Lewi bɔnsɛnu la sariya 5:2 - Ala la kitabuenu Mɔgɔfin kuma tɔ

² Ka wo ma, ka a tagata taran mɔgɛ magata fondo saniyanbale mɔɔle min yo la lɔnbaliya butɔ, iko subu haramureŋɛ binde, ka wo ma kolofeŋɛ saniyanbale binde ka wo ma nilama mɛsɛn saniyanbale fagareŋɛ, wo mɔgɛ tugun si ma le mɔgɔ saniyanbale la, a ni junube sɔtɔ wo tɔ.

Lewi bɔnsɛnu la sariya 5:2 Iomraidhean Croise

Lewi bɔnsɛnu la sariya 11:11

Iyon, anu mu fondo manɛfireŋɛ le la wo ye, wo kana anu sube dɔmɔ. Anu fagareŋɛ tugun be haramuren de wo ma.

Lewi bɔnsɛnu la sariya 11:8

Wo kana wonu sube dɔmɔ, wo kana maga anu binde la. Anu be haramuren de wo ma.

Lewi bɔnsɛnu la sariya 4:13

Ka a taranta Isirayila jama bɛ le mu min tantanta, anu ka nde Ala la yamɔri do sɔsɔ, kɔnɔ wo koe bele lɔnden tantaŋɛ la, wo mata anu ye junube la.

Lewi bɔnsɛnu la sariya 5:17

Mɔgɛ min be junubu koe mala, a ka nde Alatala la yamɔre do sɔsɔ, hali a ma a lɔn, a bata junube sɔtɔ. Ka a naata lɔn sɔtɔ a ma wagate min tɔ, fɔ a ni wo sɔŋɛ dii.

Lewi bɔnsɛnu la sariya 5:3

Ka wo ma, a taranta mɔgɛ magata fondo saniyanbale la min be fatanden adamadeŋɛ bale la. Hali a ma a lɔn, kɔnɔ ka a naata a lɔn tɛmuɛ min tɔ, wo tɛmuɛ a si ma le saniyanbale la, a ni junube sɔtɔ wo tɔ.

Lewi bɔnsɛnu la sariya 5:4

Ka wo ma, a taranta mɔgɛ ka a kali tun ɲɔgɔnna, kɔnɔ a ma a mira wo koe la, a mata ko ɲinma la ba, a mata ko koroŋɛ la ba, awa ka a naata lɔn sɔtɔ wo koe ma, wo butɔ a si ma le saniyanbale la, a ni junube sɔtɔ wo tɔ.

Lewi bɔnsɛnu la sariya 7:21

Mɔgɛ min tini maga fondo saniyanbale la min be bɔɔren adamadeŋɛ ma, ka wo ma a magata subu saniyanbale la, ka wo ma fondo gbɛtɛ la min bele saniyanden, ka wo tigi tagata kanunteya sarika dɔmɔ min be kɛrɛkɛrɛren nde Alatala ye, wo tigi si bɔɔ le Isirayila jama ɲaama.»

Luki 11:44

Ɲagankata be wo ye, bayi wo be toren iko gaburenu minnu bele manditɛren. Mɔgɛ minnu be tagamanna wonu kunma, anu ma a lɔn gabure le.»