Kiilanu 13:3 - Ala la kitabuenu Mɔgɔfin kuma tɔ

³ Wo butɔ, anu to ka súŋɛ́ nun Ala mataraŋɛ ma, anu ka anu bole sa Baranabasi nun Sɔlu kuŋɛ ma, wo kɔma anu ka anu boloka, anu tagata.

Kiilanu 13:3 Iomraidhean Croise

Luki 2:37

A la kaye la faga kɔma, a ka a la furuɲaya wali, a tota a fan tabitaren a ma sigi kaye yo ye bitugun han a la simaya ka san bisagin nun naani sɔtɔ. A bele fatanna Ala batu bon banba la, a be Ala batula sue nun tele, súŋɛ́ nun mamataraŋɛ la.

Kiilanu 1:24

Anu ka mamataraŋɛ ma, anu ko: «Marige, ile min ka mɔgɛ bɛ sondoŋɛ butɔ koe lɔn, a yita mɔ la i be min masubɛren kɛ mɔgɔ fila tɔ,

Kiilanu 13:2

Lun do, anu be Marige batula wagate min tɔ, anu be sunna, Ala Hakkili saniyandeŋɛ ka a yita, a ko: «N ka Baranabasi nun Sɔlu kele kiilaya wale min na ko la nun, kɔtɛ wo anu sɔ nde ye wo wale ma koe la.»

Kiilanu 13:4

Awa, Baranabasi nun Sɔlu be Hakkili saniyandeŋɛ la kiilaya tɔ. Anu tagata Silusi bakkidala, anu jigita kulun banba butɔ ɲɔ tagala Sipiri sure tɔ.

Kiilanu 14:23

Dɛnkɛnɛyabaga kurun yo kurun, anu ka kuntigenu sɔ anu ye. Wo kɔma, anu ka súŋɛ́ nun Ala mataraŋɛ ma, anu mɛn ka wo kuntigenu taaku Marige la, anu dɛnkɛnɛyata min ma.

Kiilanu 14:26

Anu bakkita kulun banba tɔ ɲɔ, anu saagita Antiyoki, anu ka anu taaku Ala la hinnɛnteya la ka min na nun kiilaya wale ma koe la, anu be bɔɔren min mala.

Kiilanu 15:40

Pɔlu tugun ka Silasi masubɛ; nɛɛnɛdɔndɛnu to ka Pɔlu taaku Marige la hinnɛnteya la, anu tagata,

Kiilanu 6:6

Anu ka wonu dantɛgɛ kiilanu ye. Wonu ka Ala mataran anu ye, anu ka anu bole sa anu kuŋɛ ma.

Kiilanu 9:17

Awa, Ananiyasi tagata, a donta wo boŋɛ tɔ, a ka a bolenu sa Sɔlu ma, a ko: «N nɛɛnɛdɔndɛ Sɔlu, Marige Isa min bɔɔta i ma kɛnɛ tɔ, i be nala wagate min tɔ kila kunma, wolo be n kiiren i ma, alako i ɲa ni laka, i mɛn ni Hakkili saniyandeŋɛ sɔtɔ.»