Hɔrɔya 5:3 - Ala la kitabuenu Mɔgɔfin kuma tɔ

³ Anu ka a jaabi, anu ko: «Heburenu la Ala bata a fan nabɔɔ mɔ ma. Yandi mɔ boloka, mɔ ni tele saba tagamaŋɛ ma janfue butɔ, sarika bɔɔdula Alatala ye, mɔ la Ala, alako a kana kaaka bandiya latugu mɔ la ka wo ma a ni mɔ faga faŋɛ la.»

Hɔrɔya 5:3 Iomraidhean Croise

Hɔrɔya 3:18

Awa, bani Isirayila kaanu si i kulɛ mɔɛ le. Wo kɔma, ile nun bani Isirayila kuntigenu si taga Misira mansa bata, wo ni a madiya, wo ko: ‹Alatala, Heburenu la Ala, a bata a yɛtɛ labɔɔ mɔ ma. Kɔtɛ, i ni a to yandi, mɔ ni taga tele saba tagamaŋɛ ma janfue butɔ, alako mɔ ni sarika bɔɔ Alatala ye, mɔ la Ala.› »

Hɔrɔya 7:16

I mɛn si a fɔ Firauna ye, i ko: ‹Heburenu Marige Alatala ka n kii i ma, aa n ni a fɔ i ye, aa i ni a la jama boloka anu ni taga alako anu ni a batu janfue tɔ. Kɔnɔ han kɔtɛ i bele a kulɛ lamɔɛla.

Hɔrɔya 8:1

Alatala ka a fɔ Musa ye, a ko: «A fɔ Harona ye, a ni a la tungare bita a bole la a ni a lafonti kɔɛɛnu kunma, Nili kɔ folenu kunma, anun dalanu kunma, a ni langansarimanu layɛlɛ Misira duge kunma.»

Hɔrɔya 8:20

Alatala ka a ma ɲɔgɔnna le. Siisa da kunama nata anu kurun kuruŋɛ banba dan bele min na ka tugu Firauna nun a la walilanu la boŋɛnu butɔ la, anun Misira duge butɔ bɛ. Siisa da kunamanu ka duge bɛ kunnatiɲa.

Hɔrɔya 8:27

Musa ka Alatala mataran min na, Alatala ka a ma le a ye: siisa da kunamanu yanfayata Firauna nun a la walilanu la, sa a la jama kunma. Hali dɔndɔ a ma to.

Lewi bɔnsɛnu la sariya 26:25

N si kɛlɛ lawuli le wo ma n na lahiri tiɲareŋɛ la ko la. Wo tini dogon wo la saanu butɔ, n si wo labandi le bandiya makilandeŋɛ la min teri tanbila mɔgɔ gbɛtɛ ma, wo ni naa to wo jaguenu bolo butɔ.