Lewi bɔnsɛnu la sariya 16:18 - Ala la kitabuenu Mɔgɔfin kuma tɔ

¹⁸ A ni bɔɔ bara tɔ, a ni taga sarika bintandula min be nde Alatala la hɔrɔma tanta dondula ɲatɔ, a ni kunsara bɔɔ wo sarika bintan dula ye. A ni tuura nun sikule base do jigan, a ni a sa binanu ma minnu be sarika bintandula tunku naanɛ ye.

Lewi bɔnsɛnu la sariya 16:18 Iomraidhean Croise

Hɔrɔya 30:10

San yo san kunɲama dɔndɔ, Harona be wo sorayi saniyandeŋɛ bintandula lasaniyanna base la: a ni junubu kafari sarika base do jigan, a ni a madon sorayi saniyandeŋɛ bintandula binanu ma. Wo be wolo mala bɔɔla bɔnsɔ han bɔnsɔ. Wo sorayi saniyandeŋɛ bintandula be mala fondo saniyandeŋɛ fisamante le la nde Alatala ɲala.»

Lewi bɔnsɛnu la sariya 16:16

Dula saniyandeŋɛ fisamante be kunsara sɔtɔla ɲɔgɔnna le, Isirayila kaanu la saniyanbaliya la, anu la ko koroŋɛnu, nun anu la junubenu la ko la. Harona ni naa a ma ɲɔgɔnna hɔrɔma dingira tanta butɔ tɔɛ tugun ye, bayi a be sɔren Isirayila kaanu saniyanbalenu tɛma.

Lewi bɔnsɛnu la sariya 16:17

Fanni Harona be donden hɔrɔma dingira tanta butɔ kunsara ma koe la, mɔgɔ yo kana to hɔrɔma dingira butɔ han a tini bɔɔ wagate min tɔ. A ni ale nun a la denbaya kunsara, anun Isirayila jama bɛ.

Lewi bɔnsɛnu la sariya 4:18

Sarika lakelá ni base do sa binanu ma minnu be sorayi saniyandeŋɛ bintandula tunku naanɛ ma, min be nde Alatala ɲakɔtɔ n na hɔrɔma dingira butɔ ɲɔ. A ni bɔɔ base tɔɛ fɛ, a ni naa wo bɛ bɔn sarika bintandula lanbaŋɛ tɔ, sarika bintannɛŋɛ be kɛnɛ bɔɔla ka min na, Ala la hɔrɔma dingira dondula ɲakɔtɔ.

Lewi bɔnsɛnu la sariya 4:25

Sarika lakelá ni a bolo soliŋɛ lajigi wo base tɔ min be bɔɔren junube la ko la, a ni do sa binanu ma minnu be sarika bintandula tunku naanɛ ye, sarika be bintanna min kunma. Base min be toren, a ni naa wo bɛ bɔn sarika bintandula lanbaŋɛ tɔ, sarika bintannɛŋɛ be kɛnɛ bɔɔla ka min na.

Lewi bɔnsɛnu la sariya 4:7

Sarika lakelá ni base do sa binanu ma minnu be sorayi saniyandeŋɛ bintandula tunku naanɛ ma, min be ɲɔ nde Alatala ɲakɔtɔ. A ni bɔɔ base tɔɛ fɛ, a ni naa wo bɛ bɔn sarika bintandula lanbaŋɛ tɔ, sarika bintannɛŋɛ be kɛnɛ bɔɔla ka min na, hɔrɔma dingira dondula ɲakɔtɔ.

Yaya 17:19

N be n yɛtɛ sala i sagoe tɔ anu la ko la, alako ande tugun ni to i sagoe tɔ i la tɔɲa sabu la.