Lewi bɔnsɛnu la sariya 10:17 - Ala la kitabuenu Mɔgɔfin kuma tɔ

¹⁷ «Fen de wo ma kɛ junubu kafari sarika tɔɛ dɔmɔ dula saniyandeŋɛ do tɔ? Wo sarika be saniyanden han a tanbita a tɔ. Alatala be a diiren wole le ma, alako Isirayila jama junube ni kafari, a ni ma kunsara la anu ye Alatala ɲala.

Lewi bɔnsɛnu la sariya 10:17 Iomraidhean Croise

Hɔrɔya 28:38

Awa, a be tola Harona tindɛ kunma le. Wo tɛmuɛ, a si nɔ le junube kote jiganna bani Isirayila kaanu be min mala anu la sarika diidula nde Alatala ma. Wo wala lanma si to le a tindɛ ma tɛmuɛ bɛ, alako nde Alatala ni anu la sarika bɔɔreŋɛnu jigan.

Hɔrɔya 28:43

Harona nun a la den kayireŋɛnu si wonu don de kɔtɔ, anu tini be donna n dula bɛndula boŋɛ butɔ, ka wo ma anu tini be anu madonna sarika bintandula la, hɔrɔma dingira tɔ. Wo butɔ, anu te junube kote sigi anu kunma, anu kana naala fagala. Sariya banbale le wo la Harona nun a bɔnsɛ bɛ ye, hali ale tanbi kɔma.»

Lewi bɔnsɛnu la sariya 16:22

Wo sikule be junube bɛ donila a kunma janfue tɔ, a bolokata ka min na.

Lewi bɔnsɛnu la sariya 21:22

A si nɔ nde a Marige Ala la dɔmɔ saniyandeŋɛ mɔɔle bɛ dɔmɔla minnu be sɔtɔla wo sarikanu bɔɔ koe tɔ,

Lewi bɔnsɛnu la sariya 22:16

alako anu kana junube sɔtɔ wo sarikanu la ko la anu ka minnu dɔmɔ. Nde le mu Alatala la, min be anu kɛrɛkɛrɛla.»

Yaya 1:29

Wo tabantaka, Yaya ka Isa yen nala a ma, a ka a fɔ mɔgɛnu ye: «Wo a fɛlɛ, Ala la saaka kontoŋɛ le ka! min be dunuya junube jiganna a ni taga a fɛ.

1 Piyɛri 2:24

Isa yɛtɛ ka wo mɔ la junubenu doni a bali bangue tɔ, a banbanta lɔgɔ bangalandeŋɛ tɔ. Junube be toren nun mɔ ye iko mɔ tige. Isa la faga sabue ka ma, a banta mɔ nun junube tɛma feu, alako wo mɔ ni to teleŋɛ tɔ kɔtɛ. Wo bata kendeya sɔtɔ a la mamabanu sabu la.