Ko fɔlɔfɔlɛ 39:3 - Ala la kitabuenu Mɔgɔfin kuma tɔ

³ A marige ka a lɔn Alatala be Yusufu dɛmanna, bayi a be koe min bɛ mala, Alatala bata a bɛ sɔnɔya a ye.

Ko fɔlɔfɔlɛ 39:3 Iomraidhean Croise

Ko fɔlɔfɔlɛ 21:20

Ala be a hakkile tola deŋɛ ma: a be koloyala. A sabatita janfue butɔ a mata kala filila bolo telendeŋɛ la.

Ko fɔlɔfɔlɛ 21:22

Wo wagate ma, Abimelɛki ka a la sɔɔri kuntige Pikoli jigan, anu tagata kuma Iburahima ye, a ko: «Ala be i fɛ i la koe bɛ la.

Ko fɔlɔfɔlɛ 21:23

Wo butɔ, n be diren i ni i kali Ala la yan bi, ka a fɔla i te nde nun n na deŋɛnu anun n mamareŋɛnu janfa. Mɔ bata ko ɲinma min ma i ye, ile tugun ni wo ko ɲinma ɲɔgɔn ma mɔ ye. I be luntanya tɔ mɔ la jamanɛ min tɔ kɛ la, i si wo ɲinmaya ɲɔgɔn ma kɛ jamanɛ mɔgɛnu bɛ tugun ye.»

Ko fɔlɔfɔlɛ 26:24

Alatala ka a yɛtɛ labɔɔ a ma wo sue tɔ, a ka a fɔ a ye, a ko: «Nde le mu i baaba Iburahima la Ala la; N be i fɛ, wo butɔ, i kana kilan. N si barikɛ sa i la ko tɔ n ni i bɔnsɛ lasiya, n na jondeŋɛ Iburahima la ko la.»

Ko fɔlɔfɔlɛ 26:28

Anu ka a jaabi, anu ko: «Mɔ bata a yen Alatala be i fɛ. Wolo ka a ma mɔ ka a fɔ mɔ ni na i bata mɔ ni mɔ lakali ɲɔgɔn ye. Mɔ be naren wolo la. Kɔtɛ, wo mɔ lahire kiti ɲɔgɔn tɛma.

Ko fɔlɔfɔlɛ 30:27

Laban ka a jaabi, a ko: «I ni sabari, i ni to yan. N bata a lɔn fɛrile malanu la kuma tɔ, Alatala be barikɛ saren n ma ile le la ko sabu la.

Ko fɔlɔfɔlɛ 30:30

Yannun n ni na, donden de be i bolo nun. Kɔtɛ kolofeŋɛ siyama bata to i bolo. Bɔɔla n donta i bata, Alatala ka barikɛ sa i la ko tɔ. I te a to kɔtɛ ba n ni wale do tugun ma n na denbaya ye?»

Ko fɔlɔfɔlɛ 39:2

Alatala be Yusufu dɛmanna. A be koe min bɛ mala, a bɛ be sɔnɔyaren a bolo. A be sabatiren a marige Misira kaa bata.

Ko fɔlɔfɔlɛ 39:21

Kɔnɔ Alatala be Yusufu dɛmanna le ɲɔ tugun. A hinnɛta a la, Yusufu la ko diyata geele mansa ye.

Ko fɔlɔfɔlɛ 39:23

Geele mansa bele Yusufu la walenu fɛlɛla a be minnu taakuren a la, bayi Alatala be a dɛmanna. Alatala bata koe bɛ sɔnɔya a ye a be min mala.

1 Samiyɛli 18:14

A la koe bɛ be sɔnɔyaren de, bayi Alatala be a fɛ.

1 Samiyɛli 18:28

Sayulu ka a fɛlɛ, a bata a lɔn Alatala be Dauda fɛ, a la den musereŋɛ Mikali tugun be Dauda kanuren.

1 Samiyɛli 3:19

Samiyɛli tota koloyala, Alatala tugun be a fɛ nun. A ka kuma min bɛ fɔ Samiyɛli ye, wo hali dɔndɔ bele a ma min nakamali.