Filipi 2:15 - Ala la kitabuenu Mɔgɔfin kuma tɔ

¹⁵ alako saniyaŋɛ ni to wo ye, kɔnɔ yo kana to wo ma. Wo butɔ, wo ni ma Ala la den ɲinmanu la, kɛ dunuya mɔgɔ koroŋɛ telenbalenu ɲaama. Wo mɛn ni malan iko loolenu be malanna ki min na dibe tɔ,

Filipi 2:15 Iomraidhean Croise

Hɔrɔya 34:35

Bani Isirayila kaanu tini Musa ɲakɔtɔ yen a be nɔɔrɔren, ale ni a ɲakɔtɔ butin tijaraŋɛ la, han a tini be donna sumundula Alatala dula.

Luki 1:6

Anu fila bɛ mu mɔgɔ telendeŋɛ le la Ala ye. Anu be sɔren Marige Alatala la yamɔrenu kɔma anun a la sunnanu. Fenfen bele anu la.

Luki 6:35

A bɛnta le wo ni wo jaguenu le kanu, wo ni ko ɲinma ma, wo ni mɔgɛ dɔntɔ, wo yili kana to ɲɔgɔ dee ma. Wo butɔ, wo baraje si koloya. Wo si a yita wo mu Ala la deŋɛnu le la, Ala min mayɛlɛta, bayi ale si nɛɛma fisiriwalenu nun mɔgɔ koroŋɛnu ma.

Yaya 5:35

Yaya mu lanpu bitareŋɛ le la nun, min malaŋɛ be bɔɔla. Wole sɔnta ɲagalinna a la malaŋɛ la, wagate do kɔtɔ.

Kiilanu 2:40

Piyɛri mɛn ka anu lasii sɔɔbɛ la, a ka anu kawandi kuma siyama la, a ko: «Wo ni bɔɔ bi mɔgɔ telenbalenu kɔma, alako wo ni kisi.»

Kiilanu 20:30

Kaye donu tugun si wuli wole faŋɛ tɔ, anu ni mamayɛlɛman kuma fɔ, alako anu ni talibenu masabaa anu ma.

Filipi 1:10

Wolo si a ma wo ni nɔ koenu fatanfasila ɲɔgɔn ye, minnu sɔdula kolo. Wo butɔ, wo juse ni beeya, malakɔrɔsi yo kana to wo ma Ala la mɔgɔ masubɛreŋɛ tana luŋɛ.

Filipi 3:6

N ɲan naata kata bɛ ma n ni Isa la dɛnkɛnɛyabaganu ɲagankata. Teleŋɛ min na ko be fɔren sariya tɔ, n ma balan wo la, malakɔrɔsi koron yo bele n ma nun.

1 Tesaloniki 5:23

Jususa tige Ala yɛtɛ ni wo lasaniyan a kɛɲa bɛ la. Wo butɔ, wo hakkile, wo nɛ anun wo bali bangue bɛ ni mandi kɔrɔsibaliya tɔ han wo mɔ Marige Isa Ala la mɔgɔ masubɛreŋɛ be tanala tɛmuɛ min tɔ.

1 Piyɛri 2:12

Wo la tagamanɲa ni bɛn a ɲinma la dunuya mɔgɛnu tɛma. Wo butɔ, hali anu ka wo tɔɲɛgɛ le wali koroŋɛ ma koe la, anu ni wo la wali ɲinma le tun yen, anu le tugun si naa Ala biliya le dantɛgɛ sa luŋɛ.

1 Piyɛri 2:9

Kɔnɔ Ala bata wole kan ma bɔnsɔ masubɛreŋɛ la, a ka wo ma mansa la sarika lakela jama la. Wo be maren jama saniyandeŋɛ le la, a ka wo ma a tɛŋɛ yati la. A ka wo kele, a ka wo labɔɔ dibe tɔ, wo ni to a la nɔɔra malanná butɔ. A ka wo bɛ ma le alako wo ni a la wali makaabɛreŋɛnu la ko fɔ.