Lewi bɔnsɛnu la sariya 17:10 - Ala la kitabuenu Mɔgɔfin kuma tɔ

¹⁰ Ka Isirayila kaa do, ka wo ma luntaŋɛ do min be sabatiren Isirayila kaanu tɛma, ka a ka kolofeŋɛ min yo basi min, n si n ɲamatelen wo tigi ma, n ni naa a labɔɔ a la jama ɲaama;

Lewi bɔnsɛnu la sariya 17:10 Iomraidhean Croise

Ko fɔlɔfɔlɛ 9:4

Kɔnɔ wo kana sube nun a base dɔmɔ de! bayi a nɛ be a base le tɔ.

Hɔrɔya 30:33

Min yo ka a mɔɔle ɲiɲa, a mɛn ka a sa mɔgɔ do ma, anu si wo tigi labɔɔ le jama ɲaama.› »

Lewi bɔnsɛnu la sariya 17:11

bayi sube nɛɛ be a base le tɔ. Nde bata base le dii wo ma, a ni ma wo ye kunsara la wo nɛɛ la ko tɔ, base min be bɔɔla sarika la, sarika bintandula kunma. Iyon, base le mu kunsara la.

Lewi bɔnsɛnu la sariya 19:26

Wo kana subu yo dɔmɔ wo ma min base labɔɔ. Wo kana fɛrili ma walenu ma, wo kana dureya ma.

Lewi bɔnsɛnu la sariya 26:17

N si n ɲamatelen wo ma wo jihadi koe la. Wo jaguenu si nɔ sɔtɔ le wo ma, wo kɔnnɛlanu si wo yamɔri le. Wo si to borila hali mɔgɔ bele wo kɔma.

Lewi bɔnsɛnu la sariya 3:17

Wo nun wo bɔnsɛ, mɔgɔ yo kana sube kɛ́ŋɛ dɔmɔ, mɔgɔ yo kana sube base min. Wo sabatita kan do kan, wo bata ma yamɔre la min te tiɲa abada.»

Kiilanu 15:20

fɔ ka sɛbɛre ma, ka a lasanba anu ma, anu ni anu yɛtɛ latanga sarika haramureŋɛnu dɔmɔ koe ma, minnu be bɔɔla kuyenu ye, anun subenu minnu bata jifɛ, anun base, anu mɛn ni anu latanga langbeya ma.

Kiilanu 15:29

wo kana sube dɔmɔ, min be bɔɔren sarika la kuyenu ye, anun subu jifɛreŋɛnu, wo kana base tugun min, wo mɛn kana langbeya ma. Ka wo ka wo yɛtɛ matanga kɛnu ma, wo bata ko ɲinma ma. Ala mu hɛra diila wo ma!»

1 Samiyɛli 14:32

Wo butɔ, anu nata tugu anu jaguenu kɛɛ la. Anu ka saakanu, baanu anun ningenu jigan, sa ningi deŋɛnu kunma, anu ka wonu kannatɛgɛ duge tɔ, jama ka a dɔmɔ a base fɛ.

1 Samiyɛli 14:33

Anu tagata wo koe matanbi Sayulu ma, aa jama be junube mala Alatala la ka sube dɔmɔ a base fɛ. Sayulu to ka wo mɔɛ, a ko: «Janfante le mu wo la! Wo ni kuru belebele do latallɛ n kɛnna yan.»