Lewi bɔnsɛnu la sariya 14:12 - Ala la kitabuenu Mɔgɔfin kuma tɔ

¹² Wo saaka den fila tɛma, sarika lakelá ni dɔndɔ jigan, a ni a bɔɔ fan nasaagi sarika la, anun wo litari tɛma tule. A ni wonu lindan nde Alatala ɲala ka a kɛrɛkɛrɛ n ɲɛ.

Lewi bɔnsɛnu la sariya 14:12 Iomraidhean Croise

Hɔrɔya 29:22

Wo saaka kontoŋɛ mu sarika le la min si sɔdula dii mɔgɛ ma sarika lake wale la. Wolo mu, i ni a kɛ́ŋɛ jigan: a fɔɲɛ, anun kɛ́ŋɛ min be a bu butɔ feŋɛnu ma, laare min be a juse mabutinden, kɔkelenu anun kɛ́ŋɛ min be anu mabutinden, anun a bolo ɲinma wote.

Hɔrɔya 29:24

I si wo dɛgɛnu nun wo sube bɛ sa le Harona nun a la deŋɛnu bole tɔ, anu ni wonu bɔɔ sarika la, anu ni anu dantɛgɛ nde Alatala ye.

Hɔrɔya 29:26

I mɛn ni saaka kontoŋɛ jusukuŋɛ tugun jigan min be maren Harona sɔfeŋɛ la, i ni a dantɛgɛ nde Alatala ye, wo kɔma a si ma ile Musa tɛŋɛ la, i ni a dɔmɔ.

Lewi bɔnsɛnu la sariya 14:10

A tele sagin luŋɛ, a ni saaka deŋɛ kayima fila jigan, anun saaka muse san dɔndɔ, lanjuru yo bele minnu la. A mɛn ni sugu kolo munge boroŋɛ ɲa dɔndɔ bɔɔ, tule be basanden min fɛ. Sa wo kunma, a ni tule litari tɛma tugun bɔɔ.

Lewi bɔnsɛnu la sariya 14:11

Sarika lakelá ni bandibaga nun a la sarika sɔ nde Alatala ɲakɔtɔ hɔrɔma dingira dondula tɔ.

Lewi bɔnsɛnu la sariya 14:19

Wo kɔma, sarika lakelá ni naa junubu kafari sarika bɔɔ, a ni bandibaga kunsara a la saniyanbaliya la. Wo tanbi kɔma, a ni wo sarika bintannɛŋɛ kannatɛgɛ.

Lewi bɔnsɛnu la sariya 5:15

«Misali la, mɔgɔ do ka fondo jigan min be kɛrɛkɛrɛren nde Alatala ye, kɔnɔ a ma a lɔn a be wo junube mɔɔle maren. Awa ka a tagata lɔn sɔtɔ wo koe ma wagate min tɔ, a ni taga saaka kontoŋɛ bɔɔ fan nasaagi sarika la nde Alatala ye a la junube la ko la. A ma bɛn lanjuru yo ni to wo saaka kontoŋɛ la. A sɔŋɛ saɲa le ka: nɛgɛ min be ladonden a la ko tɔ, wo kaalisi kole la biliya nun kaalise kole nɛŋɛ min be lawalila hɔrɔma dingira tɔ, fɔ anu ni kan.