Lewi bɔnsɛnu la sariya 22:13 - Ala la kitabuenu Mɔgɔfin kuma tɔ

¹³ Fɔ sarika lakelá la den musereŋɛ min be mala furuɲa muse la, ka wo ma kaye be min aɲɛren anu ma den sɔtɔ, a ni saagi a baaba bata iko a den museren tɛmuɛ. Wo muse si nɔ le a baaba la dɔmɛ dɔmɔla. Min yo ma ma Isirayila kaa la, a ma bɛn wo siila dɔmɔla.

Lewi bɔnsɛnu la sariya 22:13 Iomraidhean Croise

Ko fɔlɔfɔlɛ 38:11

Awa, Juda ka a fɔ a la deŋɛnu la furuɲa muse Tamari ye, a ko: «Furuɲaya doni i baaba bata han n na den Sela tini koloya tɛmuɛ min tɔ.» A ka a mira le tumado Sela tugun si faga le iko a kɔtɔnu fagata ki min na. Tamari tagata to a baaba bata.

Hɔrɔya 12:43

Alatala ka a fɔ Musa nun Harona ye, a ko: «Malatanga sale Saya Maleka ma, a sariya donu le ka: Luntan yo te kɛ sale kolofeŋɛ sube dɔmɔ.

Hɔrɔya 29:33

Anu dɔrɔn de si kɛ dɔmɛnu dɔmɔ a ni ma anu la junubu kafarifeŋɛ la, anu mɛn ni ma anu sɔfeŋɛ la, anu ni anu kɛrɛkɛrɛ tugun; mɔgɔ gbɛtɛ yo te anu dɔmɔ, bayi fondo saniyandeŋɛ le mu anu la.

Lewi bɔnsɛnu la sariya 10:14

Kanunteya sarika sube siise nun a wote wo ka min lindan Ala ɲala, ka a kɛrɛkɛrɛ a ye, wo mɛn ni wo dɔmɔ dula do tɔ ka min be saniyanden, wonu mu wo tɛŋɛ le la; ile, i la den kayireŋɛnu, anun i la den musereŋɛnu. Ala bata wo yamɔre dii Isirayila kaanu ma anu la kanunteya sarikanu la ko la.

Lewi bɔnsɛnu la sariya 22:10

Ka sarika lakelá ma mɔgɔ yo min na, a ma bɛn a ni sarika saniyandeŋɛ dɔmɔ. Hali sarika lakelá la luntaŋɛ ka wo ma a la walilá, a ma bɛn a ni a dɔmɔ.

Lewi bɔnsɛnu la sariya 22:12

Sarika lakelá la den musereŋɛ min be sigiren kaye ye, wo kaye ma ma sarika lakelá la, wo muse ma bɛn a ni sarika saniyandeŋɛ dɔmɔ.

1 Samiyɛli 21:7

Wo butɔ, sarika lakelá ka wo dɛgɛ saniyandeŋɛnu don a bolo, bayi dɛgɛ yo bele nun ɲɔ, fɔ wo dɛgɛnu minnu be saren nun teebile tɔ hɔrɔma dingira butɔ Alatala tabɛŋɛ tɔ. Wo ka a taran, anu ka anu jigan wagate min tɔ, anu bata dɛgɛ namanu sa ɲɔ anu faliŋɛ la.