Ala mu bɔnsɛnu bɛ tola i la nɔɛ kɔtɔ. Ala mu a mala see bɛ ni a majigi i ye, i ni ma i baaba dɔndɛnu kuŋɛ la, anu ni anu majigi i ye. Mɔgɔ yo ka i danka, dankare ni saagi a ma, mɔgɔ yo dubata i ye wo tigi tugun ni duba sɔtɔ.»
A mɛn ka bue jigan, a ka den kayireŋɛ sɔtɔ. A ka a fɔ, a ko: «Kɔtɛ kan n si Alatala tantu le.» A ka wo deŋɛ tɔgɔ sa Juda. A ka den sɔtɔ koe dan betunna.
Wo wagate Yusufu le mu jamanɛ kunma fɔlá la. Ale le be dɔmɛ sanna jamanɛ mɔgɛ bɛ ma. Yusufu kɔtɔnu nata anu majigi a ye, anu kimisirinta a ye han anu ka anu tindɛ sɔ duge tɔ.
Juda la den kayireŋɛnu le ka: Eri, Onan, Sela, Perɛsi, Sera. Kɔnɔ Eri nun Onan fagata Kanana duge tɔ le. Perɛsi la den kayireŋɛnu mata Heturɔn nun Hamuli le la.