Lewi bɔnsɛnu la sariya 1:17 - Ala la kitabuenu Mɔgɔfin kuma tɔ

¹⁷ Wo kɔma, a ni konden tɔɛ fara, hali a ma a gabataŋɛnu lafatan ɲɔgɔn na, a ni a bintan ta la, a ni ma sarika bintannɛŋɛ la min kuɲɛ di nde Alatala ye.»

Lewi bɔnsɛnu la sariya 1:17 Iomraidhean Croise

Ko fɔlɔfɔlɛ 15:10

Iburama ka wo subenu bɛ nati, a ka anu ma subu dɔndɔ yo subu dɔndɔ a ka a fara tɛma a ni ma fɛrɛn fila, a ka wo fɛrɛŋɛnu sigi ɲɔgɔn ɲakɔtɔ. A ka kondeŋɛnu tugun faga, kɔnɔ a ma wonu fara.

Ko fɔlɔfɔlɛ 8:21

Wo sarika kuɲɛ diyata Alatala ye. A ka a hanige, a ko: «N te duge barikɛ bɔɔ bitugun adamadeŋɛ la ko la. Tɔɲa le, n ka a lɔn ka bɔɔ anu denden tɛmuɛ, anu la mira be tabɛnden ko koron ma le ma. Kɔnɔ n te sɔn nilamanu bɛ halagila bitugun iko n bɔɔren a mala ki min na.

Lewi bɔnsɛnu la sariya 1:13

Kɔnɔ a tetekenu nun a kɛŋɛnu kan, sarika lakelá ni wonu lako je la. Jɔnɔn a ni wo bɛ madɛn sarika bintandula kunma, a ni a bintan. Wonu bɛ mu sarika bintannɛŋɛ le la min kuɲɛ di nde Alatala ye.

Lewi bɔnsɛnu la sariya 2:2

A ni a don Harona la deŋɛnu sarika lakelanu bolo. Sarika lakelá do ni sugu kolo munge bolo ɲa dɔndɔ kɔɔ, tule be saren min kunma, a nun sorayi, a ni wo bɛ sa ta tɔ, a ni bintan nde Alatala ye. Wo bolo ɲa dɔndɔ kɔɔreŋɛ ni ma tɔnkuma la wo sarika bɛ la ko tɔ. Sarika le mu min kuɲɛ di nde Alatala ye.

Lewi bɔnsɛnu la sariya 3:5

Harona la deŋɛnu ni wo bɛ bintan sarika bintandula kunma, ka a sa sarika bintannɛŋɛ kunma, min tugun be kɛnɛ bintanna ɲɔ. Ta ni wo bɛ bintan. A bata ma sarika bintandeŋɛ la, min kuɲɛ di nde Alatala ye.

Lewi bɔnsɛnu la sariya 5:8

A ni anu doni sarika lakelá dula, sarika lakelá ni junubu kafari sarika fɔlɔ bɔɔ. A ni a kaŋɛ kannatɛgɛ, kɔnɔ hali a ma a kuŋɛ kuntu.

Lewi bɔnsɛnu la sariya 6:14

Kɛ sugu kolo munge ni basan tule fɛ a ɲinma la, a ni yilan daga tɔ. Ka i ka a ɲiɲa dɛgɛ la, i ni taga a dantɛgɛ nde Alatala ye, a kuntenu ni sa ta tɔ, a ni ma kuɲɛ diyama la n ɲɛ.

Lewi bɔnsɛnu la sariya 8:21

A ka saaka tetekenu nun a kɛŋɛnu lako, a naata na saaka kontoŋɛ wunde bɛ bintan ta la sarika bintandula kunma sarika bintannɛŋɛ la, min kuɲɛ di Alatala ye. A ka wo bɛ ma le iko Alatala ka a yamɔri ki min na nun.

Lewi bɔnsɛnu la sariya 9:13

Anu ka sarika sube kuntenu nun a kuŋɛ don a bolo, a ka wo bɛ bintan sarika bintandula kunma.

Yaya 19:30

A to ka a min, a ko: «Koe bɛ bata ban kamalila.» A ka a kunsin, a ka a nɛ lasaagi Ala ma.

1 Piyɛri 3:18

Ala la mɔgɔ masubɛreŋɛ tugun tɔɔrɔta le dɔndɛ la junubenu la ko la. Ale min mu telenbaga la, a ka wo ma telenbalenu le ye. A ka wo ma le alako a ni wo madon Ala la. Anu ka a bale faga, kɔnɔ Ala Hakkile ka a nɛɛ lasaagi a ma.