ka min na.

Lewi bɔnsɛnu la sariya 6:10

A te bɛn a ni taba lɛbinɛ fɛ, bayi n be min diila anu ma ɲɔgɔnna, wo be fatanden n na sarika bintannɛŋɛnu le la, minnu be saniyanden koola iko junubu kafari sarika nun fan nasaagi sarika.

Lewi bɔnsɛnu la sariya 6:19

Sarika lakelá min be junubu kafari sarika lakela, wolo si nɔ a sube dɔmɔla dula saniyandeŋɛ do tɔ Ala la hɔrɔma dingira tatta butɔ.

Lewi bɔnsɛnu la sariya 7:6

Kaye sarika lakelanu tun de be wo dɔmɔla dula saniyandeŋɛ tɔ, bayi sarika le mu min be saniyanden han a tanbita a tɔ.

1 Piyɛri 1:16

Bayi a be sɛbɛren kitabue tɔ: «Wo ni saniyan, bayi nde be saniyanden.»

1 Piyɛri 2:9

Kɔnɔ Ala bata wole kan ma bɔnsɔ masubɛreŋɛ la, a ka wo ma mansa la sarika lakela jama la. Wo be maren jama saniyandeŋɛ le la, a ka wo ma a tɛŋɛ yati la. A ka wo kele, a ka wo labɔɔ dibe tɔ, wo ni to a la nɔɔra malanná butɔ. A ka wo bɛ ma le alako wo ni a la wali makaabɛreŋɛnu la ko fɔ.