Lewi bɔnsɛnu la sariya 19:9 - Ala la kitabuenu Mɔgɔfin kuma tɔ

⁹ Wo tini sɛnɛ tɔ dɔmɛ tɛgɛ wo bata, wo kana a fɛfɛnu tɛgɛ. Tɔnsɛ minnu be boela duge tɔ, wo kana saagi wonu matɔnbɔnna.

Lewi bɔnsɛnu la sariya 19:9 Iomraidhean Croise

Lewi bɔnsɛnu la sariya 19:10

Wo tini rɛsɛn deŋɛ bɔɔ wo la kifeŋɛnu tɔ, wo kana saagi a matɔnbɔnna. Min be boela duge tɔ, wo be wo tugun tola ɲɔ fondobɔnɛnu le ye, anun luntaŋɛnu. Nde le mu Alatala la, wo Marige Ala.

Lewi bɔnsɛnu la sariya 19:8

Ka min tagata wo sube dɔmɔ, wo tigi si a sɔŋɛ sɔtɔ le, bayi a bata nde Alatala la saniyaŋɛ fɛɛya. Wo tigi si bɔɔ Isirayila jama ɲaama.

Lewi bɔnsɛnu la sariya 23:10

«A fɔ Isirayila kaanu ye, wo tini ke duge tɔ n be min diila wo ma, ka wo nata naa sɛnɛ tɛgɛ, wo ni a kiti fɔlɛ doni sarika lakelá dula.

Lewi bɔnsɛnu la sariya 23:22

Wo tini sɛnɛ tɛgɛ wo bata, wo kana a fɛfɛnu tɛgɛ de. Tɔnsɔɛnu minnu be boela duge tɔ, wo ni wonu to ɲɔ fondobɔnɛnu ye, anun luntaŋɛ minnu be wo bata. Nde le mu Alatala la, wo Marige Ala.»

Lewi bɔnsɛnu la sariya 23:29

Kɔnɔ ka mɔgɔ min ma sɔn sunna wo lun, wo tigi si labɔɔ le a la jama ɲaama.

Ruti 2:15

Wo kɔma, Ruti nata wuli ka tataga mamatɔnbɔŋɛ ma. Bɔsu ka a la walilanu yamɔri, a ko: «Hali fondi kitenu tɛma wo ni a to, a ni mamatɔnbɔŋɛ ma, hali wo ma a dɔgɔya.

Ruti 2:2

Lun do, Ruti Mowaba kaa ka a fɔ Nayomi ye, a ko: «N boloka, n ni taga sɛnɛ tɔ, fondi tɛgɛlanu be tɔnsɛ minnu tola, n ni taga anu matɔnbɔn anu kɔma. N si mɔgɔ do sɔtɔ le min si hinnɛ n na.» Nayomi ko: «Awa n mamareŋɛ, taga.»

Ruti 2:8

Wo kɔma, Bɔsu ka a fɔ Ruti ye, a ko: «N na, i tolomasɔ a ɲinma la, fɔ i ni to yan n na walila musenu kɔma, hali i ma taga fonde tɔnsɛnu matɔnbɔn sɛnɛ gbɛtɛ tɔ bitugun.