Filipi 2:30 - Ala la kitabuenu Mɔgɔfin kuma tɔ

³⁰ bayi a ka a nɛɛ dii Ala la mɔgɔ masubɛreŋɛ la wale lakamali koe la, hali a mata a ye faga la. A bata n dɛman wole yɛtɛ te nɔ n dɛmanna koe minnu la.

Filipi 2:30 Iomraidhean Croise

Kiilanu 20:24

Kɔnɔ n nɛ sɔdula yo bele n ɲɛ, fɔ n ni n na kiilaya wale lakamali Marige Isa be min taakuren n na, min be tabɛnden kibaru ɲinma lake koe ma, Ala la nɛɛma la ko tɔ.

Filipi 2:17

Tumado n ɲan si naa faga le. Kɔnɔ hali wolo mu, n na faga si naa ma sarika la, min be sala wo tɛn sarika kunma, wo be min bɔɔla ka dɛnkɛnɛya. Wolo be n nasɛɛwala. Iyon, n be sɛɛwaren wo bɛ fɛ.

Filipi 2:27

A dun tɔɲa le: a bandita le a koroŋɛ la han a dita fagala. Kɔnɔ Ala kinikinita a ma. Ale dɔrɔn tun ma, a kinikinita nde tugun ma, alako suunɛ nun n na tɔɔrɛ kana sa ɲɔgɔn kunma.

Filipi 4:10

N bata sɛɛwa Marige la koola, bayi a tɔɛ la wo mɛn bata fɛrɛ sɔtɔ a yita koe la, wo hakkile be n ma. Tɔɲa le, fɔlɔ nun wo bata di n dɛmanna, kɔnɔ Ala ma a lagiri.

Filipi 4:18

Awa, nde hajue be min ma, n bata wo bɛ sɔtɔ. Wo be min nasanbaren n ma Epaforodite sabu la, a bata n wasa han a tanbita a tɔ. A bata ma sarika la Ala ye, a kuɲɛ di a ye, a ka a hɛnɛ.