Hɔrɔya 8:11 - Ala la kitabuenu Mɔgɔfin kuma tɔ

¹¹ Kɔnɔ Firauna to ka a yen suleŋɛ donden bata ma, a mɛn ka a hakkile labɛlɛya. A ma sɔn Musa nun Harona kulɛ lamɔɛla; Alatala ka a fɔ ɲɔgɔnna le nun.

Hɔrɔya 8:11 Iomraidhean Croise

Hɔrɔya 4:21

Alatala mɛn ko Musa ma: «N ka yamɔre don i bolo kabanakoe mɔɔlenu bɛ ma koe la. I to be saagila Misira, i ni i hakkile to a ma, i ni anu ma Firauna ɲala. Wo kɔma, nde si Firauna hakkile labɛlɛya, a te bani Isirayila kaanu boloka anu ni taga.

Hɔrɔya 7:13

Kɔnɔ wo bɛ butɔ, Firauna hakkile be bɛlɛyaren tun, a ma Musa nun Harona kulɛ lamɔɛ; Alatala ka a fɔ ɲɔgɔnna le nun.

Hɔrɔya 7:14

Wo tanbi kɔma, Alatala ka a fɔ Musa ye, a ko: «Firauna hakkile be bɛlɛyaren, a be balanden bani Isirayila kaanu bolokala anu ni taga.

Hɔrɔya 8:12

Awa, Alatala ka a fɔ Musa ye, a ko: «A fɔ Harona ye, a ni a la tungare lafonti, banbaŋɛ min be duge tɔ a ni a botege. A si yɛlɛman de taase la Misira duge bɛ butɔ.»

Hɔrɔya 8:13

Anu ka a ma ɲɔgɔnna: Harona ka a bole nun a la tungare lafonti, banbaŋɛ min be duge tɔ a ka a botege. Wo bɛ mata taasenu la, anu tuguta mɔgɛnu nun kolofeŋɛnu la. Banbaŋɛ min bɛ be duge kunma, a bɛ mata taasenu la, Misira duge bɛ butɔ.

Hɔrɔya 8:3

Kɔnɔ durenu tugun ka wo ko dɔndɛ ma anu la keuya sabu la: anu ka langansarimanu layɛlɛ Misira duge tɔ.

Hɔrɔya 8:9

Alatala ka Musa la mamataraŋɛ jigan a ye. Langansarimanu sɔntɔta boŋɛnu butɔ, sansaŋɛnu butɔ, anun ɲagama butɔ.