Ko fɔlɔfɔlɛ 16:2 - Ala la kitabuenu Mɔgɔfin kuma tɔ

² Lun do, Sarayi ka a fɔ Iburama ye, a ko: «Iburama, i ka a yen, Alatala ma n kɔ deŋɛ la. Kɔtɛ i ni taga ki n na jon den musereŋɛ fɛ, alako ale la ko sabu si a ma a ni deŋɛ sɔtɔ n ɲɛ.» Iburama ma Sarayi kulɛ sɔsɔ.

Ko fɔlɔfɔlɛ 16:2 Iomraidhean Croise

Ko fɔlɔfɔlɛ 11:30

Sarayi mu den sɔtɔ bale le la nun: den bele a bolo nun.

Ko fɔlɔfɔlɛ 17:16

N si barikɛ sa ale la ko tɔ. A si naa den kayireŋɛ sɔtɔ i ye. N si barikɛ sa a la ko tɔ, a ni ma bɔnsɔ siyama benba la. Jama siyama la mansa banbanu si bɔɔ a bɔnsɛ tɔ.»

Ko fɔlɔfɔlɛ 18:10

Dɔndɔ ko anu tɔ: «Sikkɛ bele a tɔ, n si naa bɔɔ i ma yaari kɛ tɛmuɛ. Wo si a taran i la musu Sara bata den kayireŋɛ sɔtɔ.» Sara be sigiren tanta dondula tɔ, min be wo luntan kaye kɔma, a be a tolomasɔren a la.

Ko fɔlɔfɔlɛ 19:31

Lun do, Luti la den museren kinama ka a fɔ a dɔgɛ ye, a ko: «Mɔ baaba bata kɔtɔya. Kayi tugun bele yan, min si mɔ futu iko a be mala dunuya bɛ tɔ ki min na.

Ko fɔlɔfɔlɛ 20:18

Bayi Alatala dun ka den sɔtɔbaliya bande le sa musenu bɛ ma minnu be Abimelɛki bata, Iburahima la musu Sara la ko la.

Ko fɔlɔfɔlɛ 25:21

Isiyaka la muse Rebeka mu den sɔtɔ bale le la. Wo butɔ, Isiyaka tota Alatala mataranna a la muse ye. Alatala ka a la wo mamataraŋɛ jigan a ye, a la muse Rebeka ka bue jigan.

Ko fɔlɔfɔlɛ 3:12

Adama ko: «I ka muse min dii n ma, wolo ka wo lɔgɔ wole dii n ma, n ka a dɔmɔ.»

Ko fɔlɔfɔlɛ 3:17

Ala ka a fɔ Adama tugun ye, a ko: «I to bata i la muse kulɛ bita han i ka lɔgɔ wole dɔmɔ, n ka tɔŋɛ sigi min na n ko i kana a dɔmɔ, wo butɔ, duge si ladanka le ile la ko la.

Ko fɔlɔfɔlɛ 30:22

Ala hinnɛta Rakeli la: a ka a la mamataraŋɛ yen, a ka a jigan, a ka a ma den sɔtɔlá la.

Ko fɔlɔfɔlɛ 30:6

Rakeli ka a fɔ, a ko: «Ala bata n na kiite sa, a ka n kulɛ tugun mɔɛ, a ka n kɔ den kayireŋɛ la.» Wolo mu a ka wo deŋɛ tɔgɔ sa Dan.

Hɔrɔya 21:4

Ka a tige le ka muse ɲini a ye, wo ka den kayireŋɛnu sɔtɔ a ye, ka wo ma den musereŋɛnu, wo muse nun a la deŋɛnu be mala a tige tɛŋɛ le la, ale dɔrɔn de be hɔrɔyala.

Ruti 4:11

Jama bɛ nun kuntigenu minnu be kɛ mamadɛndula tɔ, anu ka a fɔ, anu ko: «Mɔ bata ma seede la! Kɛ muse min be donna i bata, mɔ bata Alatala matáran a ye, a ni a to iko annabi Yaguba la musu fila, Rakeli nun Leya, minnu bata deŋɛnu sɔtɔ, anu mata bani Isirayila jama la. Alatala ni sɛnbɛ dii i ma Efarata gabila tɔ. A ni tɔgɔ banba dii i ma Betilɛmu saa butɔ.