Ko fɔlɔfɔlɛ 32:11 - Ala la kitabuenu Mɔgɔfin kuma tɔ

¹¹ Yaguba mɛn ka a fɔ Ala ye, a ko: «Nde dɔgɔ kɛ koe sɔtɔ koe la, i ka ko ɲinma min nagiri n ɲɛ. I bata i la lahire lakamali nde i la jondeŋɛ ye. N be tɛgɛla tɛmuɛ min tɔ nun Yurudɛn, n na tungare dɔrɔn de be bitaren n bolo nun. Kɔnɔ kɔtɛ, mɔ nun jama fila le be saagila.

Ko fɔlɔfɔlɛ 32:11 Iomraidhean Croise

Ko fɔlɔfɔlɛ 24:27

a ko: «Alatala, tantue be i ye. N tige Iburahima la Ala, i ma kori hinnɛla n tige Iburahima la. I ma lahire fulen n tige Iburahima ye lannanteya butɔ, bayi n na tagamaŋɛ butɔ, ile Alatala ka n kun sɔ kan do le la, ka min mu n tige Iburahima dɔgɛ bata la.»

Ko fɔlɔfɔlɛ 27:41

Esayu ka Yaguba bɛsɛnkɔnnɛya a baaba la duba la ko la, a baaba ka min ma a ye. Esayu ka a mira a juse tɔ, a ko: «N baaba la faga bata sutuya. A tini faga n si n dɔgɛ Yaguba faga le.»

Ko fɔlɔfɔlɛ 27:42

Esayu la mira tagata min ma, wo fɔta Rebeka ye. Wo butɔ, a ka a la den kayireŋɛ Yaguba kele, a ka a fɔ a ye: «I ɲa sɔ. I kɔtɔ kayima ko a ni i faga, a ni a la mɔnɛ bɔɔ i tɔ.

Ko fɔlɔfɔlɛ 32:3

Yaguba to ka malekanu yen, a ka a fɔ, a ko: «Kɛ malekanu mu Ala la tatta le la yan.» A ka wo dula ɲɔ tɔgɔ sa Mahanayimu, wo be a fɔren de «Jama fila».

Ko fɔlɔfɔlɛ 32:7

Kiilanu saagita, anu ka a fɔ Yaguba ye, anu ko: «Mɔ bata taga han mɔ keta i kɔtɔ Esayu ma, ale tugun be nala i labɛndula, anun kayi mɔgɔ kɛmɛ naani.»

Ko fɔlɔfɔlɛ 33:4

Esayu borita a tagata Yaguba labɛn, a milinta a ma, a giripɛta a kaŋɛ ma a ka a masunbu. Anu fila bɛ dita.

1 Samiyɛli 12:10

Anu mɛn ka anu kulɛ labɔɔ Alatala ma, anu ko a ma: ‹Mɔ bata junube ma, bayi mɔ bata Alatala boloka, mɔ ka Baali kuye nun Asitoroti kuye batu. Yandi, i ni mɔ bɔɔ mɔ jaguenu bolo kɔtɛ, mɔ si i batu le.›

1 Samiyɛli 24:15

Isirayila la mansa, i be bɔɔren ɲɔmɔ le digii ma? I be ɲɔmɔ le jokkiren i ni a ɲagankata? N bele maren fenfen na, fɔ min be toren iko wulu fagareŋɛ, ka wo ma koote.