Hɔrɔya 9:23 - Ala la kitabuenu Mɔgɔfin kuma tɔ

²³ Wo butɔ, Musa ka a la tungare sɔ saŋɛ la ki min na, Alatala ka sangi bula nun sangi kure lasanba kisanna, balamantaŋɛ jigita duge tɔ. Alatala ka sangi kure laboe Misira duge tɔ.

Hɔrɔya 9:23 Iomraidhean Croise

Ko fɔlɔfɔlɛ 19:24

Wo tɛmuɛ le, Alatala ka soda nun ta lajigi bɔɔla saŋɛ tɔ iko sange, a ka a laboe Sodɔmu nun Gomori saa tɔ. Wo fatanta Alatala yɛtɛ le la.

Hɔrɔya 19:16

A tele saba luŋɛ ɲɔ to kɛnɛta, balamantaŋɛ jigita, banta malumaluta, luuture bilima ka kɔnkɛ kuŋɛ mabutin. Bina kulɛ bɔɔta sɛnbɛ banba la. Jama min be daaka tɔ, anu bɛ bakkuta sɛrɛnna, anu kilanta.

Hɔrɔya 20:18

Bani Isirayila kaanu bɛ be balamantaŋɛ kulɛ mɔɛla, anun bina fe kulɛ, anu bɛ be sangi malaŋɛ anun siise yenden min be yɛlɛla kɔnkɛ tɔ. Wo koe ka anu bɛ lasɛrɛn, anu tota sɔren kan yanfama tɔ.

Hɔrɔya 9:18

Awa a kɔnɔn, a si naa sangi kure makilandeŋɛ layɛlɛn de sinan kɛ tɛmuɛ, bɔɔla Misira sɔta han bi, anu ma min ɲɔgɔn yen.

Hɔrɔya 9:24

Sangi kure nun balamantaŋɛ basanta ɲɔgɔn na a ɲinma la, anu jigita anu ma. A la gbaloenu kolo, min siila ma ma betunna Misira duge bɛ tɔ bɔɔla Misira jamanɛ sɔta.