Hɔrɔya 4:21 - Ala la kitabuenu Mɔgɔfin kuma tɔ

²¹ Alatala mɛn ko Musa ma: «N ka yamɔre don i bolo kabanakoe mɔɔlenu bɛ ma koe la. I to be saagila Misira, i ni i hakkile to a ma, i ni anu ma Firauna ɲala. Wo kɔma, nde si Firauna hakkile labɛlɛya, a te bani Isirayila kaanu boloka anu ni taga.

Hɔrɔya 4:21 Iomraidhean Croise

Ko fɔlɔfɔlɛ 6:3

Wo kɔma, Alatala ka a fɔ: «N ka n na fɔɲɔ balunɛŋɛ ladon mɔgɛnu tɔ, kɔnɔ n te sɔn a ni mɛ anu tɔ bitugun, bayi fenfen ma mɔgɛ la, fɔ bannɛŋɛ. A la simaya bɛ labɛndeŋɛ mu san kɛmɛ san mugan de la.»

Hɔrɔya 10:1

Awa, Alatala ka a fɔ Musa ye, a ko: «Taga don Firauna bata, bayi nde len be ale nun a la walilanu hakkile labɛlɛyaren, alako n ni n na kɛ kabanakoenu yita anu la.

Hɔrɔya 10:20

Kɔnɔ Alatala ka Firauna hakkile labɛlɛya. Firauna ma sɔn bani Isirayila kaanu bolokala anu ni taga.

Hɔrɔya 10:27

Kɔnɔ Alatala ka Firauna hakkile labɛlɛya, Firauna ma sɔn anu bolokala anu ni taga.

Hɔrɔya 11:10

Musa nun Harona ka wo kabanakoe bɛ ma Firauna ɲala, kɔnɔ Alatala ka Firauna hakkile labɛlɛya, Firauna ma sɔn bani Isirayila kaanu bolokala a la duge tɔ.

Hɔrɔya 11:9

Alatala ka a fɔ Musa ye, a ko: «Firauna te a tolomasɔ wo la, alako n na kabanakoe ni siya Misira duge butɔ.»

Hɔrɔya 14:17

Nde tugun, n si Misira kaanu hakkile labɛlɛya le, alako anu ni wo jokki. Kɔnɔ n si naa koe ma Firauna nun a la sɔɔrenu anun a la sarɛtinu nun soo laborilanu la, wolo si a ma n si naa mamatɔgɛ sɔtɔ.

Hɔrɔya 14:4

N si Firauna hakkile labɛlɛya le a ni anu jokki. Kɔnɔ n si naa koe ma Firauna nun a la sɔɔrenu la, wolo si a ma n si naa mamatɔgɛ sɔtɔ. Wo butɔ, Misira kaanu si naa a lɔn de ka a fɔla nde le mu Alatala la.» Bani Isirayila kaanu ka a ma ɲɔgɔnna le.

Hɔrɔya 14:8

Wo butɔ, Alatala ka Firauna Misira mansa hakkile labɛlɛya han a ka bani Isirayila kaanu jokki, minnu bɔɔta Ala sɛnbɛ sabu la.

Hɔrɔya 3:19

Ala mɛn ko Musa ma: «N ka a lɔn yati Firauna te naa wo boloka fɔ ka min sɛnbɛ fisa a sɛnbɛ ko.

Hɔrɔya 3:20

N si n bole sɛnbɛ yita Firauna la jamanɛ la, n ni a botege jihade mɔɔle bɛ la. Wo kɔma, a si wo boloka wo ni taga.

Hɔrɔya 7:13

Kɔnɔ wo bɛ butɔ, Firauna hakkile be bɛlɛyaren tun, a ma Musa nun Harona kulɛ lamɔɛ; Alatala ka a fɔ ɲɔgɔnna le nun.

Hɔrɔya 7:3

Kɔnɔ nde si Firauna hakkile labɛlɛya le. Hali n ka n na tɔnkumanu anun n na kabanakoenu lasiya Misira duge tɔ,

Hɔrɔya 8:11

Kɔnɔ Firauna to ka a yen suleŋɛ donden bata ma, a mɛn ka a hakkile labɛlɛya. A ma sɔn Musa nun Harona kulɛ lamɔɛla; Alatala ka a fɔ ɲɔgɔnna le nun.

Hɔrɔya 8:15

Wo kɔma, durenu ka a fɔ Firauna ye, anu ko: «Ala sɛnbɛ le mu!» Kɔnɔ wo bɛ, Firauna hakkile mɛn be bɛlɛyaren tun, a ma sɔn Musa nun Harona kulɛ lamɔɛla; Alatala ka a fɔ ɲɔgɔnna le nun.

Hɔrɔya 9:12

Kɔnɔ Alatala ka Firauna hakkile labɛlɛya, a ma sɔn Musa nun Harona kulɛ bitala; Alatala ka a fɔ Musa ye ɲɔgɔnna le nun.

Hɔrɔya 9:35

Wo bɛ butɔ, Firauna hakkile be bɛlɛyaren tun, a ma sɔn bani Isirayila kaanu bolokala feu, anu ni taga; Alatala ka a fɔ ɲɔgɔnna le nun Musa sabu la.

Yaya 12:40

«Ala ka anu ɲanu bita a la, a ka anu hakkile labɛlɛya, alako anu ɲanu kana nɔ ɲɔ tayenna, anu kana fahamu sɔtɔ anu hakkile tɔ ka tuubɛ, nde Ala ni anu lakendeya.»

1 Piyɛri 2:8

A mɛn be fɔren: «Kure le mu mɔgɛnu si anu kɛn natugu min na, kure le mu min si mɔgɛnu laboe.» Anu to bele sɔnna Ala la kuma bitala, wolo mu anu si boe. Ala bata wo lagiri anu ye.