Filipi 4:8 - Ala la kitabuenu Mɔgɔfin kuma tɔ

⁸ N nɛɛnɛdɔndɛnu, n na kuma tɔɛ le ka. Wo ni wo hakkile to kɛ koenu ma: koe min yo mu tɔɲa la, min yo mu sɔɔbɛ la, min yo be telenden, koe min yo saniyanta, min yo diyata Ala ye, min yo kaɲin, biliya nun mamatɔgɛ be sɔtɔla min bɛ ma koe tɔ. Wo ni wo hakkile sigi wo koenu le bɛ ma.

Filipi 4:8 Iomraidhean Croise

Ko fɔlɔfɔlɛ 18:19

N bata Iburahima masubɛ alako ka a si a la deŋɛnu karan anun a bɔnsɛnu bɛ, ka anu si Alatala la yamɔre makanta anu ni tagaman teleŋɛ butɔ. Ka wo bata ma, n si n na lahire lakamali le n ka min jigan a ye.»

Luki 16:15

A ka a fɔ anu ye, a ko: «Wo be wo yɛtɛ maren mɔgɛnu ɲala telenbaganu la, kɔnɔ min be wo sondoŋɛ tɔ, Ala ka wo bɛ lɔn. Wo ni a lɔn, min tɔnɛ kolo mɔgɛ ye, wo mu tana le la Ala ye.

Luki 2:25

Wo ka a taran, kaye do be nun Darisalamu min tɔgɔ Simeyɔn. Wo kaye telenta, a mu Ala ɲala kilanna le la. A be bani Isirayila mɔgɛnu la jusu makimala kɔnɔnden. Ala Hakkili saniyandeŋɛ be a fɛ.

Luki 23:50

Mɔgɔ do le be ɲɔ nun, a tɔgɔ Yusufu. Mɔgɔ telendeŋɛ le mu a la, a kaɲin. A be bɔɔren Arimati saa min be Yahudenu la duge tɔ. A be kuntigenu la mamadɛŋɛ ɲaama, kɔnɔ a bele basanden anu la koenu nun anu la natanu fɛ, a be a yili sɔren Ala la mansabaya le ma.

Yaya 7:18

Min be kumala a yɛtɛ la mira la, wo tigi be a yɛtɛ tɛn biliya le ɲinila. Kɔnɔ min be a kiilá tɛn biliya ɲinila, tɔɲa tige le wo la. Telenbaliya yo bele a la ko tɔ.

Kiilanu 10:22

Anu ko: «Kɔrɔnɛyi sɔɔri kɛmɛ la kuŋɛ le be mɔ kiiren. A mu kayi telendeŋɛ le la, a be kilanden Ala la, Yahude jama bɛ mɛn be a tɔgɔ ɲinma fɔla. Awa, maleka saniyandeŋɛ bata wahau lake wolo ma, aa a ni mɔgɛnu kii i kɔma, i ni taga a bata, alako a ni i la kumanu mɔɛ.»

Kiilanu 22:12

Kaye do be wo saa tɔ, a tɔgɔ Ananiyasi, Ala ɲalakilanna le mu a la, a mɛn be Musa la sariya bitaren. Tɔgɔ ɲinma be a la Yahudenu bɛ bolo minnu be Damasi saa tɔ.

Kiilanu 6:3

Wolo mu, mɔ nɛɛnɛdɔndɛnu, wo ni kaye magankutu ɲinma wɔrɔwila masubɛ wo tɛma, hakkilima mu minnu la, Hakkili saniyandeŋɛ barikɛ be minnu tɔ. Mɔ ni wonu sɔ fatari dula.

Filipi 3:1

Awa kɔtɛ, n nɛɛnɛdɔndɛnu, wo ni sɛɛwa wo Marige Isa la. Wo ka kuma min mɔɛ n na nun, n mɛn be saagila wondelen sɛbɛla. N te kori wo la. A munanfaŋɛ be wole tugun ye.

1 Tesaloniki 4:12

Wo butɔ, wo ni to tagamanna teleŋɛ la dɛnkɛnɛyabalenu tɛma, bɛ ni nɔ tola a yɛtɛ tɛn niiniŋɛ kɔtɔ.

Yaguba 1:27

Diina beeyareŋɛ, kɔnɔ yo bele min na Ala ɲakɔtɔ, ale le mu ka: wo mɔ ni mɛnni aliyatimɛnu nun furuɲa musenu ma anu be anu la tɔɔrɛ min tɔ, wo mɔ mɛn ni mɔ yɛtɛ tabita, dunuya koe kana kɔnɔ to wo mɔ la.

Yaguba 3:17

Kɔnɔ fahamuɛ min be bɔɔren saŋɛ tɔ, wo saniyanta. A be mɔgɛ min bolo, wo tigi be bɛnɲɔgɔya anun diɲa le ɲinila, a la ko ma bɛlɛ. A juse be faren kinikinɛ nun wali ɲinma tun de la. A te mɔgɛ lafisaya mɔgɛ ko, filankafuya te to a bolo.

1 Piyɛri 1:22

Wo bata tɔɲa jokki, wo bata saniyan, alako kanunteya beeyareŋɛ ni to wo juse tɔ wo nɛɛnɛdɔndɔ diinalanu la ko la. Awa, wo ni ɲɔgɔn kanu le yati wo juse bɛ la.

1 Piyɛri 2:12

Wo la tagamanɲa ni bɛn a ɲinma la dunuya mɔgɛnu tɛma. Wo butɔ, hali anu ka wo tɔɲɛgɛ le wali koroŋɛ ma koe la, anu ni wo la wali ɲinma le tun yen, anu le tugun si naa Ala biliya le dantɛgɛ sa luŋɛ.

1 Piyɛri 4:8

Wo bɛ butɔ, wo ni ɲɔgɔn kanu wo juse bɛ la, bayi kanunteya si ma diɲa sabue la tiɲare siyama ma.

Ruti 3:11

N na, i kana hanmɛ kɔtɛ. I be min bɛ maɲininkaren, n si a bɛ ma i ye, bayi jama bɛ ka a lɔn musu ɲinma le mu i la.