Hɔrɔya 8:1 - Ala la kitabuenu Mɔgɔfin kuma tɔ

¹ Alatala ka a fɔ Musa ye, a ko: «A fɔ Harona ye, a ni a la tungare bita a bole la a ni a lafonti kɔɛɛnu kunma, Nili kɔ folenu kunma, anun dalanu kunma, a ni langansarimanu layɛlɛ Misira duge kunma.»

Hɔrɔya 8:1 Iomraidhean Croise

Hɔrɔya 3:12

Ala ka a jaabi, a ko: «N be i fɛ. A lɔn koe la, ko nde le be i lasanbaren, a tɔnkuma le ka: i tini bani Isirayila kaanu labɔɔ Misira, wo si naa nde Ala batu kɛ kɔnkɛ tɔ.»

Hɔrɔya 3:18

Awa, bani Isirayila kaanu si i kulɛ mɔɛ le. Wo kɔma, ile nun bani Isirayila kuntigenu si taga Misira mansa bata, wo ni a madiya, wo ko: ‹Alatala, Heburenu la Ala, a bata a yɛtɛ labɔɔ mɔ ma. Kɔtɛ, i ni a to yandi, mɔ ni taga tele saba tagamaŋɛ ma janfue butɔ, alako mɔ ni sarika bɔɔ Alatala ye, mɔ la Ala.› »

Hɔrɔya 4:23

Aa a bata a fɔ i ye i ni a la den kayireŋɛ boloka a ni taga a batu, kɔnɔ i ma sɔn a bolokala a ni taga. Awa aa a si naa i la den kayiren fɔlɛ faga.› »

Hɔrɔya 5:1

Wo tanbi kɔma, Musa nun Harona tagata Firauna taran Misira, anu ka a fɔ a ye: «Alatala la kuma le ka, bani Isirayila kaanu la Ala, a ko: aa i ni a la jama boloka anu ni taga, alako anu ni sale ma a la biliya butɔ, janfue tɔ.»

Hɔrɔya 5:3

Anu ka a jaabi, anu ko: «Heburenu la Ala bata a fan nabɔɔ mɔ ma. Yandi mɔ boloka, mɔ ni tele saba tagamaŋɛ ma janfue butɔ, sarika bɔɔdula Alatala ye, mɔ la Ala, alako a kana kaaka bandiya latugu mɔ la ka wo ma a ni mɔ faga faŋɛ la.»

Hɔrɔya 7:16

I mɛn si a fɔ Firauna ye, i ko: ‹Heburenu Marige Alatala ka n kii i ma, aa n ni a fɔ i ye, aa i ni a la jama boloka anu ni taga alako anu ni a batu janfue tɔ. Kɔnɔ han kɔtɛ i bele a kulɛ lamɔɛla.

Hɔrɔya 7:25

Alatala la Nili kɔɛɛ botege kɔma, a mata han tele wɔrɔwila.

Hɔrɔya 8:2

Awa, Harona ka a bole lafonti Misira kɔɛnu kunma, langansarimanu yɛlɛta, anu ka Misira duge bɛ mabutin.

Hɔrɔya 8:20

Alatala ka a ma ɲɔgɔnna le. Siisa da kunama nata anu kurun kuruŋɛ banba dan bele min na ka tugu Firauna nun a la walilanu la boŋɛnu butɔ la, anun Misira duge butɔ bɛ. Siisa da kunamanu ka duge bɛ kunnatiɲa.

Hɔrɔya 9:1

Awa, Alatala ka a fɔ Musa ye, a ko: «Taga don Firauna bata, i ni a fɔ a ye: ‹Alatala, Heburenu la Ala la kuma le ka, a ko: aa i ni a la jama boloka, alako anu ni taga a batu.