Filipi 2:14 - Ala la kitabuenu Mɔgɔfin kuma tɔ

¹⁴ Wo butɔ, wo tini be fenfen mala, wo kana wo yagasede masa wo kana sɔnkɔ,

Filipi 2:14 Iomraidhean Croise

Luki 5:30

Farisinu nun anu la sariya karamɔgɛnu ŋunuŋuta Isa la talibenu ma, anu ko: «Wo be dɔmɔre mala, ka je min duuti makelelanu nun junubutɔɛnu fɛ fenna?»

Kiilanu 15:2

Pɔlu nun Baranabasi ma sɔn wo kuma la feu, han a mata anu tɛma bɛnbaliya la. Wo butɔ, anu ka natá jigan, Pɔlu nun Baranabasi nun donu anu tɛma, wonu ni yɛlɛ Darisalamu kiilanu nun kuntigenu ɲininkadula kɛ koe la.

Kiilanu 15:39

Wo koe ɲɔgɔn masɔ́sɛ́ bɛlɛyata anu tɛma, han anu fatanta. Baranabasi ka Maraki jigan, anu bakkita kulun banba tɔ tagala Sipiri sure tɔ.

Kiilanu 15:7

Sɔsɔre banba bata ma wagate min tɔ, Piyɛri wulita a ka a fɔ anu ye, a ko: «N nɛɛnɛdɔndɛnu, wo yɛtɛ ka a lɔn Ala ka nde masubɛ wo tɛma bɔɔla bima, alako sii gbɛtɛ mɔgɛnu ni kibaru ɲinma lamɔɛ nde la, anu ni dɛnkɛnɛya.

Kiilanu 6:1

Wo tɛmuɛnu tɔ, Isa la talibenu kɔnte to be kunmasala, minnu be Girɛki kuma fɔla anu tɔ, wonu ka anu fan madi doenu ma minnu be Hebure kuma fɔla, bayi lun go lun, harige tini be fatanna wagate min tɔ, fasaa si ma le furuɲa musenu la minnu be Girɛki kuma fɔla.

Filipi 2:3

Wo kana ɲɔgɔn siinaya fenfen na. Wo kana wasu fenfen na. Fɔ wo ni wo yɛtɛ majigi ɲɔgɔn ye, ka fisamanteya dii ɲɔgɔn ma.

1 Tesaloniki 5:13

Wo ni anu biliya koola kanunteya la anu la wo wale la ko la. Wo ni to jususa koe mala ɲɔgɔn ye.

1 Tesaloniki 5:15

Wo ni wo mɛnni koola, mɔgɔ yo kana ko koroŋɛ yɔgɔ ko koroŋɛ la. Wo ni to katala tɛmuɛ bɛ ka ko ɲinma le tun ma ɲɔgɔn ye, anun mɔgɛ bɛ ye.

Yaguba 1:20

bayi mɔgɛ la dumɛŋɛ te ko telendeŋɛ ma Ala ɲakɔtɔ.

Yaguba 3:14

Kɔnɔ ka bɛsɛnkɔnnɛya koroŋɛ nun ɲɔgɔn siinaya be wo juse tɔ, wo kana wo yɛtɛ lakoloya wo koenu tɔ. Wo ɲan kana tɔɲa masara foniya la!

Yaguba 5:9

N nɛɛnɛdɔndɛnu, wo kana wo madi wo kafuɲɔgɛ la ko la, ka wo ma kiite tini sa, a te diya wo la. Wo ni a lɔn, a banba bele toren Kiiti salá ni na.

1 Piyɛri 3:11

A ni bɔɔ ko koroŋɛ kɔma, a ni ko ɲinma le ma, a ni jususa ɲini, a ni sɔ wolo kɔma.

1 Piyɛri 4:9

Wo ni ɲɔgɔn nasɛnɛ jusu ɲinmaya la, wo kana a ma kuma mɛsɛŋɛ la.